ជ្រាំងអណ្តាតអាចធ្វើឱ្យកូនតូចមិនចង់បៅ ឬថយការបៅដោយសារ ឈឺមាត់ រញ៉ាំរញ៉ូវពិបាកលួងជាដើម ហើយច្រើនកើតលើទារក ជាពិសេសទារកអាយុក្រោម ៦ ខែ។ ចឹងម៉ាក់ៗគួរធ្វើម៉េច ការពារកូនតូចកុំឱ្យជ្រាំងអណ្តាត?
1. បើបំបៅកូនដោយទឹកដោះ
- ត្រូវសម្អាតដោះ និងជូតឱ្យស្ងួតបន្ទាប់ពីបំបៅម្តងៗ
- លាងសម្អាត និងសម្លាប់មេរោគម៉ាស៊ីនបូមទឹកដោះ
- រក្សាទឹកដោះដែលបានបូម ឬច្របាច់រួចក្នុងទូរទឹកកក ចាំដល់ពេលបំបៅកូន ចាំយកចេញ ដើម្បីការពារមេរោគផ្សិតដុះលូតលាស់
- បើសង្កេតឃើញ ក្បាលដោះឡើងក្រហម និងឈឺ មានន័យ ថា ម៉ាក់អាចឆ្លងមេរោគផ្សិតនៅលើក្បាលដោះហើយ។ ម៉ាក់ៗគួរទៅពិគ្រោះជាមួយគ្រូពេទ្យដើម្បីធ្វើការព្យាបាល។
- ត្រូវលាងសម្អាត និងសម្លាប់មេរោគកំប៉ុងទឹកដោះគោ បន្ទាប់ពីបំបៅកូនរួចម្តងៗ
- លាងសម្អាតក្បាលដោះជ័រ និងប្រដាប់ប្រដាល់លេងផ្សេងៗ រាល់ពេលកូនបៀម ឬដាក់ចូលមាត់ម្តងៗ
- ប្រសិនបើកូនមានធ្មេញ ដុសធ្មេញឱ្យកូនពីរដងក្នុងមួយថ្ងៃ
- បើកូនមិនទាន់មានធ្មេញទេ ត្រូវជូតសម្អាតអណ្តាត អញ្ចាញធ្មេញ និងថ្ពាល់ផ្នែកខាងក្នុងមាត់ កូនពីរដងក្នុងមួយថ្ងៃ
- លាងសម្អាតដៃម៉ាក់ និងដៃឱ្យកូនឱ្យបានញឹកញាប់
- លាងសម្អាតដៃរាល់ពេលប្តូរខោទឹកនោមឱ្យកូន ការពារឆ្លងមេរោគផ្សិត
