មន្ត្រីសុខាភិបាលនៅក្នុងប្រទេសមួយចំនួនកំពុងបើកការស៊ើបអង្កេតលើករណីចម្លែកនៃជំងឺថ្លើមធ្ងន់ធ្ងរមួយដែលកើតលើកុមារ និងយល់ថាជំងឺនេះ អាចទាក់ទងនឹងប្រភេទវីរុសនៃជំងឺផ្ដាសាយ។
- ជំងឺខាន់លឿង
- រាករូស និង
- ឈឺពោះ
មាតិកា
ជំងឺថ្លើមចម្លែកមួយកើតលើកុមារ អាចបណ្តាលឲ្យខូចសរីរាង្គតែម្តង
ចក្រភពអង់គ្លេសបាននឹងកំពុងស៊ើបអង្កេតលើករណីចំនួន៧៤ ចំពោះកុមារដែលមានជំងឺរលាកថ្លើម នេះបើយោងតាមសេចក្ដីថ្លែងការណ៍របស់អង្គការសហប្រជាជាតិ។
ករណីស្រដៀងគ្នានេះដែរ បានកើតឡើងនៅក្នុងប្រទេសអេស្ប៉ាញ និងប្រទេសអៀរឡង់ ដែលតម្រូវឲ្យមានការស៊ើបអង្កេតភ្លាមៗ។ គួរបញ្ជាក់ផងដែរថា កុមារដែលឆ្លងជំងឺនេះមិនត្រូវបានរកឃើញថាមានវីរុសធម្មតាដែលកើតលើអ្នកជំងឺរលាកថ្លើមឡើយ នេះមានន័យថាមូលហេតុបង្កនៃជំងឺថ្លើមមួយនេះ នៅមិនទាន់ដឹងច្បាស់នៅឡើយ។
កុមារមួយចំនួនត្រូវការផ្លាស់ប្ដូរថ្លើម
លោក Graham Cooke សាស្ត្រាចារ្យផ្នែកជំងឺឆ្លងនៅមហាវិទ្យាល័យ Imperial College London បានឲ្យដឹងថា ជំងឺរលាកថ្លើមកម្រិតស្រាលកើតឡើងជាទូទៅចំពោះកុមារ ប៉ុន្តែអ្វីដែលលោកបានឃើញនៅពេលនេះ គឺមានភាពខុសគ្នា។ លោកបានបន្ថែមថា កុមារនៅក្នុងចក្រភពអង់គ្លេសមួយចំនួន ត្រូវការការថែទាំពីអ្នកឯកទេសនៅផ្នែកជំងឺថ្លើម និងមួយចំនួនទៀតចាំបាច់ត្រូវផ្លាស់ប្ដូរថ្លើមតែម្ដង។
រោគសញ្ញាមិនគួរមើលរំលង
ពិតណាស់ ថ្លើមជាសរីរាង្គដ៏សំខាន់មួយដែលអាចជួយបំបែកសារធាតុចិញ្ចឹមសំខាន់ៗចូលទៅក្នុងរាងកាយ ជាតម្រងឈាម និងប្រឆាំងនឹងការឆ្លងមេរោគផ្សេងៗ។ យោងតាមអ្នកជំនាញបានបញ្ជាក់ថា នៅពេលដែលកុមារឆ្លងជំងឺថ្លើមដ៏ចម្លែកនេះ កុមារនឹងមានរោគសញ្ញាដូចជា៖
- ជំងឺខាន់លឿង
- រាករូស និង
- ឈឺពោះ
វីរុសចម្លែកនេះមិនស្ថិតក្នុងវីរុសរលាកថ្លើមប្រភេទA,B,C និងE
ការធ្វើតេស្តក្នុងមន្ទីរពិសោធន៍បានច្រានចោលវីរុសរលាកថ្លើមប្រភេទA,B,C និងE ដែលជាទូទៅបង្កឲ្យមានជំងឺប្រភេទនេះ។ ទោះជាយ៉ាងនេះក្ដី ក្រុមមន្ត្រីជំនាញបានកត់សម្គាល់ថា មានការរាលដាលថ្មីៗនៃពពួកវីរុសAdenoviruses ដែលជាប់ទាក់ទងនឹងរោគសញ្ញាស្រដៀងនឹងជំងឺផ្ដាសាយដូចជា គ្រុនក្ដៅ ឈឺក និងភ្នែកក្រហម ហើយជំងឺនេះបានផ្សាភ្ជាប់ទៅនឹងជំងឺរលាកថ្លើមដែលកើតលើកុមារ ជាពិសេសចំពោះក្មេងដែលមានប្រព័ន្ធការពាររាងកាយចុះខ្សោយ។
អត្ថបទគួរអាន៖
ជាក់ស្ដែង កុមារមួយចំនួនដែលឆ្លងវីរុសថ្លើមដ៏ចម្លែកនេះ បានរកឃើញថាវិជ្ជមានជំងឺAdenoviruses និងមួយចំនួនទៀតបានឆ្លងជំងឺកូវីដ-១៩។ យ៉ាងណាមិញ មន្ទីរពិសោធន៍ចាំបាច់ត្រូវធ្វើការស្រាវជ្រាវបន្ថែមទៀត ដើម្បីធ្វើការកំណត់ឲ្យបានច្បាស់ពីជំងឺថ្លើមមួយនេះ។
ចំណុចសំខាន់
ថ្លើមជាសរីរាង្គដ៏សំខាន់មួយដែលអាចជួយបំបែកសារធាតុចិញ្ចឹមសំខាន់ៗចូលទៅក្នុងរាងកាយ ជាតម្រងឈាម និងប្រឆាំងនឹងការឆ្លងមេរោគផ្សេងៗ។ យោងតាមអ្នកជំនាញបានបញ្ជាក់ថា នៅពេលដែលកុមារឆ្លងជំងឺថ្លើមដ៏អាថ៌កំបាំងនេះ កុមារនឹងមានរោគសញ្ញាដូចជា៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Mysterious liver illness seen in kids in US, Europe
https://www.foxnews.com/health/mysterious-liver-illness-seen-in-kids-in-us-europe
Mysterious Liver Disease Detected In Children: Organ Failure And Other Symptoms It Can Cause
https://www.thehealthsite.com/diseases-conditions/mysterious-liver-disease-detected-in-children-organ-failure-and-other-symptoms-it-can-cause-875103/
Liver Failure in Children
https://www.nationwidechildrens.org/conditions/liver-failure-in-children
Mystery liver disease in children could be triggered by unknown new Covid variant
https://www.mirror.co.uk/news/uk-news/mystery-liver-disease-children-could-26741666
Acute hepatitis of unknown aetiology – the United Kingdom of Great Britain and Northern Ireland
https://www.who.int/emergencies/disease-outbreak-news/item/acute-hepatitis-of-unknown-aetiology—the-united-kingdom-of-great-britain-and-northern-ireland
កំណែប្រែបច្ចុប្បន្ន
24/01/2025
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Sopheng In
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម