ក្រុមអាហារជួយបង្កើនភាពវាងវៃខួរក្បាលកូន ថែមពីលើការហ្វឹកហាត់

ការថែទាំកូនបានដិតដល់ និងបំប៉នអាហារូបត្ថម្ភបានត្រឹមត្រូវ នោះអាអូននឹងទទួលបានការលូតលាស់ល្អ រាងកាយមាំមួន ឯបញ្ញាស្មារតីក៏វាងវៃទៀត។ ចង់ឲ្យខួរក្បាលកូនឆ្លាតមិនមែនគ្រាន់តែហ្វឹកហាត់ដោយការបង្ហាត់បង្រៀនពីនេះពីនោះតែមួយមុខទេ ត្រូវរួមផ្សំជាមួយអាហារូបត្ថម្ភល្អដូចគ្នា។

ចង់គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

អាហារអ្វីខ្លះអាចជួយឲ្យខួរក្បាលកូនឆ្លាតវាងវៃ?

ស៊ុត – នឹកស្មានមិនដល់ទេត្រូវឬអត់? ស៊ុត ជាអាហារល្អចំពោះខួរក្បាល ដោយសារសម្បូរវីតាមីន B6 និង B12 អាស៊ីដហ្វូលីក ពិសេសសារធាតុ Choline ដែលជាសារធាតុចម្បងបង្កើតចេញជាអាស៊ីដCholine ជួយដល់ប្រព័ន្ធសរសៃប្រសាទឲ្យគ្រប់គ្រងអារម្មណ៍ និងការចងចាំកាន់តែល្អ។

ខ្លាញ់ត្រី – ត្រីសម្បូរខ្លាញ់ ត្រូវចាត់ទុកជាអាហារចម្បងជួយដល់ខួរក្បាលដូចជា ត្រីសាល់ម៉ុន និងត្រីសាឌីន ព្រោះពពួកត្រីទាំងនេះ សម្បូរអាស៊ីដខ្លាញ់អូមេហ្គា ៣។ អាស៊ីដខ្លាញ់អូមេហ្គា ៣នេះ សំខាន់ខ្លាំងណាស់សម្រាប់សុខភាពខួរក្បាល វាជួយឲ្យខួរក្បាលអាអូនចងចាំបានល្អ និងមានអារម្មណ៍ស្រស់ស្រាយ។

បន្លែបៃតង – យើងដឹងហើយថា បន្លែបៃតងល្អប៉ុនណាសម្រាប់សុខភាពទូទៅ ប៉ុន្តែពួកវាផ្ទុកទៅដោយ B6 B12 ជាតិដែក និងអាស៊ីដហ្វូឡាត ដែលគាំទ្រខួរក្បាលជួយឲ្យកូនមានប្រាជ្ញាវាងវៃ។

ក្រូច – ក្រូចជាផ្លែឈើសម្បូរវីតាមីនបំផុត ជួយសុខភាពរាងកាយទាំងមូលបានច្រើនណាស់ ក្នុងនោះក៏អាចជួយឲ្យខួរក្បាលធ្វើការកាន់តែល្អដូចគ្នា។ វីតាមីន C ក្នុងផ្លែក្រូច ជាសារធាតុសំខាន់ ជួយការពារបញ្ហាបាក់ទឹកចិត្ត ប្រយុទ្ធប្រឆាំងពពួករ៉ាឌីកាល់សេរី ដែលជាភ្នាក់ងារបំផ្លាញកោសិកាខួរក្បាលយើង ពិសេសវីតាមីន C ជួយឲ្យយើងក្មេងជាងវ័យថែមទៀតផង។

សម្រាប់ភេសជ្ជៈវិញ គ្មានអ្វីល្អជាងទឹកផ្លែឈើធម្មជាតិទេ ពិសេសទឹកផ្លែឈើសម្បូរដោយសារធាតុប្រឆាំងអុកស៊ីដកម្ម និងវីតាមីនដូចជា ទឹក Cranberry ឬទឹកប្រទាលកន្ទុយក្រពើជាដើម។

អត្ថបទគួរអាន៖

• ហេតុផល ៤ យ៉ាង ប៉ាម៉ាក់មិនគួរចាក់ក្រឡេក​កូនឱ្យសើច
• គួរធ្វើម៉េច ពេលឮកូននិយាយថា “កូនស្អប់ម៉ាក់ ឬប៉ា”?
• វិធីសាស្រ្ត ៧យ៉ាងបង្រៀនកូនតូចឱ្យចេះអត់ធ្មត់
• ចេញសញ្ញាមួយចំនួននេះ បង្ហាញថាកូនមានជំងឺពិបាកផ្ចង់អារម្មណ៍
• ឃើញកូនតូចប្រើដៃឆ្វេង ប៉ាម៉ាក់គួរកែអត់?
• ចង់ឱ្យកូនជោគជ័យ មានអនាគតល្អ ប៉ាម៉ាក់ត្រូវធ្វើរឿង ៥ យ៉ាងនេះតាំងពីកូននៅតូច