អាការៈហើមខ្លះ ដែលកើតឡើងអំឡុងពេលពពោះ ជារឿងធម្មតាប៉ុណ្ណោះ ជាពិសេសបើម៉ាក់ៗកើតមានអាការៈហើមនៅត្រង់កជើង ជើង និងម្រាមដៃ។
មាតិកា
ហើមជើង និងម្រាមដៃពេលពពោះ ដោះស្រាយបែបណា? ពេលណាគួរបារម្ភ?
ពិតណាស់ ការហើមខ្លះ កាន់តែយ៉ាប់យ៉ឺននៅពេលយប់ ប៉ុន្តែបើបញ្ហាមួយនេះកើតឡើងបន្តិចម្ដងៗ នោះមិនបង្កគ្រោះថ្នាក់ដល់ម៉ាក់ និងទារកក្នុងផ្ទៃឡើយ។ ផ្ទុយទៅវិញ ក្នុងករណីដែលម៉ាក់ៗចាប់ផ្ដើមហើមកាន់តែខ្លាំងភ្លាមៗ អាចជាសញ្ញានៃជំងឺបម្រុងក្រឡាភ្លើង ដែលជាស្ថានភាពសុខភាពដ៏គ្រោះថ្នាក់មួយអំឡុងពេលពពោះ។
រោគសញ្ញាទូទៅនៃជំងឺបម្រុងក្រឡាភ្លើង
- ហើមភ្លាមៗនៅលើផ្ទៃមុខ ដៃ ឬជើង
- ឈឺក្បាលខ្លាំង
- បញ្ហាភ្នែក ដូចជាព្រិលភ្នែក
- ឈឺចាប់ខ្លាំងនៅក្រោមឆ្អឹងជំនីរ
- ក្អួត ដោយមានរោគសញ្ញាណាមួយខាងលើ។
ការហើមធម្មតាអំឡុងពេលពពោះ
ជាក់ស្ដែង ការហើម បណ្ដាលមកពីរាងកាយយើងរក្សាទុកជាតិទឹកច្រើនជាងធម្មតា អំឡុងពេលពពោះ ហើយជាតិទឹកដែលលើសបានប្រមូលផ្ដុំនៅផ្នែកខាងក្រោមបំផុតនៃរាងកាយ ជាពិសេស នៅពេលដែលអាកាសធាតុក្រៅ ឬម៉ាក់ៗឈរយូរពេក។ មួយវិញទៀត សម្ពាធនៃស្បូនដែលកំពុងលូតលាស់ ក៏អាចប៉ះពាល់ដល់លំហូរឈាមនៅក្នុងជើងដូចគ្នា ដែលកត្តានេះ អាចបណ្ដាលឲ្យមានជាតិទឹកកកកុញនៅក្នុងជើង និងកជើង។
គន្លឹះជួយកាត់បន្ថយអាការៈហើម
- ជៀសវាងឈររយៈពេលយូរ
- ជ្រើសរើសស្បែកជើង និងស្រោមជើងដែលមានផាសុកភាព ដោយជៀសវាងការប្រើខ្សែរឹតតឹងពេក
- ព្យាយាមលើកជើងឡើងលើឲ្យបានច្រើន
- ញ៉ាំទឹកឲ្យបានច្រើន ដើម្បីឲ្យរាងកាយអាចបញ្ចេញជាតិទឹកដែលលើស
- ធ្វើលំហាត់ប្រាណ ដោយដើរជាទៀងទាត់នៅពេលថ្ងៃ ឬធ្វើលំហាត់ប្រាណជើង។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Swollen ankles, feet and fingers in pregnancy
https://www.nhs.uk/pregnancy/related-conditions/common-symptoms/swollen-ankles-feet-and-fingers/
Swelling during pregnancy
https://www.pregnancybirthbaby.org.au/swelling-during-pregnancy
5 ways to manage swollen legs and feet during pregnancy
https://utswmed.org/medblog/swollen-feet-during-pregnancy/
កំណែប្រែបច្ចុប្បន្ន
09/06/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម