ការពិនិត្យកម្រាស់កញ្ចឹងកគភ៌ អាចបញ្ជាក់បញ្ហាខ្សោយប្រាជ្ញាពីកំណើតបាន

ទារកដែលកើតចេញមក មិនមែនសុទ្ធតែមានសុខភាពល្អទាំងអស់នោះទេ មានមួយចំនួនប្រឈមនឹងមានបញ្ហាជំងឺពីកំណើតដែលកើតចេញមកទើបដឹង។ រីឯមួយចំនួនទៀត អាចដឹងថាមានបញ្ហាតាំងពីនៅក្នុងពោះម្ដាយតាមរយៈការឆ្លុះអេកូសាស្ត្រ។ នេះបើតាមការលើកឡើងរបស់លោកវេជ្ជបណ្ឌិត ឃួន សុវណ្ណារិទ្ធ ឯកទេសផ្នែកសម្ភព និងរោគស្ត្រី។

ស្របគ្នានេះ ការឆ្លុះអេកូសាស្ត្រពិនិត្យមើលកម្រាស់កញ្ចឹងកគភ៌ ក៏អាចបញ្ជាក់ឲ្យដឹងថា កូនក្នុងផ្ទៃនោះប្រឈមនឹងការកើតជំងឺខ្សោយប្រាជ្ញាពីកំណើត (Down Syndrome) ឬអាចហៅម៉្យាងទៀតថា ជំងឹ Trisomy 21។ ជំងឺនេះ បង្កបញ្ហាពីហ្សែន ដែលធ្វើឲ្យក្មេងមានបញ្ហាក្នុងការលូតលាស់ផ្នែករាងកាយ និងសតិបញ្ញាមិនប្រក្រតី។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

លោកវេជ្ជបណ្ឌិត បន្តថា នៅចន្លោះពេល១១-១៤អាទិត្យ គឺជាពេលល្អបំផុតក្នុងការពិនិត្យអេកូផ្ទៃពោះ វាស់កម្រាស់កញ្ចឹងកគភ៌ ដើម្បីរកជំងឺពីកំណើត។ ក្នុងករណីដែលពេទ្យពិនិត្យឃើញថាកញ្ចឹងកទារកក្រាស់លើសពី ៣ ឬ៣,៥ មីលីមែ៉ត្រ គឺមានហានិភ័យខ្ពស់ តែនៅមិនអាចសន្មត់ថាមានជំងឺខ្សោយប្រាជ្ញាមែនឬអត់ ដូចនេះត្រូវបូមទឹកភ្លោះទៅពិនិត្យបន្ថែមដើម្បីបញ្ជាក់កាន់តែច្បាស់។

ចំពោះទារក មានប្រវែងកម្រាស់កញ្ជឹងកកាន់តែក្រាស់ គឺភាគច្រើនតែងមានបញ្ហាពីកំណើតដូចជា៖

– បញ្ហាបេះដូង

– បញ្ហាពាក់ព័ន្ធជំងឺប្រព័ន្ធរំលាយអាហារពីកំណើត

– បញ្ហាសរីរាង្គផ្សេងៗ

– បញ្ហាខ្សោយប្រាជ្ញាពីកំណើត។ល។

ពិនិត្យផ្ទៃពោះ

វេជ្ជបណ្ឌិតរូបនេះបានបញ្ជាក់ថា ការដែលអាចវាស់កញ្ចឹងកគភ៌បាន គឺមានតែគ្រូពេទ្យជំនាញមានបទពិសោធន៍ខ្ពស់ទើបអាចវាស់ដឹង ហើយបានណែនាំថា ម៉ាក់ៗពពោះទាំងអស់ ត្រូវតែទៅពិនិត្យអេកូតាមដានតាមកាលកំណត់របស់គ្រូពេទ្យ ដើម្បីសុខភាពម្ដាយ និងកូន។

អត្ថបទគួរអាន៖

បដិសេធ

Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

Facts about Down Syndrome

https://www.cdc.gov/ncbddd/birthdefects/downsyndrome.html

Down syndrome

https://www.mayoclinic.org/diseases-conditions/down-syndrome/symptoms-causes/syc-20355977

Symptoms of Down Syndrome

https://www.verywellhealth.com/symptoms-of-down-syndrome-1120463

កំណែប្រែបច្ចុប្បន្ន

06/07/2023

អត្ថបទដោយ នាង សុខុមដាលីញ៉ា

ត្រួតពិនិត្យដោយ វេជ្ជ. ចាន់ ស៊ីណេត

បច្ចុប្បន្នភាពដោយ៖ នូ សោភ័ណ្ឌ

អត្ថបទពាក់ព័ន្ធ

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នាង សុខុមដាលីញ៉ា · កែ 06/07/2023

ការពិនិត្យកម្រាស់កញ្ចឹងកគភ៌ អាចបញ្ជាក់បញ្ហាខ្សោយប្រាជ្ញាពីកំណើតបាន

កូនកើតមកមានជំងឺ Down syndrome មកពីមូលហេតុអី? មានវិធីការពារទេ?

ទារកចេញលឿងអាចជាជំងឺស្ទះថង់ទឹកប្រមាត់ និងនាំឲ្យក្រិនថ្លើម ឈានដល់ស្លាប់