បាក់ឆ្អឹង Archives

ទម្លាប់ប៉ុន្មានយ៉ាងនេះ អាចនាំឲ្យមានអាការៈឈឺខ្នងបាន

អាការៈឈឺខ្នងអាចកើតលើមនុស្សគ្រប់វ័យ និងមកពីមូលហេតុខុសៗគ្នា ឬមកពីទម្លាប់មួយចំនួន។ អត្ថបទនេះនឹងបង្ហាញពីទម្លាប់មួយចំនួនដែលអាចបង្កឲ្យយើងមានអាការៈឈឺខ្នងបាន។ ១. ឥរិយាបថនៃការអង្គុយ ការអង្គុយឱនទៅមុខយូរអាចបន្ថែមសម្ពាធទៅលើខ្នងផ្នែកខាងក្រោមព្រោះឥរិយាបថនេះក៏ខុសពីទម្រង់ឆ្អឹងខ្នងផងដែរ។ ដើម្បីបន្ធូរការឈឺចាប់ ឬចលនាកន្រ្ទាក់សាច់ដុំ យើងអាចធ្វើចលនាក្បាល និងកចុះឡើង និងងាកទៅឆ្វេងទៅស្តាំរាល់កន្លះម៉ោងម្ដង ឬយើងអាចស្អំទឹកកក ឬបន្ទះកម្ដៅទៅនឹងខ្នងកន្លែងដែលឈឺដោយមានកន្សែងស្តើងទ្រាប់ពីក្រោម។ ការអង្គុយយូរអាចធ្វើឲ្យសាច់ដុំខ្នង ក និងឆ្អឹងខ្នងមានសម្ពាធ។ ដូចនេះយើងគួរអង្គុយត្រង់ខ្នងនៅកៅអី និងកំណត់កម្ពស់កៅអីឲ្យដាក់ជើងដល់កម្រាល។ ទោះបីជាអង្គុយបែបនេះក្តី យើងនៅតែត្រូវងើបឡើង និងធ្វើចលនារាល់កន្លះម៉ោងម្ដងដើម្បីឲ្យរាងកាយបានសម្រាក។ ២. របបអាហារ ការជ្រើសរើសរបបអាហារខុសអាចបង្កការរលាក ឬខ្វះសារធាតុចិញ្ចឹមដែលរាងកាយត្រូវការ។ រាងកាយយើងត្រូវការប្រូតេអ៊ីនសាច់ គ្រាប់ធញ្ញជាតិ (whole grains) បន្លែ ផ្លែឈើ និងខ្លាញ់ល្អសម្រាប់សុខភាពដែលមាននៅក្នុងផ្លែបឺរ និងត្រីសាល់ម៉ុនដើម្បីជួយឲ្យសាច់ដុំ ឆ្អឹង និងជាលិកាទន់នៅខ្នងមានភាពរឹងមាំ។ បន្ថែមពីនេះទៀត យើងគួរជ្រើសរើសញ៉ាំអាហារដែលមានកាល់ស្យូម ផូស្វ័រ និងវីតាមីន Dផងដែរ។ ៣. ឥរិយាបថនៃការគេង ការគេងផ្ងារគឺជាឥរិយាបថគេងដ៏ល្អសម្រាប់គ្នាយើងមានអាការៈឈឺខ្នង ប៉ុន្តែការផ្លាស់ប្តូរទម្លាប់នៃការគេងអាចនឹងមានភាពលំបាកប្រសិនជាយើងមិនទម្លាប់គេងផ្ងារ។ យើងក៏អាចប្រើខ្នើយទ្រាប់ក្រោមជង្គង់ ដើម្បីរក្សាទម្រង់ធម្មជាតិរបស់ខ្នង។ ដោយឡែកយកល្អយើងមិនគួរគេងផ្កាប់ទេ ប្រសិនជាយើងមានបញ្ហាឈឺខ្នង។ ការគេងផ្កាប់អាចធ្វើឲ្យយើងរើខ្លួនញឹកញាប់ដែលធ្វើឲ្យរោយក និងខ្នងផ្នែកខាងក្រោម។ ប្រសិនជាយើងទម្លាប់គេងផ្កាប់ និងមិនចង់ប្តូរឥរិយាបថនៃការគេង យើងអាចគេងលើខ្នើយទន់ ឬមិនកើយខ្នើយដើម្បីឲ្យកស្ថិតនៅទីតាំងត្រឹមត្រូវ។ ៤. ការមិនហាត់ប្រាណ យើងអាចប្រឈមនឹងការឈឺខ្នង ប្រសិនជាយើងមិនសកម្ម ព្រោះឆ្អឹងខ្នងត្រូវការការទ្រទ្រង់ពីសាច់ដុំពោះ និងខ្នង។ ការលើកទម្ងន់អាចជួយបានដែលមានក្នុងសកម្មភាពប្រចាំថ្ងៃដូចជាការឡើងជណ្ដើរ […]

បាក់ឆ្អឹង

Hip Fracture (ការបាក់ឆ្អឹងត្រគាក)

និយមន័យ១- អ្វីជាការបាក់ឆ្អឹងត្រគាក? ការបាក់ឆ្អឹងដែលច្រើនកើតជាងគេ គឺជាការបាក់ឆ្អឹងត្រគាក ហើយបាក់នៅមួយភាគបួនខាងលើនៅឆ្អឹងភ្លៅ។ ភាពធ្ងន់ធ្ងរនៃការបាក់ឆ្អឹងគឺអាស្រ័យទៅលើកម្លាំងដែលបណ្តាលអោយបាក់ឆ្អឹង។ សម្រាប់មនុស្សចាស់ ការបាក់ឆ្អឹងត្រគាកអាចថាមិនមែនជារឿងសាមញ្ញពីព្រោះវាជារបួសធ្ងន់ធ្ងរដែលអាចប៉ះពាល់ដល់ជីវិតបាន។ ការបាក់ឆ្អឹងត្រគាកអាចបន្ថយសកម្មភាពរាងកាយនិងផ្លាស់ប្តូរជីវិតយ៉ាងខ្លាំង។ ប្រហែលពាក់កណ្តាលនៃអ្នកដែលមានការបាក់ឆ្អឹងត្រគាកមិនអាចមានលទ្ធភាពក្នុងការរស់នៅដោយឯករាជ្យបានទេ។ ២- តើការបាក់ឆ្អឹងត្រគាកកើតច្រើនដែលឬទេ? នៅក្នុងសហរដ្ឋអាមេរិកអត្រានៃអ្នកបាក់ឆ្អឹងត្រគាកមានប្រហែលជា ៣៤១ ០០០ នាក់ជារៀងរាល់ឆ្នាំ។ អត្រានៃការបាក់ឆ្អឹងត្រគាកកើនឡើងជារៀងរាល់ឆ្នាំទ្វេដងរៀងរាល់៥ទៅ៦ ឆ្នាំបន្ទាប់ពីអាយុ ៦០ឆ្នាំ។ រោគសញ្ញា១- រោគសញ្ញានៃការបាក់ឆ្អឹងត្រគាក រោគសញ្ញានៃការបាក់ឆ្អឹងត្រគាកមាន៖ – មិនអាចកំរើកបានបន្ទាប់ពីដួល – ឈឺចាប់ធ្ងន់ធ្ងរនៅត្រង់ត្រគាក ឬក្រលៀន – មិនអាចទ្រទម្ងន់នៅលើជើងនៅលើចំហៀងដែលរងរបួស – មានសភាពរឹង ស្នាមជាំ និងហើមនៅជុំវិញតំបន់ត្រគាក – ប្រវែងជើងមិនស្មើគ្នា ធម្មតាជើងដែលត្រូវរបួសខ្លីជាងជើងម្ខាងទៀតដែលមិនត្រូវរបួស – ជើងដែលត្រូវរបួសងាកចេញក្រៅ។ រោគសញ្ញាទាំងនេះគឺកើតច្រើនបំផុតបន្ទាប់ពីការដួលរងរបួស។ ប៉ុន្តែប្រសិនបើយើងមានឆ្អឹងស្តើងបណ្តាលមកពីជម្ងឺពុកឆ្អឹង ឬបញ្ហាផ្សេងទៀតយើងអាចនឹងបាក់ឆ្អឹងបានដោយគ្មានការដួល។ ប្រសិនបើការបាក់ឆ្អឹងត្រគាកហើយមិនអាចធ្វើចលនាបានរយៈពេលយូរនោះនឹងមានផលវិបាកដូចជា៖ – មានឈាមនៅជើង ឬសួត – មានដំបៅនៅខ្នង – រលាកផ្លូវបង្ហូរនោម – រលាកសួត – ថយចុះទំហំរបស់សាច់ដុំ បង្កើនហានិភ័យនៃការដួលនិងរបួស។ លើសពីនេះទៅទៀតអ្នកដែលធ្លាប់មានការបាក់ឆ្អឹងត្រគាកគឺមានការកើនឡើងនូវហានិភ័យនៃការចុះខ្សោយឆ្អឹង និងការដួលដែលបណ្តាលឲ្យមានការបាក់ឆ្អឹងត្រគាកម្តងទៀត។ ប្រសិនបើអ្នកមានចម្ងល់ ឬការព្រួយបារម្ភអ្វីមួយ សូមពិគ្រោះជាមួយគ្រូពេទ្យសម្រាប់ព័ត៌មានបន្ថែម។ ២- ពេលណាដែលយើងត្រូវទៅជួបគ្រូពេទ្យសង្ស័យថាបាក់ឆ្អឹងត្រគាក? ប្រសិនបើយើងមានរោគសញ្ញាណាមួយដែលបានរៀបរាប់ខាងលើ យើងត្រូវតែទៅមន្ទីរពេទ្យដើម្បីព្យាបាលឱ្យបានឆាប់តាមដែលអាចធ្វើទៅបាន។ យើងត្រូវហៅរថយន្តសង្គ្រោះបន្ទាន់ និងព្យាយាមរក្សាកំដៅក្នុងខ្លួននៅពេលដែលយើងកំពុងរង់ចាំរថយន្ត។ មូលហេតុបង្ក១- មូលហេតុនៃការបាក់ឆ្អឹងត្រគាក ការបាក់ឆ្អឹងត្រគាកកើតឡើងនៅពេលដែលមានផលប៉ះពាល់ធ្ងន់ធ្ងរប៉ះចំត្រគាកដូចជា គ្រោះថ្នាក់ចរាចរណ៍ ឬការដួល។ ការបាក់ឆ្អឹងត្រគាកអាចកើតមានលើមនុស្សគ្រប់គ្នា តែចំពោះមនុស្សវ័យចំណាស់ ដោយសារតែឆ្អឹងខ្សោយពីភាពចាស់ ដូច្នេះការបាក់ឆ្អឹងត្រគាកអាចកើតដោយសារការដួល។ ចំពោះអ្នកដែលមានឆ្អឹងខ្សោយ ការបាក់ឆ្អឹងត្រគាកអាចកើតដោយគ្រាន់តែឈរ និងរមួល។ កត្តាប្រឈម១- កត្តាប្រឈមនៃការបាក់ឆ្អឹងត្រគាក មានកត្តាជាច្រើនដែលបង្កើនហានិភ័យនៃការបាក់ឆ្អឹងត្រគាករួមមាន៖ – […]