ការថែទាំទារក Archives - Page 24 of 26

ដឹងតិចនិច ៥ នេះ ជួយឱ្យទារកគេងលក់ស្កប់រាល់ថ្ងៃ

ការគេងលក់ស្កប់មានសារៈសំខាន់ណាស់ចំពោះទារក ព្រោះមិនត្រឹមតែ ជួយឱ្យទារកមានកម្លាំង និងស្មារតីល្អបន្ទាប់ពីក្រោកពីគេងទេ ថែមទាំងជួយទារកក្នុងការអភិវឌ្ឍរាងកាយ ខួរក្បាល និងប្រព័ន្ធការពាររាងកាយទៀតផង។ ចឹងគួរធ្វើម៉េចជួយឱ្យទារកគេងលក់ស្កប់ល្អ? ដើម្បីជួយ ឱ្យទារកគេងលក់ស្កប់ ម៉ាក់ប៉ាគួរដឹងគន្លឹះទាំងនេះ៖ ១. បង្កើតទម្លាប់មុនពេលគេង ទារករៀនគេងដោយចាប់យកសញ្ញាពីជុំវិញខ្លួន។ ម៉ាក់ប៉ាអាចបង្កើតទម្លាប់មុនពេលគេង ដោយចាប់ផ្តើមជាមួយការរក្សាបន្ទប់គេង ឬកន្លែងគេងឱ្យស្ងប់ស្ងាត់ និងបន្ថយពន្លឺភ្លើង ឬពន្លឺថ្ងៃ ៣០ នាទីមុនពេលដាក់កូនគេង។ ចៀសវាងលេង ឬប្រឡែងលេងជាមួយកូនមុនពេលដាក់កូនឱ្យគេង ព្រោះការរំភើបរីករាយអាចធ្វើឱ្យកូនពិបាកគេង ឬគេងហើយភ្ញាក់មកវិញ។ មួយវិញទៀត ម៉ាក់ប៉ាត្រូវបន្ថយសំឡេង និងនិយាយទៅកាន់កូនបែបលួងលោម ក្នុងគោលបំណងបន្ធូររម្មណ៍កូន។ បន្ទាប់មក ម៉ាក់ប៉ាអាចបង្កើតទម្លាប់ងូតទឹកឱ្យកូន អានរឿងនិទាន ច្រៀងបំពេរ ឬចាក់ភ្លេងបំពេរជាដើម មុនពេលដាក់កូនឱ្យគេង។ ត្រូវប្រកាន់ខ្ជាប់ និងធ្វើតាមទម្លាប់ដដែលៗជារៀងរាល់ពេល យូរៗទៅកូននឹងសុំានឹងទម្លាប់មុនពេលគេងទាំងនេះ។ នៅពេលម៉ាក់ប៉ាធ្វើទម្លាប់ទាំងនេះ កូននឹងដឹងថាដល់ពេលគេងហើយ។ ២. សង្កេតមើលសញ្ញាកូនងងុយគេង បើម៉ាក់ប៉ាឃើញកូនស្ងប់ស្ងាត់ មិនចង់លេង មិនចាប់អារម្មណ៍នឹងសកម្មភាពជុំវិញខ្លួន ស្ងាប់ ញីភ្នែក បៀមម្រាមដៃ មួម៉ៅ ឬសម្លឹងមើលទៅលើបានន័យថា កូនងងុយគេងហើយ។ ម៉ាក់ប៉ាគួររៀបចំឱ្យកូនឱ្យចូលគេង។ ៣. បង្កើតបរិយាកាសកន្លែងគេងកូនឱ្យមានផាសុកភាព កន្លែង ឬបន្ទប់គេងកូនគួរតែមិនមានសម្លេងរំខាន និងមានសីតុណ្ហភាពត្រជាក់ល្មមត្រឹម ២០-២២ អង្សារសេ។ ពូក ឬកម្រាលគេងកូនត្រូវរាបស្មើ មិនទន់ពេក […]

ការថែទាំទារក

ម៉ាក់ៗប្រយ័ត្នបន្តិច កូនបៅទឹកដោះគោពេលធំឡើងអាចកើតជំងឺទាំងនេះបាន

មានហេតុផលជាច្រើនដែលធ្វើឲ្យម៉ាក់ៗត្រូវឲ្យកូនម៉ឹមទឹកដោះគោដូចជា ម៉ាក់គ្មានទឹកដោះ មិនចេះបំបៅ ឬម៉ាក់មិនបាននៅជាមួយកូនជាដើម។ ប៉ុន្តែការបៅទឹកដោះគោមិនមានសុវត្ថិភាពចំពោះកូនប៉ុន្មានទេ នេះបើតាមការលើកឡើងរបស់លោកស្រីវេជ្ជបណ្ឌិត ហួរ ដានេ អនុប្រធាននាយកដ្ឋានអាហារូបត្ថម្ភ នៃមន្ទីរពេទ្យកុមារជាតិ។ គ្រូពេទ្យជំនាញផ្នែកអាហារូបត្ថម្ភរូបនេះបានបន្តទៀតថា ទារកដែលបៅទឹកដោះគោច្រើនតែជំងឺធាត់ នៅពេលវ័យធំលូតលាស់ និងកើតជំងឺលើសឈាម ទឹកនោមផ្អែម សរសៃឈាមបេះដូង ឬក៏ជំងឺស្រ្តូក (ដាច់សរសៃឈាមខួរក្បាល) ជាដើម។ បានជាជំងឺនេះអាចយាយីចំពោះកូនបៅទឹកដោះគោ ព្រោះប្រព័ន្ធការពាររាងកាយកូន មិនដូចទឹកដោះម្ដាយឡើយ។ វេជ្ជបណ្ឌិត ហួរ ដានេរ បានលើកឡើងទៀតថា៖ “ទឹកដោះម្ដាយងាយបំបែកជាង មិនថាជាប្រភេទមានខ្លាញ់ ប្រូតេអ៊ីន ហើយកម្រិតជាតិស្ករទាបជាង មានប្រព័ន្ធការពារសម្រាប់ជួយកុមារពីជំងឺ។ មួយវិញទៀតក្មេងបៅទឹកដោះម្ដាយមានប្រព័ន្ធការពារជំងឺអាលែកហ្ស៊ី រាករូស និងអាចជួយកាត់បន្ថយជំងឺពេលធំឡើង”។ ចំណែកទឹកដោះគោខ្លះវិញ មានការចម្លងមេរោគ និងសារធាតុក្នុងទឹកដោះគោផ្អែមជាង ហើយបើប្រូតេអ៊ីន ខ្លាញ់ វិញក៏មិនងាយរំលាយដូចទឹកដោះម្ដាយឡើយ។ ចំពោះ DHA ដែលគេប្រើសម្រាប់លូតលាស់ក្នុងប្រព័ន្ធខួរក្បាលក៏មិនសូវដូចទឹកដោះម្ដាយដែរ។ ដូចនេះហើយបានជាគ្រូពេទ្យណែនាំឲ្យម៉ាក់ៗទាំងអស់បំបៅដោះកូនឲ្យបានយ៉ាងហោចណាស់ក៏ ៦ ខែដែរ។ ជារួមក្មេងដែលបានបៅទឹកដោះម៉ាក់ៗមានសុខភាពរឹងមាំជាងក្មេងបៅដោះគោ ហើយសម្រាប់ផ្នែកបញ្ញាស្មារតីវិញវេជ្ជបណ្ឌិតរូបនេះមិនហ៊ានថាមួយណាឆ្លាតជាងឡើយ ព្រោះគ្មានឯកសារណាមួយមកបញ្ជាក់។ អត្ថបទពាក់ព័ន្ធ៖ ម៉ាក់ប៉ាកុំចេះតែបណ្ដោយ! ឲ្យកូនម៉ឹមរហូតដល់ធំពេក ដូចធ្វើបាបកូនទៅវិញ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា […]