របបអាហារ ៨ ប្រភេទ ជួយម៉ាក់ៗបង្កើនបរិមាណ និងគុណភាពទឹកដោះ

ទឹកដោះសម្បូរទៅដោយសារធាតុចិញ្ចឹមដែលជួយឱ្យអាអូនលូតលាស់បាន​ល្អ និងមិនសូវឈឺ ប៉ុន្តែ​ម៉ាក់ៗ​បំបៅដោះភាគច្រើនប្រឈមនឹងបញ្ហា​មិនសូវសម្បូរទឹកដោះ។ តែមិនថ្វីទេ របបអាហារ​ដែល​សម្បូរ​ជីវជាតិមិនត្រឹមតែអាចជួយបង្កើនបរិមាណ និងគុណភាពទឹកដោះរបស់ម៉ាក់ៗទេ ថែមទាំង​ជួយ​ឱ្យម៉ាក់ៗមានកម្លាំង និងសុខភាពល្អទៀតផង។ តើ​របប​អាហារទាំងនោះមានអ្វីខ្លះ?

ម៉ាក់ៗបំបៅដោះគួរញុំាអាហារដែលសម្បូរទៅដោយសារធាតុចិញ្ចឹមដូចខាងក្រោម៖

១. គ្រាប់ធញ្ញជាតិ

គ្រាប់ធញ្ញជាតិដូចជា អង្ករសម្រូប ស្រូវសាលីអូត នំបុ័ង ឬមីដែលធ្វើពីម្សៅគ្រាប់ធញ្ញជាតិ​សម្បូរទៅ​ដោយ​កាបូអ៊ីដ្រាត ជាតិសរសៃ សារធាតុរ៉ែ វីតាមីន B កាបូអ៊ីដ្រាត ប្រូតេអ៊ីន និងខ្លាញ់មិនឆ្អែត​ដែល​ជួយរក្សា​កម្រិត​​ជាតិ​ស្ករ​ក្នុង​ឈាមម៉ាក់ៗ​ឱ្យ​ថេរ ​ជួយ​ដល់​ការ​រំលាយ​អាហារ​ ជួយឱ្យម៉ាក់ៗមានកម្លាំង និងឆ្អែតបានយូរ។

២. វីតាមីន D

ដោយសារទឹកដោះមិនសូវមានវីតាមីន D ដូច្នេះគ្រូពេទ្យជំនាញណែនាំឱ្យម៉ាក់ៗបំបៅដោះ​គួរញុំា​វីតាមីន D ៦០០ IU ជារៀងរាល់ថ្ងៃដើម្បីជួយឱ្យរាងកាយ​ម៉ាក់ៗ និងអាអូនស្រូបយកជាតិកាល់ស្យូម​បានល្អ។ អាហារសម្បូរ​ទៅដោយវីតាមីន D រួមមាន ទឹកដោះគោ ត្រី និងស៊ុតក្រហមជាដើម។ ជាង​នេះ​ទៅទៀត ម៉ាក់ៗក៏អាចទទួលបានវីតាមីន D ដោយ​ហាល​ថ្ងៃពេលព្រឹកព្រលឹមដែរ។

៣. ជាតិដែក

អាហារសម្បូរទៅដោយជាតិដែកដូចជា សាច់សុទ្ធ សាច់មាន់ សណ្តែក និងបន្លែស្លឹកបៃតងជាដើម​អាចជួយឱ្យម៉ាក់ៗមានកម្លាំង និងការពារម៉ាក់ៗ និងអាអូនពីភាពស្លេកស្លាំងព្រោះជាតិដែក​ជួយ​ដឹក​នាំអុកស៊ី​សែន​​​​ទៅគ្រប់ផ្នែកនៃរាងកាយ ហើយរាងកាយយើងត្រូវការជាតិដែក​ដើម្បី​ផលិត​គ្រាប់​ឈាម​ក្រហម។

៤. កាល់ស្យូម

អាហារសម្បូរកាល់ស្យូមដូចជា គ្រាប់ល្ង គ្រាប់ឈៀ ផលិតផលទឹកដោះ សណ្តែក និងបន្លែបៃតង​ជាដើម​ជួយឱ្យឆ្អឹង និងធ្មេញរបស់ម៉ាក់ៗ និង​អាអូន​រឹងមាំ និងមានសុខភាពល្អ។ ម៉ាក់ៗគួរញុំា​កាល់ស្យូម​ប្រហែល ១០០០ មិល្លីក្រាមក្នុងមួយថ្ងៃព្រោះក្នុងអំឡុងពេលបំបៅដោះ ម៉ាស់ឆ្អឹងម៉ាក់ៗ​អាចថយចុះ។

ចង់គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

៥. អាស៊ីដខ្លាញ់អូមេហ្កា ៣

អាស៊ីដខ្លាញ់អូមេហ្កា ៣ អាចជួយដល់ការអភិវឌ្ឍខួរក្បាល និងជួយឱ្យភ្នែកអាអូនមាន​សុខភាពល្អ ដែល​អាស៊ីដ​ខ្លាញ់​ប្រភេទ​នេះ​សម្បូរនៅក្នុងអាហារដូចជា ប្រេងអូលីវ គ្រាប់ផ្លែឈើ ផ្លែបឺរ និងត្រីសាល់ម៉ុន​ជាដើម។

៦. វីតាមីន A

វីតាមីន A ជួយឱ្យបេះដូង ភ្នែក និងប្រព័ន្ធការពាររបស់ម៉ាក់ៗ និង​អាអូន​មានសុខភាពល្អ។ វីតាមីន A សម្បូរនៅក្នុង ការ៉ុត ដំឡូងជ្វា បន្លែស្លឹកបៃតង ក្រូច និង​ត្រសក់ស្រូវជាដើម។

៧. ប្រូតេអ៊ីន

គ្រូពេទ្យជំនាញណែនាំឱ្យម៉ាក់ៗបំបៅដោះឱ្យញុំាប្រូតេអ៊ីនយ៉ាងហោចណាស់ ៦៥ ក្រាម​ក្នុង​មួយ​ថ្ងៃ​។ ប្រូតេអ៊ីនសម្បូរនៅក្នុងអាហារដូចជា សាច់សុទ្ធ ស៊ុត គ្រាប់ធញ្ញជាតិ និង​សណ្តែកជាដើម។

[embed-health-tool-vaccination-tool]

៨. វីតាមីន B12

វីតាមីន B12 ដើរតួយ៉ាងសំខាន់ក្នុងការបង្កើតកោសិកាឈាមក្រហម ក៏ដូចជាជួយដល់​ការអភិវឌ្ឍ​ខួរក្បាល​របស់ទារក។ អាហារសម្បូរវីតាមីន B12 មានដូចជា សាច់ ត្រី ទឹកដោះគោ និងស៊ុត​ជា​ដើម។

ទឹកដោះមានជាតិទឹកដល់ទៅ ៨៨% ដូច្នេះម៉ាក់ៗគួរញុំាទឹកឱ្យបានគ្រប់គ្រាន់ (២ ទៅ ២ លីត្រកន្លះ​ក្នុងមួយថ្ងៃ) ដើម្បីការពារខ្សោះជាតិទឹក និង​ជួយ​ឱ្យសម្បូរទឹកដោះ។

អត្ថបទគួរអាន៖

• បំបៅដោះកូន បើម៉ាក់ៗញ៉ាំអាហារឆៅអាចប៉ះពាល់អីខ្លះ?
• អំឡុង​ពេល​បំបៅ​ដោះ​កូន​ ម៉ាក់​ៗ​អាច​ញ៉ាំ​អាហារ​ហឹរ​បាន​ឬ​អត់?​​​​​​​​​​​​​​​​​​​​​​​​​​​​​​​
• ទើបសម្រាលកូន បារម្ភខ្លាចអត់ចេញទឹកដោះឲ្យកូនបៅ មកដឹងតិចនិកនេះ
• ម៉េច​ក៏​ទឹក​ដោះ​ម៉ាក់ៗ​ប្ដូរ​ពណ៌​​ តើ​​​គួរ​បារម្ភកម្រិតណា​?
• អាអូនបៅដោះម្ដាយមិនឡើងគីឡូ មកពីទឹកដោះម្ដាយក្ដៅ ឬយ៉ាងណា?
• ត្រូវ​ដឹង បើ​បំបៅ​ដោះ​កូន ម៉ាក់ៗ​ត្រូវ​តម​អីខ្លះ?