ថ្វីត្បិតតែបានជាសះស្បើយពីកូវីដ-១៩យ៉ាងណាក្ដី ប៉ុន្តែរាងកាយយើងអាចនៅមានរោគសញ្ញាមួយចំនួនដែលប៉ះពាល់ដល់ការប្រកបកិច្ចការប្រចាំថ្ងៃ។ ជាទូទៅ រោគសញ្ញាកូវីដ-១៩ រយៈពេលវែង មានការពិបាកក្នុងការគ្រប់គ្រង ប៉ុន្តែបើយើងបានដឹងពីរោគសញ្ញាទាំងនេះនៅដំណាក់កាលដំបូង អាចកាត់បន្ថយផលវិបាកបានខ្លះដែរ។

អ្វីជាជំងឺកូវីដ-១៩ រយៈពេលវែង?

រោគសញ្ញានៃកូវីដ-១៩រយៈពេលវែង កើតឡើងនៅពេលដែលរោគសញ្ញាជាក់លាក់នៃវីរុសកូវីដ-១៩នៅតែបន្តជាច្រើនខែ ទោះបីជាយើងជាសះស្បើយហើយក៏ដោយ។ ជាធម្មតា រោគសញ្ញាដែលនៅតែលេចឡើង ក្រោយពេលដែលយើងជាសះស្បើយពីកូវីដ-១៩ រួមមាន៖

អស់កម្លាំងខ្លាំង
ក្អកមិនបាត់
ឈឺទ្រូង
ពិបាកដកដង្ហើម
ពិបាករំលាយអាហារ
ភ្លេចភ្លាំងច្រើន
ឈឺសាច់ដុំ
បញ្ហាទាក់ទងនឹងគំហើញ

កន្លងមក អ្នកជំនាញបានបញ្ជាក់តែរោគសញ្ញាខាងលើប៉ុណ្ណោះ។ ប៉ុន្តែ ថ្មីៗនេះ តាមការសិក្សាបានបង្ហាញថា ក្រោយជាសះស្បើយពីវីរុសកូវីដ-១៩ អ្នកជំងឺនៅអាចមានរោគសញ្ញាថ្មីៗមួយចំនួនទៀត។

រោគសញ្ញាកូវីដ-១៩រយៈពេលវែងថ្មីៗ

១. ខូចសរសៃប្រសាទ

ស្ថានភាពធ្ងន់ធ្ងរ និងអាចគ្រោះថ្នាក់ដល់ជីវិត ដែលកើតឡើងក្រោយជាសះស្បើយពីកូវីដ-១៩ គឺការខូចសរសៃប្រសាទ។ ពិតណាស់ មេរោគកូវីដ-១៩ មានឥទ្ធិពលក្នុងការបំផ្លាញផ្នែកជាច្រើននៃរាងកាយ រួមទាំងសរសៃប្រសាទ។ អ្នកស្រាវជ្រាវនៅមន្ទីរពេទ្យទូទៅ Massachusetts និងវិទ្យាស្ថានជាតិសុខភាពបានបង្ហាញពីភស្តុតាងនៃជំងឺប្រព័ន្ធប្រសាទ ដែលកើតលើអ្នកដែលបានជាសះស្បើយ។ រោគសញ្ញានៃផលវិបាកមួយនេះ គឺខ្សោយ ឈឺចាប់នៅដៃ និងជើង ព្រមទាំងអស់កម្លាំង។

ខូចប្រព័ន្ធប្រសាទ

គណនា BMI

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

កម្មវិធីពិនិត្យបញ្ហាលិង្គមិនឡើងរឹងអនឡាញ

កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ

២. បាក់ទឹកចិត្ត

ទន្ទឹមនឹងនេះដែរ ផលវិបាកធ្ងន់ធ្ងរមួយទៀតក្រោយជាសះស្បើយពីកូវីដ-១៩ គឺជំងឺបាក់ទឹកចិត្ត ថប់បារម្ភ ឬប្រែប្រួលអារម្មណ៍ញឹកញាប់។ យោងតាមការសិក្សាមួយបានឲ្យដឹងថា អ្នកដែលឆ្លងវីរុសកូវីដ-១៩ អាចជួបប្រទះការថប់បារម្ភដល់ទៅ៣ដង ខ្ពស់ជាងមនុស្សធម្មតា ហើយការបាក់ទឹកចិត្តដល់ទៅ២ដង ខ្ពស់ជាងអ្នកដែលមិនធ្លាប់កើតកូវីដ-១៩ ទាល់តែសោះ។

អានបន្ថែម៖

៣. ភ្លេចភ្លាំងច្រើន

កូវីដ-១៩ មិនត្រឹមតែប៉ះពាល់ដល់សួត និងបេះដូងប៉ុណ្ណោះទេ វាក៏ធ្វើឲ្យរាងកាយរបស់យើងជួបប្រទះបញ្ហាផ្លូវចិត្តធ្ងន់ធ្ងរផងដែរ។ ជាក់ស្ដែង កូវីដអាចបង្កផលប៉ះពាល់ដល់ខួរក្បាល និងបង្កជារោគសញ្ញាមួយចំនួនដូចជាពិបាកផ្ចង់អារម្មណ៍ បញ្ហានៃការចងចាំ អស់កម្លាំង បញ្ហាអាកប្បកិរិយា និងរោគសញ្ញានៃប្រព័ន្ធសរសៃប្រសាទផ្សេងទៀត។

៤. មានអារម្មណ៍ឈឺចាប់នៅក្នុងរាងកាយ

ការឈឺចាប់ភ្លាមៗ ឬឈឺឆៀបៗពេលអង្គុយយូរ អាចជារោគសញ្ញានៃជំងឺកូវីដ-១៩ រយៈពេលវែងដូចគ្នា។ បើតាមរបាយការណ៍របស់សាកលវិទ្យាល័យMichigan បានបង្ហាញថា អាការៈស្ពឹករ៉ាំរ៉ៃ ឬឈឺឆៀបៗ ក៏អាចជារោគសញ្ញានៃជំងឺមួយចំនួនដូចជា គ្រោះថ្នាក់សរសៃឈាមខួរក្បាល ដុំសាច់ និងជំងឺប៉ះពាល់ដល់ប្រព័ន្ធខួរក្បាលនិងឆ្អឹងខ្នង ។

ចំណុចសំខាន់

ក្រោយជាសះស្បើយពីកូវីដ-១៩ អ្នកជំងឺអាចប្រឈមនឹងផលវិបាកជាច្រើនទៀត ដែលអាចបន្តជាច្រើនខែ តួយ៉ាងដូចជា៖

ខូចសរសៃប្រសាទ
បាក់ទឹកចិត្ត
ភ្លេចភ្លាំងច្រើន
មានអារម្មណ៍ឈឺចាប់នៅក្នុងរាងកាយ

អ្វី​​ជា​ជំងឺ​កូវីដ​-១៩ ​រយៈពេល​វែង​?

​​​​រោគសញ្ញា​កូវីដ​-១៩​រយៈពេល​វែង​ថ្មី​ៗ​

១. ខូច​សរសៃ​ប្រសាទ​

២. បាក់​ទឹក​ចិត្ត​

៣. ភ្លេចភ្លាំង​ច្រើន​

៤. ​មាន​អារម្មណ៍​ឈឺចាប់​នៅ​ក្នុង​រាងកាយ​