មិនចង់ឲ្យកូនលង់ខ្លួនតាមមិត្តភក្ដិមិនល្អ ម៉ាក់ប៉ាគួរអប់រំបែបណា?

ប៉ាម៉ាក់អាចជួយការពារកូនៗឲ្យជៀសផុតពីការប្រើប្រាស់គ្រឿងស្រវឹង ថ្នាំជក់ ឬ គ្រឿងញៀន ដោយអប់រំណែនាំ និងប្រាប់អំពីការពិតមួយចំនួន មុនពេលដែលកូនស្ថិតក្នុងស្ថានភាពគ្រោះថ្នាក់។ កត្តានេះ អាចជួយឲ្យក្មេងយល់ដឹងពីគ្រឿងញៀន ឬជៀសវាងជឿលើមិត្តភ័ក្ដិដែលកំពុងនាំទៅរកការប្រើប្រាស់គ្រឿងញៀនដែលអាចបំផ្លាញដល់ជីវិត និងអនាគតរបស់កូនបាន។

ពិតណាស់ ប៉ាម៉ាក់ជាគំរូដ៏ល្អសម្រាប់កូន ហើយការយល់ឃើញរបស់យើងលើគ្រឿងស្រវឹង ថ្នាំជក់ និងគ្រឿងញៀនមានឥទ្ធិពលយ៉ាងខ្លាំងទៅលើការគិតរបស់ក្មេង។

ប៉ាម៉ាក់គួរនិយាយទៅកាន់កូនអំពីគ្រឿងញៀនដោយរបៀបណា?

ប៉ាម៉ាក់គួរឆ្លៀតឱកាសនៅពេលដែលឃើញតួអង្គណាមួយនៅក្នុងភាពយន្ត ឬទូរទស្សន៍ជក់បារី ប៉ាម៉ាក់គួរនិយាយអំពីផលវិបាកនៃការជក់បារីលើសុខភាពទាំងមូល ហើយបន្ទាប់មក អាចនិយាយពាក់ព័ន្ធនឹងការប្រើប្រាស់គ្រឿងញៀន និងផលប៉ះពាល់នៃគ្រឿងញៀនទាំងនោះ។

ជាមួយគ្នានេះដែរ យើងគួរនិយាយដោយសំឡេងធម្មតា និងប្រើពាក្យដែលក្មេងងាយយល់។ ចូរពន្យល់ថា គ្រឿងញៀន គ្រឿងស្រវឹងទាំងនោះមានគ្រោះថ្នាក់ និងអាចបង្កបញ្ហាជាច្រើនដល់រាងកាយ និងព្រមទាំងបង្រៀនកូនឲ្យចេះនិយាយពាក្យថា “ទេ” ប្រសិនបើមានអ្នកណាម្នាក់ឲ្យរបស់អ្វីមួយដែលគ្រោះថ្នាក់ដល់កូន។

តើប៉ាម៉ាក់អាចនិយាយទៅកាន់កូនអាយុពី៨ឆ្នាំ ទៅ១២ឆ្នាំពីសារធាតុញៀនយ៉ាងម៉េចខ្លះ?

នៅពេលដែលកូនកាន់តែធំ យើងអាចចាប់ផ្ដើមនិយាយជាមួយកូន ដោយសួរថាតើកូនធ្លាប់បានលឺពីរឿងគ្រឿងញៀនដែរទេ?

ប៉ាម៉ាក់ក៏ត្រូវបង្ហាញឲ្យកូនបានឃើញថា យើងនឹងរង់ចាំស្ដាប់ និងយកចិត្តទុកដាក់ចំពោះក្ដីបារម្ភ និងកង្វល់របស់កូន ហើយដើម្បីបង្ហាញពីផលវិបាកផ្សេងៗ ក៏ដូចជាការពិតទាក់ទងនឹងគ្រឿងញៀន ប៉ាម៉ាក់គួរតែធ្វើការស្រាវជ្រាវជាមុនសិន។

ក្មេងនៅវ័យប៉ុននេះ នៅតែចូលចិត្តនិយាយបើកចំហជាមួយប៉ាម៉ាក់ទាក់ទងនឹងប្រធានបទផ្សេងៗជាច្រើន អ៊ីចឹងហើយ ការជជែកគ្នាពីឥឡូវទៅអាចជួយឲ្យក្មេងបន្តចែករំលែកគំនិត និងអារម្មណ៍របស់ខ្លួនជាមួយប៉ាម៉ាក់នៅពេលដែលកូនកាន់តែធំឡើង។

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ចុះប៉ាម៉ាក់គួរនិយាយជាមួយកូនដែលមានវ័យជំទង់អំពីសារធាតុញៀនយ៉ាងម៉េចខ្លះ?

ក្មេងជំទង់អាចមានមិត្តភ័ក្ដិដែលប្រើប្រាស់សារធាតុញៀន ឬគ្រឿងស្រវឹង ដូច្នេះហើយ ប៉ាម៉ាក់គួរនិយាយពីគ្រោះថ្នាក់ និងផលប៉ះពាល់នៃសារធាតុញៀន ឬគ្រឿងស្រវឹង។ កូនៗអាចនឹងសួរសំណួរជាក់លាក់មួយចំនួនពាក់ព័ន្ធនឹងគ្រឿងញៀន ឬគ្រឿងស្រវឹង ហើយការពិភាក្សាអំពីបញ្ហានេះតាំងពីដំបូង អាចជួយឲ្យកូនមានអារម្មណ៍សុវត្ថិភាពក្នុងការនិយាយ ឬស្នើសុំយោបល់ពីប៉ាម៉ាក់។

អប់រំកូនពីគ្រឿងញៀន

ធ្វើម៉េចទើបឲ្យកូនជៀសឆ្ងាយពីសារធាតុញៀនទាំងឡាយ?

ប៉ាម៉ាក់គួរលើកទឹកចិត្តកូនឲ្យចូលរួមនៅក្នុងសកម្មភាពកម្សាន្ត ឬកីឡាដែលកូនចូលចិត្ត ដើម្បីជួយឲ្យកូនស្ថិតក្នុងបរិយាកាសវិជ្ជមាន និងផ្ដល់តម្លៃដល់ខ្លួនឯង។ មួយវិញទៀត យើងគួរស្គាល់ពីមិត្តភ័ក្ដិកូន ព្រោះបើកូនមានមិត្តភ័ក្ដិប្រើសារធាតុញៀន ឬចូលចិត្តផឹកគ្រឿងស្រវឹង ក្មេងក៏អាចប្រលូកនឹងសាកល្បងដូចគ្នា។

បន្ថែមពីនេះ ប៉ាម៉ាក់គួរជជែកលេងជាមួយកូនជាប្រចាំ និងធ្វើសកម្មភាពកម្សាន្តជាលក្ខណៈគ្រួសារ ដើម្បីបង្កើនភាពជិតស្និទ្ធ និងអាចឲ្យកូនហ៊ានពិភាក្សាពីបញ្ហាផ្សេងៗជាមួយប៉ាម៉ាក់។

អត្ថបទគួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នូ សោភ័ណ្ឌ · កែ 20/10/2022

មិនចង់ឲ្យកូនលង់ខ្លួនតាមមិត្តភក្ដិមិនល្អ ម៉ាក់ប៉ាគួរអប់រំបែបណា?

ប៉ា​ម៉ាក់​គួរ​និយាយ​ទៅ​កាន់​កូន​អំពី​គ្រឿង​ញៀន​ដោយ​របៀប​ណា?

តើ​ប៉ា​ម៉ាក់​អាច​និយាយ​​ទៅ​កាន់​កូន​អាយុ​​ពី​៨​ឆ្នាំ​ ទៅ​១២​ឆ្នាំ​ពី​សារធាតុ​ញៀន​យ៉ាង​ម៉េច​ខ្លះ?

ចុះ​ប៉ា​ម៉ាក់​គួរ​និយាយ​ជាមួយ​​កូន​ដែល​មាន​វ័យ​ជំទង់​អំពីសារធាតុ​ញៀន​យ៉ាង​ម៉េច​ខ្លះ?

ធ្វើ​ម៉េច​ទើប​ឲ្យ​កូន​ជៀស​ឆ្ងាយ​ពី​សារធាតុញៀនទាំងឡាយ?

ប៉ាម៉ាក់គួរនិយាយទៅកាន់កូនអំពីគ្រឿងញៀនដោយរបៀបណា?

តើប៉ាម៉ាក់អាចនិយាយទៅកាន់កូនអាយុពី៨ឆ្នាំ ទៅ១២ឆ្នាំពីសារធាតុញៀនយ៉ាងម៉េចខ្លះ?

ចុះប៉ាម៉ាក់គួរនិយាយជាមួយកូនដែលមានវ័យជំទង់អំពីសារធាតុញៀនយ៉ាងម៉េចខ្លះ?

ធ្វើម៉េចទើបឲ្យកូនជៀសឆ្ងាយពីសារធាតុញៀនទាំងឡាយ?