បញ្ហាស្រ្តេសការងារធ្ងន់ធ្ងរ កើតឡើងនៅពេលដែលយើងមិនអាចគ្រប់គ្រងស្រ្តេសបានល្អ និងចេះតែបណ្ដោយរយៈពេលយូរ។ បើយោងតាមអង្គការសុខភាពពិភពលោកបានឲ្យដឹងថា មនុស្សពេញវ័យម្នាក់ក្នុងចំណោម៤នាក់ ប្រឈមនឹងបញ្ហានេះនៅក្នុងជីវិតរបស់ខ្លួន។ តើស្រ្តេសការងារធ្ងន់ធ្ងរ មានសញ្ញាព្រមានអ្វីខ្លះ?
សញ្ញាទាំង៧នៃស្រ្តេសការងារធ្ងន់ធ្ងរ គ្នាយើងគួរប្រុងប្រយ័ត្ន
១. នឿយហត់ទាំងចិត្ត និងកាយ
គ្នាយើងអាចមានអារម្មណ៍នឿយហត់ទាំងផ្លូវកាយ ផ្លូវចិត្ត និងស្មារតី ដែលបណ្ដាលមកពីស្រ្តេស ឬរឿងរ៉ាវប៉ះទង្គិចផ្លូវចិត្តណាមួយ ហើយអារម្មណ៍បែបនេះ អាចកើតឡើងដោយសារតែសម្ពាធការងារ ឬបរិយាកាសជុំវិញខ្លួន ខ្វះខាតធនធាន ឬធ្វើការរយៈពេលយូរម៉ោងជាដើម។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
២. មានអារម្មណ៍កើតទុក្ខខ្លាំង
ប្រសិនបើយើងតែងមានអារម្មណ៍ខ្វះទំនុកចិត្តលើខ្លួនឯងញឹកញាប់ ឬមិនសប្បាយចិត្តជាប្រចាំ នោះអាចជាសញ្ញានៃស្រ្តេសការងារធ្ងន់ធ្ងរហើយ។
[embed-health-tool-bmr]
៣. ភ្លេចភ្លាំងច្រើន ឬពិបាកផ្ដោតអារម្មណ៍
ទន្ទឹមនឹងនេះដែរ ស្រ្តេសការងារធ្ងន់ធ្ងរក៏អាចនាំឲ្យយើងច្របូកច្របល់ ភ្លេចភ្លាំង និងពិបាកផ្ដោតអារម្មណ៍។ នៅពេលដែលយើងធ្វើការងារច្រើន គេងមិនគ្រប់គ្រាន់ ស្រ្តេស និងប្រើប្រាស់អ៊ីនធើណែតច្រើនជ្រុល ក៏អាចបង្កជាបញ្ហានេះដែរ។
៤. ប្រព្រឹត្តកំហុសឆ្គងតូចតាច
កំហុសឆ្គងតូចតាចនៅកន្លែងធ្វើការងារ ដែលរួមមានភ្លេចធ្វើកិច្ចការ ឬភ្លេចថ្ងៃដែលត្រូវដាក់ឯកសារ អាចបង្កជាហានិភ័យដល់យើងបាន។ បើគ្នាយើងប្រព្រឹត្តកំហុសឆ្គងបែបនេះញឹកញាប់ គួររកវិធីដោះស្រាយហើយ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
៥. ឆេវឆាវដោយខ្វះការពិចារណា
អំឡុងពេលស្រ្តេសការងារធ្ងន់ធ្ងរ យើងអាចមានអារម្មណ៍ខឹងមួម៉ៅចំពោះរឿងរ៉ាវតូចតាច ដោយមានការយល់ច្រឡំនឹងសកម្មភាព ឬការនិយាយស្ដីរបស់បុគ្គលិកផ្សេងទៀត។
៦. មានបញ្ហាក្នុងការគេង
បន្ថែមពីនេះ ស្រ្តេសការងារធ្ងន់ធ្ងរ ក៏អាចធ្វើឲ្យយើងពិបាកគេង ឬគេងច្រើនជ្រុល ដែលសុទ្ធតែបង្កផលប៉ះពាល់ទាំងសុខភាពផ្លូវកាយ និងផ្លូវចិត្ត។ ហេតុនេះហើយ យើងគួរគេងយ៉ាងហោចណាស់៧ម៉ោងក្នុងមួយថ្ងៃ ទើបជាការប្រសើរ។
៧. មានអារម្មណ៍ឯកោ
បន្ថែមពីនេះ ស្រ្តេសការងារធ្ងន់ធ្ងរក៏អាចធ្វើឲ្យយើងមានអារម្មណ៍ឯកា និងគិតថាគ្មានអ្នកណាគាំទ្រយើងឡើយ។ អារម្មណ៍បែបនេះ អាចនឹងប្រសើរវិញ ប្រសិនបើយើងពិភាក្សាជាមួយអ្នកផ្សេងទៀត ឬព្យាយាមចូលរួមនៅក្នុងសង្គម។
គន្លឹះជួយកាត់បន្ថយស្រ្តេសការងារធ្ងន់ធ្ងរ
- ធ្វើសកម្មភាពលំហែដូចជា ហាត់យូហ្គា ធ្វើសមាធិ
- ហាត់ប្រាណជាប្រចាំ
- ព្យាយាមគេងឲ្យបានគ្រប់គ្រាន់
- ពិគ្រោះយោបល់នឹងប្រធានផ្នែក ដើម្បីរកដំណោះស្រាយដ៏សមស្របមួយ
- ស្វែងរកជំនួយពីមិត្តរួមការងារ មិត្តភ័ក្ដិ ឬអ្នកជាទីស្រលាញ់។
