អំឡុងពេលពពោះ ការជ្រើសរើសរបបអាហារល្អៗ និងមានសារធាតុចិញ្ចឹមគ្រប់គ្រាន់ មានសារៈសំខាន់ណាស់ ដើម្បីទ្រទ្រង់សុខភាពទាំងម៉ាក់ៗ និងទារកក្នុងផ្ទៃ។ ដូចទៅនឹងផ្លែប៉ោមពណ៌ក្រហមដែរ ផ្លែប៉ោមខៀវផ្ទុកទៅដោយសារធាតុចិញ្ចឹមសំខាន់ៗ ដែលអាចជួយផ្តល់អត្ថប្រយោជន៍ជាច្រើនដល់សុខភាព។
មាតិកា
ញ៉ាំប៉ោមខៀវអំឡុងពេលពពោះ ផ្តល់អត្ថប្រយោជន៍លើសពីការរំពឹងទុក
អត្ថប្រយោជន៍សុខភាពទាំង៦នៃផ្លែប៉ោមខៀវ
១. ជំរុញការរំលាយអាហារ
ពិតណាស់ អំឡុងពេលពពោះ ម៉ាក់ៗតែងប្រឈមនឹងបញ្ហារំលាយអាហារ ដូចជាទល់លាមក និងរលាកពោះវៀន។ យ៉ាងណាមិញ ប៉ោមខៀវសម្បូរទៅដោយជាតិសរសៃ ដែលអាចជួយឲ្យប្រព័ន្ធរំលាយអាហាររបស់យើងឲ្យដំណើរការបានរលូន។
២. បញ្ចៀសការបំផ្លាញDNA
រាងកាយរបស់យើងក៏ប្រឈមនឹងការប្រែប្រួលយ៉ាងច្រើនអំឡុងពេលពពោះដែរ ដែលអាចបណ្តាលឲ្យមានការបំផ្លាញ DNA និងនាំឲ្យកើតជំងឺមហារីកនៅពេលក្រោយ។ ដូច្នេះហើយ យើងគួរតែញ៉ាំផ្លែប៉ោមខៀវ ដែលសម្បូរទៅដោយសារធាតុប្រឆាំងនឹងអុកស៊ីតកម្ម និងអាចជួយការពារការបំផ្លាញ DNAនៅក្នុងរាងកាយ។
៣. បង្ការជំងឺបម្រុងក្រឡាភ្លើង
សម្ពាធឈាមខ្ពស់ ឬជំងឺបម្រុងក្រឡាភ្លើង អាចបង្កគ្រោះថ្នាក់ទាំងម៉ាក់ និងទារកក្នុងផ្ទៃ។ ដោយសារតែកង្វះវីតាមីន C ជាមូលហេតុចម្បងមួយដែលនាំឲ្យកើតជំងឺបម្រុងក្រឡាភ្លើងធ្ងន់ធ្ងរ ដូចនេះហើយ យើងគួរបំពេញជាតិវីតាមីនC ដែលអាចរកបាននៅក្នុងផ្លែប៉ោមខៀវ។
៤. ល្អចំពោះស្បែក
ស្ត្រីជាច្រើនប្រឈមនឹងបញ្ហាស្បែកផ្សេងៗអំឡុងពេលពពោះ។ អ៊ីចឹងហើយ ប្រសិនបើយើងចង់បានស្បែកស្អាត និងមានសុខភាពល្អ គួរតែញ៉ាំផ្លែប៉ោមខៀវជាប្រចាំ ពីព្រោះថាផ្លែឈើមួយប្រភេទនេះសម្បូរទៅដោយវីតាមីន A, B និង C ដែលល្អបំផុតចំពោះស្បែក។
៥. ជួយឲ្យថ្លើមមានសុខភាពល្អ
ការបញ្ចេញទឹកប្រមាត់ច្រើនពេកពីថ្លើម អាចបណ្តាលឲ្យមានផលវិបាកធ្ងន់ធ្ងរ អំឡុងពេលពពោះ ដែលរួមមានកូនកើតមិនគ្រប់ខែ។ ប៉ុន្តែ ការញ៉ាំផ្លែប៉ោមខៀវ មានសារៈសំខាន់ចំពោះសុខភាពថ្លើម ដែលអាចបង្ការបញ្ហាមួយនេះបាន។
៦. បង្ការជំងឺទឹកនោមផ្អែមពេលពពោះ
ជំងឺទឹកនោមផ្អែមពេលពពោះ មានការកើនឡើងពី៦%ក្នុងឆ្នាំ២០១៦ ដល់៨.៣%ត្រឹមឆ្នាំ២០២១។ ជំងឺនេះ អាចបណ្តាលឲ្យមានផលវិបាកធ្ងន់ធ្ងរជាច្រើន តួយ៉ាងដូចជា ជំងឺទឹកនោមផ្អែមប្រភេទ២។ ផ្លែប៉ោមខៀវ អាចជួយគ្រប់គ្រងកម្រិតជាតិស្ករក្នុងឈាម និងបង្ការជំងឺទឹកនោមផ្អែមពេលពពោះថែមទៀតផង។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Food & nutrition in pregnancy
https://www.thewomens.org.au/health-information/pregnancy-and-birth/a-healthy-pregnancy/food-nutrition-in-pregnancy
Eating During Pregnancy
https://kidshealth.org/en/parents/eating-pregnancy.html
7 Reasons Why Apples Are Good for You
https://health.clevelandclinic.org/benefits-of-apples/
កំណែប្រែបច្ចុប្បន្ន
30/09/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម