ទឹកសំខាន់ណាស់សម្រាប់រាងកាយ ពិសេសការរំលាយអាហារ របត់ឈាម ស្រូបជីវជាតិចំណីដែលញ៉ាំ និងការបញ្ចេញចោល។ ដឹងអត់ថា ទឹកល្អសម្រាប់ស្បែកខ្លាំងប៉ុនណា?
មាតិកា
ឥទ្ធិពលទឹកចំពោះស្បែក បើខ្វះ អាចបង្កបញ្ហាច្រើន
១- ស្បែកខ្សោះជាតិទឹក
ស្បែកដូចសរីរាង្គដទៃទៀតដែរ ផ្សំឡើងដោយកោសិកា។ កោសិកាស្បែក ដូចកោសិកាដទៃទៀតដែរ ផ្គុំឡើងដោយទឹក។ រាល់សរីរាង្គទាំងអស់ត្រូវការទឹក ដើម្បីបំពេញមុខងារបានល្អ។ បើរាងកាយស្រូបយកជាតិទឹកមិនគ្រប់គ្រាន់ ឈាមនឹងទាញទឹកពីកោសិកាស្បែកទៅប្រើ ធ្វើឲ្យស្បែកប្រែជាស្ងួត តឹង និងបែកស្រកា។
ស្បែកស្ងួតមិនសូវមានលក្ខណៈបត់បែនបាន ឬយឺតរលាស់ បង្កជាជ្រីវជ្រួញ។ បើរាងកាយខ្សោះជាតិទឹករយៈពេលយូរនោះ ស្បែក មើលទៅកាន់តែចាស់ទៅៗ អ៊ីចឹងគួរញ៉ាំទឹកឲ្យច្រើន។ ទឹកញ៉ាំចូល មិនមែនមានន័យថា ស្បែកទទួលបានទេ ព្រោះវានឹងចូលក្នុងសរីរាង្គដទៃទៀត ដែលបឺតយកជាតិទឹក មុនវាទៅដល់ស្បែក ហើយអ្វីដែលគួរធ្វើ ត្រូវញ៉ាំទឹកឲ្យច្រើន។
ស្វែងយល់បន្ថែមតាមរយៈវីដេអូខាងក្រោម៖
២- ថែស្បែកបន្ថែម
ងូតទឹក ហើយគួរលាបឡេជំនួយស្បែក ព្រោះក្រោយងូតទឹក ស្បែកងាយស្រូបផលិតផលថែរក្សាខ្លួនបានល្អ។ ជ្រើសរើសផលិតផលដែលមានផ្ទុកជាតិអាស៊ីដ ហ៊ីយ៉ាលូរ៉ូនិក (hyaluronic acid) ពេលប្រើផលិតផលផ្តល់សំណើម (ឡេ)។ ប្រភេទខ្លះនៃផលិតផលនេះ រួមមាន Skinceuticals Hydrating B5 Gel។
អត្ថបទគួរអាន៖
៣- ញ៉ាំទឹកប៉ុនណាទើបគ្រប់?
ចន្លោះពី ៦-៨ កែវ (ក្នុងមួយកែវ ប្រហែល ២៤០ មិល្លីលីត្រ) ក្នុងមួយថ្ងៃ ទើបគ្រប់សម្រាប់តម្រូវការរាងកាយបាន។ បរិមាណប៉ុណ្ណេះ អាចជួយបន្សាបជាតិពុលក្នុងរាងកាយ និងស្បែកបានយ៉ាងល្អ។ ដើម្បីដឹងថាតើ រាងកាយស្រូបទឹកគ្រប់អត់ អាចសម្គាល់មើលពណ៌ទឹកនោម៖
– ថ្លា៖ មានន័យថា យើងញ៉ាំទឹកច្រើនពេក ហើយកុំព្យាយាមឲ្យលើសកម្រិត ព្រោះធ្វើឲ្យតម្រងនោមធ្វើការច្រើនលើសកម្រិត។
– លឿងស្លេក៖ ជាសញ្ញាមានសុខភាពល្អ និងមានជាតិទឹកគ្រប់គ្រាន់។
– លឿងចាស់៖ រាងកាយយើងត្រូវការបរិមាណទឹកបន្ថែមទៀត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
The Benefits of Drinking Water for Your Skin. http://www.uwhealth.org/madison-plastic-surgery/the-benefits-of-drinking-water-for-your-skin/26334. Accessed June 5, 2017
Advantages of Drinking Water and Skin Benefits. http://www.livestrong.com/article/495609-advantages-of-drinking-water-and-skin-benefits/. Accessed June 5, 2017
Seven Skin benefits of drinking water
https://fundraise.wateraid.org.au/blog/seven-skin-benefits-of-drinking-water
កំណែប្រែបច្ចុប្បន្ន
12/04/2023
អត្ថបទដោយ Meng Vatana
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម