គ្នាយើងដឹងហើយថា ជំងឺមហារីកគឺជាជំងឺគួរឲ្យខ្លាចមួយដែលមានភាគរយទាបក្នុងការព្យាបាលឲ្យជាសះស្បើយវិញបាន។ ជំងឺមហារីក អាចកើតបានស្ទើរតែគ្រប់ទីកន្លែងលើរាងកាយរបស់យើងម្នាក់ៗ ហើយថ្លើមក៏ងាយប្រឈមនឹងការកើតជំងឺសាហាវមួយនេះដែរ បើមិនប្រយ័ត្នសុខភាព។

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

មន្ទីរពេទ្យ កាល់ម៉ែត បានបង្ហោះលើហ្វេសប៊ុកឲ្យដឹងថា ជំងឺមហារីកថ្លើមកើតចេញពីសាច់ថ្លើមខ្លួនឯង ឬឆ្លងរាលដាលពីសរីរៈដទៃ។ ជំងឺនេះមានច្រើនប្រភេទ តែមានតែមួយប្រភេទប៉ុណ្ណោះ ដែលកើតមានញឹកញាប់ និងកាចសាហាវជាងគេ គឺជាពួកប្រភេទកើតចេញពីកោសិកាថ្លើមដែលក្រិនហៅថា CHC (Chronic Hepatitis C)។

ជំងឺមហារីកថ្លើមនេះ ភាគច្រើនកើតឡើងដោយស្ងាត់ៗ មិនសូវធ្វើឲ្យអ្នកជំងឺដឹងទេ តែពេទ្យអាចសម្គាល់រោគសញ្ញាខ្លះៗដូចជា ឈឺពោះ អស់កម្លាំង មិនឃ្លានអាហារ ស្លេកស្លាំង ស្រកទម្ងន់ និងមានដុំក្នុងពោះនៅពេលប៉ះទៅ។ ស្របគ្នានេះដែរ ជំងឺមហារីកថ្លើមអាចបង្កឡើងដោយកត្តាមួយចំនួនរួមមាន៖

– ញ៉ាំស្រា និងជក់បារី ដែលបង្កឲ្យក្រិនថ្លើម

– ជំងឺរលាកថ្លើម B និងC

– ជំងឺទឹកនោមផ្អែម បារ៉ាស៊ីត ថ្នាំពន្យារកំណើត

– វិទ្យុសកម្ម

– សារធាតុគីមីមួយចំនួន

– ការសាយភាយពីសរីរាង្គដទៃទៀត។

រួមភេទមិនប្រយ័ត្ន តិចឆ្លងរលាកថ្លើម Hello គ្រូពេទ្យ

ដោយសារតែជំងឺមហារីកថ្លើមកើតឡើងស្ងាត់ៗ មន្ទីរពេទ្យ កាល់ម៉ែត បានណែនាំឲ្យតាមដានសុខភាពជាប្រចាំ និងពិគ្រោះជាមួយវេជ្ជបណ្ឌិតឯកទេស ដើម្បីធ្វើរោគវិនិច្ឆ័យ និងធ្វើការព្យាបាលបានទាន់ពេលវេលា មុនពេលជំងឺរាលដាលកាន់តែខ្លាំង។

អត្ថបទគួរអាន៖

មហារីកថ្លើមកើតស្ងាត់ៗ បើចេញសញ្ញាទាំងនេះ ប្រញាប់ទៅជួបពេទ្យភ្លាម!