នៅផ្នែកខាងឆ្វេងនៃរាងកាយយើង មានសរីរាង្គសំខាន់ៗជាច្រើន ដោយនៅក្រោមឆ្អឹងទ្រូងខាងឆ្វេងមានបេះដូង លំពែង ក្រពះ និងពោះវៀនធំ ហើយអាការៈចុកទ្រូងផ្នែកខាងឆ្វេងលើសុដន់ អាចបណ្ដាលមកពីកត្តាផ្សេងៗជាច្រើន។
មាតិកា
ចុកទ្រូងលើសុដន់ផ្នែកខាងឆ្វេង បណ្ដាលមកពីអ្វី?
ប៉ុន្តែក្នុងករណីខ្លះ ការចុកទ្រូង អាចជាសញ្ញាព្រមាននៃជំងឺបេះដូង។ ពិតណាស់ ការឈឺចាប់អាចរាលដាលពីទ្រូងខាងឆ្វេង ទៅស្មា ក ថ្គាម ឬខ្នង ដែលស្រដៀងទៅនឹងអាការៈគាំងបេះដូង។
មូលហេតុបង្កនៃការចុកទ្រូងផ្នែកខាងឆ្វេងលើសុដន់
១. ក្រហាយទ្រូងដោយសារអាស៊ីដក្រពះ
ក្រហាយទ្រូងដោយសារអាស៊ីដក្រពះ ជាញឹកញយបង្កឲ្យមានអាការៈចុកទ្រូង ពីព្រោះតែបញ្ហាពិបាករំលាយអាហារ។ យ៉ាងណាមិញ អាការៈនេះមិនប៉ះពាល់ដល់បេះដូងនោះទេ ប៉ុន្តែវាប៉ះពាល់ដល់បំពង់អាហារ ដោយការរលាកចេញពីអាស៊ីដក្រពះហូរចូលទៅក្នុងបំពង់ក។
២. ស្លន់ស្លោ
អាការៈស្លន់ស្លោមានរោគសញ្ញាស្រដៀងទៅនឹងការចុកទ្រូងដែរ និងអាចបណ្ដាលឲ្យចង្វាក់បេះដូងកើនឡើង ញ័រ ហត់ វិលមុខ និងឈឺទ្រូង។ ជំងឺផ្លូវចិត្តនេះត្រូវទទួលការព្យាបាលពីគ្រូពេទ្យឯកទេសផ្លូវចិត្ត។
៣. ជំងឺថង់ប្រមាត់
ក្រួសក្នុងថង់ទឹកប្រមាត់ និងបញ្ហាថង់ប្រមាត់ អាចបណ្ដាលឲ្យមានសម្ពាធ និងការកន្ត្រាក់សាច់ដុំនៅក្រពះខាងស្ដាំផ្នែកខាងលើខ្លាំង ដែលអាចរាលដាលដល់ទ្រូង ធ្វើឲ្យមានអារម្មណ៍ឈឺចាប់ក្នុងទ្រូងផ្នែកខាងឆ្វេង។
៤. ដំបៅក្រពះ
ដំបៅដែលកើតក្នុងក្រពះ ដោយសារអាស៊ីដចេញពីបំពង់រំលាយអាហារស៊ីរូងក្រពះ បំពង់អាហារផ្នែកខាងលើ ឬស្រទាប់ភ្នាសតូចៗ។ ជាទូទៅ យើងអាចមានអារម្មណ៍ឈឺចាប់នៅក្នុងក្រពះ ប៉ុន្តែការឈឺចាប់នេះក៏អាចរាលដាលដល់ផ្នែកកណ្ដាល ឬខាងឆ្វេងទ្រូងផងដែរ។ ដំបៅទាំងនេះ អាចបង្កជាការឈឺចាប់ និងត្រូវការការព្យាបាលជាចាំបាច់។
អត្ថបទគួរអាន៖
- ប្រភេទអាហារទាំងនេះ មិនគួរញុំាក្នុងពេលជាមួយគ្នា អាចពិបាករំលាយ
- អាហារយើងញ៉ាំត្រូវការពេលប៉ុន្មានទើបរំលាយអស់?
- ម៉េចបានកើតស្ត្រេស អាចបង្កឲ្យមានបញ្ហាក្រពះពោះវៀន?
- ដើរបន្តិចបន្តួចក្រោយញ៉ាំអាហារមានប្រយោជន៍ដល់ក្រពះពោះវៀន
- ញ៉ាំផ្លែម្នាស់អាចជួយពង្រឹងប្រព័ន្ធភាពស៊ាំ និងប្រព័ន្ធរំលាយអាហារ
- សុខភាពពោះវៀនល្អ ផ្ដល់គុណប្រយោជន៍ច្រើនដល់រាងកាយ
៥. ជំងឺរលាកសួត
ដោយសារតែសួតស្ថិតនៅត្រង់ទ្រូងក្រោមសុដន់ រោគសញ្ញានៃជំងឺរលាកសួត ក៏អាចបណ្ដាលឲ្យមានការឈឺចាប់នៅក្នុងទ្រូងខាងឆ្វេងលើសុដន់បានដូចគ្នា។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
What Does Chest Pain on the Left Side Above a Female Breast Mean?
https://www.medicinenet.com/chest_pain_on_the_left_side_above_a_female_breast/article.htm
What causes pain under my left breast?
https://www.medicalnewstoday.com/articles/320966
4 Things That Pain in Your Left Boob Might Mean
https://www.healthywomen.org/your-health/your-body/pain-your-left-boob-means
What’s Causing My Left Breast Pain?
https://www.verywellhealth.com/causes-of-left-breast-pain-429842
កំណែប្រែបច្ចុប្បន្ន
14/07/2022
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម