បារីអេឡិចត្រូនិក(E-cigarette) ពីមុន ត្រូវអះអាងថា អាចជួយផ្ដាច់ការជក់បារីធម្មតា ហើយមានសុវត្ថិភាពជាងការជក់បារីធម្មតាទៅទៀត។ ប៉ុន្ដែថ្មីៗ E-cigarette ឬអ្នកខ្លះស្គាល់ថា Vape បានបង្កគ្រោះថ្នាក់ដល់យុវជនអាមេរិកជាច្រើន ហើយលទ្ធផលការសិក្សាចុងក្រោយ បញ្ជាក់ថា បារីអេឡិចត្រូនិច ប៉ះពាល់សរសៃឈាម ទោះជក់ដោយគ្មានជាតិនីកូទីនក៏ដោយ។
ការសិក្សាថ្មីនេះ ធ្វើឡើងដោយសាលាឱសថសាស្ត្រ នៃសាកលវិទ្យាល័យ Pennsylvania Perelman របស់អាមេរិក លើមនុស្សពេញវ័យមានសុខភាពល្អ ៣១នាក់ ដែលមិនដែលជក់បារីនោះទេ។ មនុស្សទាំង ៣១នាក់ បានពិនិត្យ MRI ទាំងមុន និងក្រោយជក់បារី E-cigarette ដែលមានសមាសធាតុ Propylene glycol និង Glycerol។
ក្រោយជក់ E-cigarette អ្នកចូលរួមក្នុងការសិក្សា ត្រូវពិនិត្យឃើញថា មានបម្រែបម្រួលជាច្រើន បង្ហាញពីសកម្មភាពប្រតិកម្មសរសៃឈាម ដែលត្រូវចាត់ទុកជាការខូចសរសៃឈាមបណ្ដោះអាសន្ន។ ប៉ុន្ដែប្រសិនបើវាកើតឡើងច្រើនដង នោះវានឹងបណ្ដាលឲ្យរលាក និងធ្លាក់ចុះមុខងារសរសៃឈាម។
[embed-health-tool-bmi]
គួរបញ្ជាក់ថា ការសិក្សាពីមុន រកឃើញថា ការជក់ E-cigarette បង្កើនការរលាក និងខូចជាលិកាប្រឆាំងស្ត្រេស ដែលអាចត្រឡប់មកធម្មតាវិញ ពី ១-៣ឆ្នាំ ក្រោយជក់។
អត្ថបទគួរអាន៖
- ប្រើអាល់កុលដឺក្រេខ្ពស់ មិនអាចសម្លាប់មេរោគបាន ហើយគ្រោះថ្នាក់ស្បែកទៀត!
- លាងដៃនឹងអាល់កុលញឹកញាប់ធ្វើឲ្យស្ងួត រលាកដៃ គួរធ្វើបែបណា?
- កាំកុងត្រូលរកឃើញអាល់កុលលក់លើទីផ្សារ ភាគច្រើនមានមេតាណុលខ្ពស់ បង្កគ្រោះថ្នាក់ចំពោះសុខភាព
- ជំទាវ ឱ វណ្ណឌីន ណែនាំវិធីលាងដៃមិនឲ្យរបក ស្ងួត ប្រេះ
- កុំចាញ់បោក! កន្សែងសើមមិនអាចសម្លាប់ COVID-19 បានទេ
- អាល់កុលមេតាណុលអាចសម្លាប់វីរុស COVID-19 បានអត់?
