ទាំងនេះ ជាមូលហេតុ​ធ្វើឲ្យទងសុករុំកទារកក្នុងផ្ទៃ

ទងសុក​ភ្ជាប់ផ្ចិតទារកក្នុងផ្ទៃទៅនឹងសុក ដែលមាននាទីដឹកនាំសារធាតុចិញ្ចឹម អុកស៊ីសែន និង​ឈាម​ពីម៉ាក់ៗទៅឱ្យទារក ហើយដឹកនាំកាកសំណល់​ពីទារកត្រលប់ទៅរាងកាយម៉ាក់ៗវិញ។ ចុះ​ហេតុ​អ្វីបានជាទងសុករុំកទារកទៅវិញ?

ជាទូទៅ ទងសុកអាចរុំកទារកទារកនៅត្រីមាសទី ៣ ហើយមូលហេតុដែលអាចបណ្តាល​ឱ្យទងសុក​រុំកទារក​អាច​មានដូចជា៖

១. កង្វះសារធាតុអន្ធិល Wharton

សារធាតុអន្ធិល Wharton មាននាទីការពារសរសៃឈាមនៅខាងក្នុងទងផ្ចិត ការពារ​ទងផ្ចិត​ពីការ​សង្កត់ និងជំពាក់ដោយសារចលនារបស់ទារកក្នុងផ្ទៃ។ ប្រសិនបើទងផ្ចិតមិនមាន​សារធាតុអន្ធិល Wharton ​គ្រប់គ្រាន់​ទេ ទងផ្ចិតអាច​នឹងរុំកទារកព្រោះទងសុកមិនមានជាតិរម្អិលគ្រប់គ្រាន់។

២. ទឹកភ្លោះច្រើនពេក

ដោយសារ​ទារក​អណ្តែត​ក្នុង​ទឹកភ្លោះ ដូច្នេះការមានទឹកភ្លោះច្រើនអាចឱ្យទារកកម្រើក និងធ្វើចលនា​បាន​ច្រើនដែលអាចបណ្តាលឱ្យទងសុករុំកទារក។

៣. ទារកក្នុងផ្ទៃកម្រើកខ្លាំងពេក

ប្រសិនបើទារកក្នុងផ្ទៃមានចលនា ឬកម្រើកច្រើន នោះឱកាសដែល​ទងផ្ចិតអាច​រុំកក៏​មាន​ច្រើន​ដែរ។ ម្យ៉ាងទៀត នៅពេលគភ៌មានអាយុកាន់​តែ​ច្រើន ឱកាសទងផ្ចិតអាចរុំកក៏កើនដែរ។

៤. ទងសុកវែងពេក

ជាធម្មតា ទងសុកអាចមានប្រវែងប្រហែល ៥០-៦០ សង់ទីម៉ែត្រ។ បើ​ទង​​សុកមាន​ប្រវែងវែង​ជាង​នេះ ទារកក្នុងផ្ទៃនឹងមានហានិភ័យទង​សុក​រុំកខ្ពស់ ហើយបើទងសុកមានប្រវែងកាន់តែវែង ទងសុក​អាច​រុំកទារក​កាន់តែច្រើនជុំ។

ចង់គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

៥. ម៉ាក់ៗពពោះកូនភ្លោះពីរ ឬច្រើន

ក្នុងករណីបើម៉ាក់ៗពពោះកូនភ្លោះ តែកូនក្នុងផ្ទៃស្ថិតនៅក្នុងថង់ទឹកភ្លោះតែមួយជាមួយគ្នា ក៏​មាន​ហានិភ័យ​នេះ​ដែរ​។ ដោយសារទារកមានទងសុកម្នាក់មួយ នៅពេលទារកកម្រើក ឬធ្វើចលនា ទងសុក​អាច​ជំពាក់​ចូលគ្នា ហើយអាចរុំកទារក។

ប្រសិនបើសុករុំកទារក ម៉ាក់ៗអាចសង្កេតឃើញអាការៈដូចជា៖

• ទារកមិនសូវកម្រើក៖ ទារក​ក្នុងផ្ទៃអាចមិនសូវកម្រើក​​ភ្លាមៗ​នៅ​សប្តាហ៍​ចុងក្រោយ​នៃត្រីមាសទី ៣ ដែល​ជាទូទៅទារក​អាច​កម្រើកយ៉ាងតិច ៥ ដងក្នុងមួយថ្ងៃ
• ទារកកម្រើកខ្លាំង​ភ្លាមៗ បន្ទាប់​មក​កម្រើកតិចទៅៗ៖ ពេលទង សុករុំកទារកក្នុងផ្ទៃ ទារកអាចកម្រើក​ខ្លាំង​ដើម្បីរើខ្លួនពីទងសុករុំក ប៉ុន្តែរើមិនរួច
• ចង្វាក់បេះដូងរបស់ទារកថយចុះក្នុងអំឡុងពេលសម្រាល៖ ក្នុងអំឡុង​ពេលម៉ាក់ៗកំពុង​ប្រឹង​សម្រាល បើទងសុករុំកទារក ចង្វាក់​បេះដូងរបស់ទារកក្នុង​ផ្ទៃនឹងថយចុះ​ជាបន្តបន្ទាប់​

ទងសុករុំកទារកគ្មានវិធីការពារទេ តែម៉ាក់ៗអាចដឹងថា ទងសុករុំកទារក​​ឬអត់​នៅពេល​ថតអេកូ។

អត្ថបទគួរអាន៖

• ត្រូវដឹង និងប្រយ័ត្ន! អំឡុងពពោះ សុកអាចបង្កគ្រោះថ្នាក់ធ្ងន់ធ្ងរ ៣ យ៉ាងនេះ
• មក​ដឹង​លម្អិត​ពី​ករណី​សុក​ពាំង​មាត់​ស្បូន​ពេល​ពពោះ ​គ្រោះ​ថ្នាក់​ខ្លាំង​ណាស់
• សុកខ្សោយ ពេលពពោះ កូនក្នុងផ្ទៃមានគ្រោះថ្នាក់ទេ?
• សុកពាំងមាត់ស្បូន អាចមើលអេកូដឹងនៅពេលណា? មានប៉ុន្មានសណ្ឋាន?
• អ្វីជាសុក ហើយ​សំខាន់​ខ្លាំង​ប៉ុនណា​​សម្រាប់​ស្ត្រីពពោះ?
• របើកសុកមុនសម្រាលមកពីកត្តាច្រើនយ៉ាង ហើយអាចគ្រោះថ្នាក់ធ្ងន់ធ្ងរដល់កូន