ប៉ាម៉ាក់ណាក៏មិនខុសគ្នាដែរ តែងតែងចង់ឃើញកូនមានសុខភាពល្អជៀសឆ្ងាយពីជំងឺផ្សេងៗ ពិសេសមានការលូតលាស់ផ្នែកខួរក្បាលល្អ បានន័យថាកូនមានបញ្ញាស្មារតីល្អ និងរៀនបានពូកែ ឬគេហៅថាកូនមាន IQ ខ្ពស់ ។
មាតិកា
Gangliosides ៖ អាហារូបត្ថម្ភដ៏សំខាន់សម្រាប់កូនជួយដល់ការលូតលាស់ខួរក្បាល និងការសិក្សា
ប៉ុន្តែអ្វីដែលប៉ាម៉ាក់ចង់បានទាំងនេះមិនមែនកើតចេញមកដោយមិនមានការជួយជ្រោមជ្រែងពីប៉ាម៉ាក់នោះទេ។ របបអាហារត្រឹមត្រូវ មជ្ឈដ្ឋានរស់នៅ និងការហ្វឹកហាត់ខួរក្បាលពីតូចបានល្អ គឺជួយឲ្យកូនមានការវិវត្តខួរក្បាលបានល្អ ជួយបង្កើនកម្រិត IQ របស់កូន។ ទោះបីជាខួរក្បាលក្មេងបន្តលូតលាស់ចាប់តាំងពីទើបកើតរហូតដល់វ័យជំទង់ក្ដី ប៉ុន្តែមជ្ឈមណ្ឌលគ្រប់គ្រង និងបង្ការជំងឺ (CDC) របស់សហរដ្ឋអាមេរិក បានលើកឡើងថាក្នុងរយៈពេល ៨ឆ្នាំដំបូងជាពេលដែលខួរក្បាលកូនត្រូវលូតលាស់ កសាងមូលដ្ឋានគ្រឹះសម្រាប់ការសិក្សា សុខភាព និងជោគជ័យនៃជីវិតនាថ្ងៃអនាគត។
តើ IQ ជាអ្វី?
IQ គឺជាខ្នាតមួយដែលគេវាស់វែងទៅសមត្ថភាពនៃការស្វែងរកហេតុផល និងដោះស្រាយបញ្ហា ដែលគេគិតថាក្មេងមានកម្រិត IQ ខ្ពស់មានលទ្ធភាពទទួលបានជោគជ័យខ្ពស់ក្នុងការសិក្សា។ កម្រិត IQ ជាមធ្យមនៅត្រឹម ១០០ ប៉ុន្តែការសិក្សារកឃើញថាមនុស្សប្រហែលជា ៦៨ ភាគរយមាន IQ ចន្លោះពី ៨៥ ទៅ ១១៥។ សម្រាប់អ្នកមានកម្រិត IQ ខ្ពស់ជាង ១៤០ ត្រូវគេចាត់ទុកថាជាមនុស្សមានពិន្ទុខ្ពស់អស្ចារ្យម្នាក់។ ផ្ទុយមកវិញ សម្រាប់ក្មេងមានកម្រិត IQ ទាបជាង ៧៥ ត្រូវគេចាត់ទុកថាជាក្មេងដែលអាចប្រឈមក្នុងការរៀនសូត្រមិនបានល្អ។
បើអីចឹងធ្វើម៉េចដើម្បីកូនមានខួរក្បាលល្អ និងមាន IQ ខ្ពស់?
តាមការណែនាំរបស់អង្គការសុខភាពពិភពលោក ក៏ដូចជាក្រសួងសុខាភិបាល ម្ដាយគួរបំបៅដោះកូនឲ្យបានយ៉ាងតិច ៦ខែ ឬច្រើនជាងនេះតាមដែលអាចធ្វើទៅបាន។ មួយវិញទៀត ការផ្ដល់ទឹកដោះដំបូងឲ្យកូនពិតជាមានសារសំខាន់ណាស់សម្រាប់ការផ្ដល់ប្រព័ន្ធការពាររាងកាយរឹងមាំដល់កូន និងការលូតលាស់ខួរក្បាលរបស់កូន។
ក្នុងទឹកដោះម្ដាយមានផ្ទុកសារធាតុម្យ៉ាងឈ្មោះថា ហ្គេងឃ្លីអូសាយ (Gangliosides) ដែលជាសារធាតុមួយដើរតួយ៉ាងសំខាន់ក្នុងការអភិវឌ្ឍខួរក្បាលរបស់កូន។ ការសិក្សារកឃើញថាក្នុងទឹកដោះដំបូងមានសារធាតុ Gangliosides ចំនួន ២៦,៨ មិល្លីក្រាមក្នុងមួយលីត្រ និងទឹកដោះបន្តបន្ទាប់មកទៀតអាចមានប្រហែល ១៨,៩ មិល្លីក្រាមក្នុងមួយលីត្រ។ Gangliosides ក្រៅពីមានក្នុងទឹកដោះម្ដាយក៏គេរកឃើញមាននៅក្នុងឈាម ជាលិកា និងខួរក្បាលផងដែរ។ មួយវិញទៀត Gangliosides ឥឡូវនេះក៏ឃើញមានក្នុងផលិតផលទឹកដោះគោម្សៅមួយចំនួនដែលជាបច្ចេកវិទ្យាថ្មីមួយ។
ក្រៅពីនេះ នៅមានការសិក្សាមួយបានពិសោធទៅក្មេងពីរក្រុមដោយមួយក្រុម ត្រូវគេផ្ដល់របបអាហារមានផ្ទុក Gangliosides និងមួយក្រុមទៀតផ្ដល់របបអាហារដែលមិនមានផ្ទុក Gangliosides។ តាមរយៈការពិសោធន៍ ក្មេងដែលបានទទួលអាហារមានផ្ទុក Gangliosides រហូតដល់ ៦ខែ មានការលូតលាស់ផ្នែកខួរក្បាលល្អជាង និងពិន្ទុ IQ ខ្ពស់ជាងក្មេងដែលមិនបានទទួល Gangliosides ក្នុងរបបអាហារ។
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
ក្រៅពីអត្ថប្រយោជន៍ដល់ការលូតលាស់ផ្នែកខួរក្បាល Gangliosides ក៏មានប្រយោជន៍ជួយដល់សុខភាពក្រពះពោះវៀនកូនដូចគ្នា។ ការសិក្សាមួយធ្វើឡើងនៅប្រទេសម៉ាឡេស៊ីរកឃើញថាសារធាតុ Gangliosides មានប្រយោជន៍ជួយគ្រប់គ្រងប្រព័ន្ធភាពស៊ាំ ជួយដល់ការលូតលាស់របស់ក្រពះពោះវៀនកូន និងជួយប្រឆាំងការឆ្លងមេរោគតាមពោះវៀនផងដែរ។
ក្រៅពីរបបអាហារ CDC អាមេរិកក៏បានណែនាំដែរថា ការនិយាយលេងជាមួយកូន និងការយកចិត្តទុកដាក់ប្រកបដោយក្ដីស្រឡាញ់ពីប៉ាម៉ាក់ ក៏រួមចំណែកជួយឲ្យខួរក្បាលកូនតូចលូតលាស់បានល្អដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
What’s the Average IQ?, https://www.verywellmind.com/what-is-the-average-iq-2795284
Gangliosides (GA) and brain development, https://en.wikiversity.org/wiki/Gangliosides_(GA)_and_brain_development
Association of complex lipids containing gangliosides with cognitive development of 6-month-old infants, https://pubmed.ncbi.nlm.nih.gov/22289412/#:~:text=Results%3A%20Ganglioside%20supplementation%20using%20complex,IQ%20(P%3D0.041).
Early Brain Development and Health, https://www.cdc.gov/ncbddd/childdevelopment/early-brain-development.html
Why Ages 2-7 Matter So Much for Brain Development, https://www.edutopia.org/article/why-ages-2-7-matter-so-much-brain-development
Gangliosides in the Brain: Physiology, Pathophysiology and Therapeutic Applications, https://www.ncbi.nlm.nih.gov/pmc/articles/PMC7574889/#:~:text=In%20the%20nervous%20system%2C%20gangliosides,and%20de%20Kroon%2C%202011).
Gangliosides in the Brain, https://www.sciencedirect.com/topics/agricultural-and-biological-sciences/glycan
កំណែប្រែបច្ចុប្បន្ន
21/09/2022
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម