ការថែទាំទារក Archives - Page 23 of 26

ដឹងតិចនិច ៥ នេះ ជួយឱ្យទារកគេងលក់ស្កប់រាល់ថ្ងៃ

ការគេងលក់ស្កប់មានសារៈសំខាន់ណាស់ចំពោះទារក ព្រោះមិនត្រឹមតែ ជួយឱ្យទារកមានកម្លាំង និងស្មារតីល្អបន្ទាប់ពីក្រោកពីគេងទេ ថែមទាំងជួយទារកក្នុងការអភិវឌ្ឍរាងកាយ ខួរក្បាល និងប្រព័ន្ធការពាររាងកាយទៀតផង។ ចឹងគួរធ្វើម៉េចជួយឱ្យទារកគេងលក់ស្កប់ល្អ? ដើម្បីជួយ ឱ្យទារកគេងលក់ស្កប់ ម៉ាក់ប៉ាគួរដឹងគន្លឹះទាំងនេះ៖ ១. បង្កើតទម្លាប់មុនពេលគេង ទារករៀនគេងដោយចាប់យកសញ្ញាពីជុំវិញខ្លួន។ ម៉ាក់ប៉ាអាចបង្កើតទម្លាប់មុនពេលគេង ដោយចាប់ផ្តើមជាមួយការរក្សាបន្ទប់គេង ឬកន្លែងគេងឱ្យស្ងប់ស្ងាត់ និងបន្ថយពន្លឺភ្លើង ឬពន្លឺថ្ងៃ ៣០ នាទីមុនពេលដាក់កូនគេង។ ចៀសវាងលេង ឬប្រឡែងលេងជាមួយកូនមុនពេលដាក់កូនឱ្យគេង ព្រោះការរំភើបរីករាយអាចធ្វើឱ្យកូនពិបាកគេង ឬគេងហើយភ្ញាក់មកវិញ។ មួយវិញទៀត ម៉ាក់ប៉ាត្រូវបន្ថយសំឡេង និងនិយាយទៅកាន់កូនបែបលួងលោម ក្នុងគោលបំណងបន្ធូររម្មណ៍កូន។ បន្ទាប់មក ម៉ាក់ប៉ាអាចបង្កើតទម្លាប់ងូតទឹកឱ្យកូន អានរឿងនិទាន ច្រៀងបំពេរ ឬចាក់ភ្លេងបំពេរជាដើម មុនពេលដាក់កូនឱ្យគេង។ ត្រូវប្រកាន់ខ្ជាប់ និងធ្វើតាមទម្លាប់ដដែលៗជារៀងរាល់ពេល យូរៗទៅកូននឹងសុំានឹងទម្លាប់មុនពេលគេងទាំងនេះ។ នៅពេលម៉ាក់ប៉ាធ្វើទម្លាប់ទាំងនេះ កូននឹងដឹងថាដល់ពេលគេងហើយ។ ២. សង្កេតមើលសញ្ញាកូនងងុយគេង បើម៉ាក់ប៉ាឃើញកូនស្ងប់ស្ងាត់ មិនចង់លេង មិនចាប់អារម្មណ៍នឹងសកម្មភាពជុំវិញខ្លួន ស្ងាប់ ញីភ្នែក បៀមម្រាមដៃ មួម៉ៅ ឬសម្លឹងមើលទៅលើបានន័យថា កូនងងុយគេងហើយ។ ម៉ាក់ប៉ាគួររៀបចំឱ្យកូនឱ្យចូលគេង។ ៣. បង្កើតបរិយាកាសកន្លែងគេងកូនឱ្យមានផាសុកភាព កន្លែង ឬបន្ទប់គេងកូនគួរតែមិនមានសម្លេងរំខាន និងមានសីតុណ្ហភាពត្រជាក់ល្មមត្រឹម ២០-២២ អង្សារសេ។ ពូក ឬកម្រាលគេងកូនត្រូវរាបស្មើ មិនទន់ពេក […]

ការថែទាំទារក

មិនចង់ឲ្យដបឆុងទឹកដោះឆាប់ឆ្លងមេរោគ នេះជាវិធីដោះស្រាយ

អ្នកមានកូនម៉ឹមទឹកដោះគោទើបដឹងថា អត់ងងុយខ្លាំងប៉ុណា ដោយត្រូវក្រោកឆុងផង និងលាងសម្អាតទៀតទាំងយប់ ដើម្បីកុំឲ្យកំប៉ុងទឹកដោះគោឆាប់មានបញ្ហា។ កូនម៉ឹមទឹកដោះគោ យើងត្រូវដឹងពីរបៀបលាងសម្អាតដប និងគន្លឹះមួយចំនួន ដើម្បីកុំឲ្យកូនឆ្លងមេរោគបង្កជាជំងឺ ចង់ឲ្យកាន់តែជ្រាបច្បាស់អ្នកគ្រូពេទ្យផ្នែកឆ្មប សុំ សូរិយា បម្រើការនៅមន្ទីរពេទ្យបង្អែក ស្រុកខ្សាច់កណ្ដាល ណែនាំពីតិចនិកមួយចំនួន។ ១- កូនបៅមិនអស់ ត្រូវចាក់ទឹកដោះចោលឲ្យអស់ពីដប ជាធម្មតាប្រសិនបើទារកម៉ឹមនៅពេលយប់ ម៉ាក់ប៉ាប្រាកដជាចាំលាងសរុបនៅពេលព្រឹក ដូចនេះមិនខ្វល់ពីបញ្ហាដបមានដក់ទឹកដោះគោនៅសល់ឡើយ។ តែទង្វើបែបនេះអាចបណ្ដាលឲ្យកូនហើមពោះបាន ដោយសារទុកយូរអាចផ្អូម និងក្លិនជូរជាប់កំប៉ុង ហើយពេលខ្លះបើលាងសម្អាតមិនបានគ្រប់គន្លាក់គន្លើនទៀតនោះ អាចបណ្ដាលឲ្យកូនហើមពោះបានទៀតផង។ យកល្អបើមានសេសសល់ត្រូវចាក់ចោលផ្កាប់កំប៉ុង។ ២- ក្រឡុកទឹកឲ្យអស់ជាតិទឹកដោះគោ ម៉ាក់ប៉ាសឹងតែទាំងអស់គឺមិនលាងសម្អាតដបទឹកដោះគោកូននៅពេលយប់ឡើយ ព្រោះបើលាងកាន់តែធ្វើឲ្យអត់ងងុយថែមទៀត។ តែប្រសិនបើយើងមិនលាងសម្អាត ត្រូវចាក់ទឹកធម្មតា ហើយក្រឡុកទុក ចាំដុសលាងសរុបពេលព្រឹក ហើយបើប្រើដបដដែលៗ គួរតែចាក់ទឹកក្ដៅស្រុះ និងក្រឡុកឲ្យជ្រះជាតិទឹកដោះគោពីដប។ ៣- ដាក់ធុងតូចមួយនៅក្បែរកន្លែងគេង ដើម្បីជួយឲ្យម៉ាក់ប៉ាអាចសន្សំពេលគេងបានខ្លះ យើងមិនបាច់ចាកចេញឆ្ងាយពីបន្ទប់គេងទៅចាក់ទឹកដោះគោ ឬក្រឡុកទឹកសម្អាតអ្វីទេ គ្រាន់តែបន្ថែមរបស់ទុកផ្ទេរសំណល់នៅក្បែរខ្លួន តែត្រូវប្រយ័ត្នកុំឲ្យស្រមោចមកចោមរោមបាន ព្រោះអាចរឹតតែរំខានដំណេកលើសដើម។ អត្ថបទពាក់ព័ន្ធ៖បទពិសោធម៉ាក់ៗជួបការលំបាក ពេលកូនម៉ឹមទឹកដោះគោ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕