ក្មេងកើតជំងឺគ្រុនឈាមម្តងហើយ អាចកើតទៀតទេ?

មូសខ្លាជាភ្នាក់ងារចម្លងជំងឺគ្រុនឈាមពីមនុស្សម្នាក់ ទៅមនុស្សម្នាក់ទៀតតាមរយៈការខាំបឺតជញ្ជក់ឈាមដែលមានមេរោគគ្រុនឈាម។ ចំពោះក្មេងៗឧស្សាហ៍កើតជំងឺនេះញឹកញាប់ ពិសេសនៅរដូវភ្លៀងធ្លាក់នេះឯង ដែលសម្បូរមូសខ្លា។ តើក្មេងដែលកើតជំងឺគ្រុនឈាមម្តងហើយ អាចកើតម្តងទៀតទេ?

[embed-health-tool-vaccination-tool]

សំណួរនេះ លោកវេជ្ជបណ្ឌិត ហេង សុទ្ធី អនុប្រធានមន្ទីរពេទ្យគន្ធបុប្ផា នៅរាជធានីភ្នំពេញ ឆ្លើយតបថា ក្មេងអាចកើតជំងឺគ្រុនឈាមលើសពី ១ ដង អាច ២ ដង ៣ ដង ឬ ៤ ដងក៏មាន។ លោកវេជ្ជបណ្ឌិតបន្តថា មេរោគគ្រុនឈាមមានដល់ទៅ ៤ ប្រភេទឯណោះ គឺប្រភេទ DENV-1, DENV-2, DENV-3 និង DENV-4 ដែលក្នុងចំណោម ៤ ប្រភេទនេះ ក្មេងអាចកើតគ្រុនឈាមប្រភេទណា ១ នៅពេលនេះ ឯពេលក្រោយ (យ៉ាងតិច៦ខែ) អាចកើតគ្រុនឈាមផ្សេងទៀត។ តែលោកវេជ្ជបណ្ឌិតសង្កត់ធ្ងន់ថា ជាទូទៅពេលក្មេងកើតគ្រុនឈាមម្តងហើយ អាចមានភាពស៊ាំនឹងការឆ្លងមេរោគគ្រុនឈាមលើកទី ២ បាន។

នៅពេលសួរថា តើក្មេងដែលកើតជំងឺគ្រុនឈាមលើកទី២ ជាប្រភេទជំងឺគ្រុនឈាមដែលធ្លាប់កើតពីមុន ឬយ៉ាងណា? លោកវេជ្ជបណ្ឌិតឆ្លើយថា ប្រភេទផ្សេងគ្នា ជំងឺគ្រុនឈាមប្រភេទដដែលមិនអាចកើតឡើងលើក្មេងម្តងទៀតនោះទេ កើតជំងឺគ្រុនឈាម ១ ប្រភេទ គឺភាពស៊ាំរបស់វាមួយជីវិត។

អត្ថបទគួរអាន៖

• សញ្ញា​ងាយ​កត់​ចំណាំ​បំផុត បើ​កូន​កើត​ជំងឺ​គ្រុនឈាម
• ខែសម្បូរមូស ក្មេងអាចកើតគ្រុនឈីក គ្រុនឈាម! ៧ តិចនិកនេះការពារកូនកុំឲ្យមូសយាយីបាន
• Dengue Fever Testing (តេស្តជំងឺគ្រុនឈាម)
• ប្រយ័ត្ន! បើកើតគ្រុនឈាមពេលពពោះ កូននឹងរងផលប៉ះពាល់ទាំងនេះ
• ចេះតែថែមថ្នាំត្រជាក់ពេលកូនក្ដៅខ្លួនព្រោះគ្រុនឈាម ប្រយ័ត្នពុលថ្លើមកូន
• គ្រោះថ្នាក់ខ្លាំងបែបនេះ ទើបក្រសួងហាមដាច់ខាត កើតគ្រុនឈាមប្រើថ្នាំអាស្ពីរីន ​