ម៉ាក់ៗពេលឃើញកូនទើបកើតមានស្នាមខៀវៗនៅស្បែកប្រាកដជាមានការព្រួយបារម្ភខ្លះៗ ព្រោះខ្លាចជាប់រហូតពេញមួយជីវិត។ ចំពោះបញ្ហាស្នាមខៀវស្រាល ឬខៀវក្រមៅលើស្បែកទារកនេះ លោកវេជ្ជបណ្ឌិត ប៉ែន កក្កដា បានឲ្យដឹងថា វាមិនមែនជារឿងធំដុំគួរឲ្យគិតឡើយ។

គ្រូពេទ្យឯកទេសកុមារនៅមន្ទីរពេទ្យកុមារជាតិរូបនេះបានបន្តទៀតថា ស្នាមខៀវនេះហៅថា Mongolian spot គឺជារឿងធម្មតានៃការបម្រែបម្រួលពណ៌ស្បែក ដែលមានតាំងពីកំណើតរបស់ទារក ឬមួយរយៈក្រោយកើតរួច ហើយវានឹងបាត់ទៅវិញនៅពេលកូនមានអាយុ ៤-៥ ឆ្នាំ។

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ស្នាមខៀវHello_គ្រូពេទ្យ

ក្នុងករណីនេះលោកវេជ្ជបណ្ឌិត ប៉ែន កក្កដា បានបញ្ជាក់ថា កើតឡើងដោយសារបម្រែបម្រួលអ័រម៉ូន ព្រោះកោសិកាដែលផលិតជាតិពណ៌លើស្បែក Melanocyte វាបានបង្កើតជាតិពណ៌ច្រើនលើសកម្រិត រីឯមូលហេតុធ្វើឲ្យបង្កើតខុសប្រក្រតីបែបនោះ អ្នកវិទ្យាសាស្ត្រមិនទាន់រកឃើញនៅឡើយទេ។ ចំណែកឯទីតាំងដែលស្នាមខៀវឧស្សាហ៍ឃើញកើតមានជាងគេ ជើង គូទ ខ្នង ហើយមានមួយចំនួនតូចនៅលើមុខដែរ។

ចំពោះផលប៉ះពាល់ចំពោះទារកវិញ ម្ចាស់បន្ទប់ពិគ្រោះជំងឺកុមារខាងលើបានបន្ថែមទៀតថា មិនមានអ្វីដែលអាក្រក់ចំពោះសុខភាពរាងកាយ ឬស្នាមនោះធ្វើឲ្យមានការឈឺចាប់ឡើយ គ្រាន់តែវាប៉ះពាល់ដល់ផ្នែកសម្រស់តែប៉ុណ្ណោះ បើមាននៅលើមុខ។

បើគិតរកថ្នាំដើម្បីលាបបំបាត់ក៏គ្មានដែរ ព្រោះដល់ពេលវានឹងរលុបដោយឯងៗ ហើយភាគច្រើនក្រោមអាយុ ១០ ឆ្នាំ ហើយមួយវិញទៀតស្នាមខៀវនេះ វាខុសពីស្នាមដៅខ្មៅៗ ឬក្រហម។

អត្ថបទគួរអាន៖

ទារកទើបកើតមានស្នាមខៀវៗ នៅលើស្បែកជាអ្វី? ហើយបាត់ទៅវិញអត់?