អាការៈហត់ ឬដកដង្ហើមខ្លីៗអំឡុងពេលពពោះ គឺជារឿងធម្មតាប៉ុណ្ណោះ និងមិនបង្កជាកង្វល់នោះឡើយ។ ប៉ុន្តែ ម៉ាក់ៗក៏គួរពិគ្រោះយោបល់ជាមួយនឹងគ្រូពេទ្យជំនាញ ផងដែរ ពីព្រោះមានកត្តាជាច្រើនដែលអាចបង្កឲ្យមានអាការៈបែបនេះ។
ម៉េចបានម៉ាក់ៗមានអាការៈហត់ ឬដកដង្ហើមខ្លីៗអំឡុងពេលពពោះ?
ម៉េចបានការពពោះប៉ះពាល់ដល់ការដកដង្ហើម?
ជាទូទៅ នៅអំឡុងពេលពពោះ ការដកដង្ហើមរបស់យើងអាចរងការប៉ះពាល់ដោយការកើនឡើងនៃអ័រម៉ូនprogesterone ដែលធ្វើឲ្យយើងមានអារម្មណ៍ថា ពិបាកដកដង្ហើមដើម្បីស្រូបយកខ្យល់។ ម្យ៉ាងវិញទៀត យើងក៏អាចប្រឈមនឹងការពិបាកដកដង្ហើម នៅពេលដែលស្បូនរបស់យើងរីកធំ និងដាក់សម្ពាធនៅលើសាច់ដុំខាងក្រោមសួត។ យ៉ាងណាមិញ ម៉ាក់ៗនឹងអាចដកដង្ហើមបានប្រសើរឡើងវិញ នៅកៀកនឹងពេលសម្រាលកូន ពីព្រោះអាអូនរំកិលចុះទៅក្នុងអាងត្រគាក។
គន្លឹះមួយចំនួនជួយដល់ការដកដង្ហើម
ដើម្បីជួយសម្រួលដល់ការដកដង្ហើម ម៉ាក់ៗគួរតែ៖
- ផ្ដោតទៅនឹងឥរិយាបថសមស្របនៅពេលអង្គុយ ឬឈរ ពីព្រោះការចំកោងខ្លួន ធ្វើឲ្យសួតមិនអាចមានចន្លោះទំនេរគ្រប់គ្រាន់ក្នុងការពង្រីកខ្លួន អំឡុងពេលដកដង្ហើម។
- ដាក់ខ្នើយទ្រផ្នែកខាងលើនៅរាងកាយ ដើម្បីកាត់បន្ថយសម្ពាធរបស់ស្បូននៅលើសួត នៅពេលគេង។
- ជៀសវាងប្រឹងប្រែងធ្វើលំហាត់ប្រាណ ឬការងារផ្ទះលើសកម្រិត។
ពេលណាគួរទៅជួបនឹងគ្រូពេទ្យ?
ម៉ាក់ៗគួរទៅជួបជាមួយនឹងគ្រូពេទ្យ ប្រសិនបើមានអាការៈដកដង្ហើមខ្លីៗ ដែលអមមកជាមួយ៖
- កើតឡើងភ្លាមៗ
- មានសភាពធ្ងន់ធ្ងរ
- មានការឈឺចាប់ ក្អក ដកដង្ហើមតឹងៗ ឬញ័រទ្រូង (Heart palpitations)។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
ត្រួតពិនិត្យដោយ
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខអត្ថបទដោយ នូ សោភ័ណ្ឌ · កែ 18/08/2023