អាការៈចុកទ្រូងកើតឡើងដោយសារតែការចុកសាច់ដុំបេះដូង នៅពេលដែលរាងកាយមិនអាចផ្គត់ផ្គង់ឈាមដែលសម្បូរអុកស៊ីសែនទៅតាមតម្រូវការរបស់បេះដូងបាន។ តាមពិតទៅ អាការៈមួយនេះមិនមែនជាជំងឺនោះទេ ប៉ុន្តែជាសញ្ញាព្រមាននៃជំងឺបេះដូង។
ចំពោះការចុកទ្រូងបែបចុកបាត់ៗ អាចកើតឡើងភ្លាមៗ ព្រមទាំងអាចជាសញ្ញានៃការគាំងបេះដូង ដែលតម្រូវឲ្យយើងចាំបាច់ទទួលការព្យាបាលជាបន្ទាន់។
[embed-health-tool-heart-rate]
រោគសញ្ញានៃអាការៈចុកទ្រូង
ភាគច្រើន អ្នកដែលមានអាការៈចុកទ្រូង តែងតែមានអារម្មណ៍ឈឺណែននៅក្នុងទ្រូង ហើយរោគសញ្ញានឹងកាន់តែយ៉ាប់យ៉ឺននៅពេលដែលយើងឡើងជណ្ដើរ ហាត់ប្រាណ ឬមានអារម្មណ៍ស្រ្តេស។ ជាងនេះទៅទៀត ការចុកទ្រូងក៏អាចធ្វើឲ្យយើងហត់ មិនស្រួលក្នុងពោះ អស់កម្លាំង ឬប្រឈមនឹងអាការៈមួយចំនួនដូចខាងក្រោម៖
- បែកញើសច្រើន
- ហ្គាសក្នុងពោះ ឬឈឺពោះ (ពិបាករំលាយអាហារ)
- ចង្អោរ ឬក្អួត
- ឈឺក ថ្គាម ស្មា ឬខ្នង។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
កត្តាហានិភ័យនៃការចុកទ្រូង
- ជំងឺស្លេកស្លាំង
- ជំងឺទឹកនោមផ្អែម
- ខ្សោយបេះដូង
- សម្ពាធឈាមខ្ពស់ ឬសម្ពាធឈាមទាប
- កូលេស្តេរូលខ្ពស់
- ធាត់ជ្រុល
- ជំងឺប្រឹសបេះដូង
- រីកសាច់ដុំបេះដូង
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
គន្លឹះបង្ការការចុកទ្រូង
ដើម្បីជួយឲ្យសុខភាពបេះដូងដំណើរការបានល្អប្រសើរ និងជៀសផុតពីបញ្ហាចុកទ្រូង យើងគួរតែ៖
- ហាត់ប្រាណយ៉ាងហោចណាស់១៥០នាទីក្នុងមួយសប្ដាហ៍
- ញ៉ាំអាហារជំនួយដល់សុខភាពបេះដូង ដូចជាស្ពៃពួយឡេង គ្រាប់ធញ្ញជាតិ ផ្លែបឺរ ខ្លាញ់ត្រី សណ្ដែក សូកូឡាខ្មៅ។ល។
- គ្រប់គ្រងស្រ្តេសឲ្យបានល្អ ដូចជាធ្វើសមាធិ ហាត់យូហ្គា ឬជជែកលេងជាមួយមិត្តភ័ក្ដិ
- គ្រប់គ្រងទម្ងន់ខ្លួនឲ្យបានល្អ
- ឈប់ជក់បារី។
