នៅកម្ពុជាតួលេខស្ត្រីកើតជំងឺមហារីកមាត់ស្បូនមានច្រើនជំងឺមហារីកដទៃទៀត ជាជំងឺមហារីកទី១ នៅលើស្ត្រី នេះបើតាមការលើកឡើងរបស់សាស្ត្រាចារ្យវេជ្ជបណ្ឌិត អ៊ាវ សុខា ឯកទេសជំងឺមហារីក និងឈាម។

១. រោគសញ្ញាជំងឺមហារីកមាត់ស្បូន

– ហូរឈាមក្នុងពេលរួមភេទ

– ហូរឈាមក្រោយអស់រដូវ

– ហូរឈាមខុសប្រក្រតី ក្នុងចន្លោះរដូវ

– ទ្វារមាសមានក្លិនមិនល្អ

– ធ្លាក់ស ឬទឹកថ្លាៗខុសប្រក្រតី

២. វិធីបង្ការជំងឺមហារីកមាត់ស្បូន

ទោះបីជាបែបនេះក្តី លោកវេជ្ជបណ្ឌិតឯកទេសជំងឺមហារីករូបនេះថា ជំងឺមហារីកមាត់ស្បូន ជាជំងឺមួយអាចការពារបាន ដែលយើងចាំបាច់ត្រូវតែការពារ។ ចំពោះវិធីការពារនោះ ទី១ គឺចាក់វ៉ាក់សាំងប្រឆាំងនឹងមេរោគ HPV ដែលបង្កឲ្យកើតជំងឺមហារីកមាត់ស្បូន ទី២ ត្រូវពិនិត្យកោសិកាមាត់ស្បូនឲ្យបានទៀងទាត់។

តើត្រូវចាក់វ៉ាក់សាំងការពារជំងឺមហារីកមាត់ស្បូននៅពេលណា?

សំណួរនេះលោកវេជ្ជបណ្ឌិតឆ្លើយថា ក្មេងស្រីៗអាចវ៉ាក់សាំងជំងឺមហារីកមាត់ស្បូនបានចាប់ពីអាយុ ៩ឆ្នាំឡើងទៅ ឯប្រសិទ្ធភាពនៃការចាក់វ៉ាក់សាំងនេះនៅវ័យក្មេង ហើយមិនមានការរួមភេទទាល់តែសោះនោះ អាចការពារជំងឺមហារីកមាត់ស្បូនដល់ទៅជាង ៩០%។

ចំពោះស្ត្រីដែលរួមភេទហើយវិញ អាចចាក់វ៉ាក់សាំងមហារីកមាត់ស្បូនបាន លុះត្រាតែមានកៀរកោសិកាមាត់ស្បូនមកវិភាគសិន តើមានមេរោគ HPV ឬអត់? ប្រសិនបើមិនមានទេ នោះបញ្ជាក់ថា យើងអាចចាក់វ៉ាក់សាំងនេះបាន ហើយត្រូវប្រាកដថាក្នុងរយៈពេល ៦ ខែ អំឡុងពេលចាក់វ៉ាក់សាំង ស្រីៗយើងមិនត្រូវមានផ្ទៃពោះឲ្យសោះ ឯប្រសិទ្ធភាពក្រោយចាក់មានប្រមាណតែ ៧០% ប៉ុណ្ណោះ។

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

វ៉ាក់សាំងជំងឺមហារីកមាត់ស្បូន (HPV) អាចការពារជំងឺមហារីកស្បូនបានក៏ពិតមែន តែទោះយ៉ាងណាក្រោយពេលចាក់វ៉ាក់សាំងរួច ស្ត្រីដែលមានដៃគូរួមភេទត្រូវពិនិត្យតាមដាន និងធ្វើតេស្តកោសិកាមហារីកមាត់ស្បូនជាមួយគ្រូពេទ្យជំនាញ រៀងរាល់ ១-២ឆ្នាំ/ម្តង។

វេជ្ជបណ្ឌិត អ៊ាវ សុខា ឯកទេសជំងឺមហារីក និងឈាម

អត្ថបទគួរអាន៖

រោគសញ្ញា-វិធីបង្ការជំងឺមហារីកមាត់ស្បូន ស្រីៗកុំប្រហែស!

១. រោគ​សញ្ញា​ជំងឺ​មហារីក​មាត់​ស្បូន

២. វិធី​បង្ការ​ជំងឺ​មហារីក​មាត់​ស្បូន

តើ​ត្រូវ​ចាក់​វ៉ាក់​សាំង​ការពារ​ជំងឺ​មហារីក​មាត់​ស្បូន​នៅ​ពេល​ណា?

១. រោគសញ្ញាជំងឺមហារីកមាត់ស្បូន

២. វិធីបង្ការជំងឺមហារីកមាត់ស្បូន

តើត្រូវចាក់វ៉ាក់សាំងការពារជំងឺមហារីកមាត់ស្បូននៅពេលណា?