ទារក

ម្សៅទឹកដោះគោ ជាជម្រើសទឹកដោះសត្វដ៏ពេញនិយមដែលម៉ាក់ប៉ាភាគច្រើនជ្រើសរើសផ្ដល់ឲ្យកូនបៅ បន្ទាប់ពីម៉ាក់ៗផ្ដាច់ដោះ តែមិនមែនក្មេងទាំងអស់បៅទឹកដោះគោត្រូវនោះទេ។ ជួនកាលអាអូនអាចអាលែកហ្ស៊ីទឹកដោះគោ ហេតុនេះហើយម៉ាក់ប៉ាគួរដឹងពីរោគសញ្ញាអាលែកហ្ស៊ីទឹកដោះគោកើតឡើងលើកូន។ បើតាមការបញ្ជាក់របស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ កាលណាអាអូនម៉ឹមទឹកដោះគោ ឬញ៉ាំចំណីអាហារណាមួយមួយចូលក្នុងពោះមានប្រតិកម្ម នោះច្បាស់ជាអាលែកហ្ស៊ីជាមួយអាហារទាំងនោះ ហើយបើម៉ាក់ប៉ាមិនយកចិត្តទុកដាក់ទេ កូនតូចងាយនឹងខ្វះអាហារូបត្ថម្ភ។ រោគសញ្ញានៃការអាលែកហ្ស៊ីទឹកដោះគោ អាចមានពីស្រាលទៅមធ្យម​ដូច​ជា៖ រោគសញ្ញាអាលែកហ្ស៊ីទូទៅបង្កដោយប្រូតេអ៊ីនក្នុងទឹកដោះគោ ប្រូតេអ៊ីនក្នុងទឹកដោះគោអាចបង្កជាបញ្ហាអាលែកហ្ស៊ីធ្ងន់ធ្ងរលើអាអូន ដោយរោគសញ្ញាអាលែកហ្ស៊ីអាចកើតឡើងភ្លាមៗក្រោយពីកូនបានបៅម្សៅទឹកដោះគោ ហើយរោគសញ្ញាខ្លះអាចលេចចេញច្រើនម៉ោងក្រោយបៅក៏មាន។ រោគសញ្ញាអាចមានពីកម្រិតមធ្យមទៅធ្ងន់ធ្ងរ ដោយអាចមានដូចជា៖ ហើមបរិវេណមាត់ ពីបាកលេបអាហារ ក្អួត និងក្អែ រាក ឈាមក្នុងលាមក មិនព្រមបៅ ឈឺក្នុងពោះ ឡើងកន្ទាលត្រអាក រមាស់ ឬត្រអក ករណីកម្រ អាចមានប្រតិកម្មធ្ងន់ធ្ងរ ជាមួយគ្នានេះដែរ ក្មេងខ្លះក៏អាចមាប្រតិកម្មទៅនឹងម្សៅទឹកដោះគោដែលរោគសញ្ញាអាចលេចចេញច្រើនម៉ោងក្រោយបៅ ហើយរោគសញ្ញានេះអាចមានលើប្រព័ន្ធរំលាយអាហារ ស្បែក និងសួត។ រោគសញ្ញាប្រតិកម្មទឹកដោះគោលើប្រព័ន្ធរំលាយអាហារ ឈឺចុកពោះ ហើមពោះ ឬខ្យល់ក្នុងពោះ រាករូស ទល់លាមក រោគសញ្ញាប្រតិកម្មទឹកដោះគោលើសួត និងស្បែក ហៀរសម្បោររ៉ាំរ៉ៃ ក្អករ៉ាំរ៉ៃ តឹងច្រមុះ ឆ្លងមេរោគត្រចៀកញឹកញាប់ កើតជំងឺត្រអក ឡើងកន្ទួលលើស្បែក ទាក់ទងនឹងបញ្ហានេះ លោកវេជ្ជបណ្ឌិត អ៊ុន យូ អនុប្រធាននៃមន្ទីរសម្រាកព្យាបាល Maxi Care […]

យើង​ទាំង​អស់​គ្នា​ដឹង​ហើយ​ថា ទឹក​ដោះ​សត្វ​ដើរ​តួ​នាទី​យ៉ាង​សំខាន់​នៅ​ក្នុង​ជីវិត​របស់​យើង ព្រោះ​អាច​ជួយ​យើង​ឲ្យ​មាន​សុខភាព​ល្អ ផ្ដល់​នូវ​សារធាតុ​ចិញ្ចឹម​សំខាន់​ៗ​ដល់​រាងកាយ ពិសេស​គឺ​ចាំ​បាច់​បំផុត​ចំពោះ​សុខភាព​ក្មេង​តូចៗ។ ទឹក​ដោះ​ពពែ ជា​ប្រភព​សម្បូរ​ទៅ​ដោយ​សារធាតុ​ចិញ្ចឹម​ល្អៗ ជួយ​ពង្រឹង​ប្រព័ន្ធ​ការពារ​រាងកាយ​កូន ម៉ាក់​ប៉ា​អាច​ផ្ដល់​ឲ្យ​កូន​ញ៉ាំ​បាន ដើម្បី​សុខភាព​រឹងមាំ។ ​ ទឹក​ដោះ​ពពែ ត្រូវ​គេ​ដឹង​ថា​មាន​ផ្ទុក​សារធាតុ​ចិញ្ចឹម​សំខាន់​ៗ​ជា​ច្រើន​មុខ​​​ដូចជា៖ HMOs នុយ​ក្លេ​អូទីត ជាតិ​ខ្លាញ់ ប្រូតេអ៊ីន ប្រូតេអ៊ីន​ប្រភេទ A1 និង​A2 ។ ជា​ធម្មតា ទឹក​ដោះ​ពពែ ងាយ​ស្រួល​រំលាយ និង​អាច​ដោះ​បញ្ចៀស​បញ្ហា​ទល់​លាមក ហើមពោះ ឬ​ពិបាក​រលាយ​អាហារ ក្អែ និង​អាការៈ​សើ​ស្បែក​ជា​ដើម។ លើស​ពី​នេះ ទឹក​ដោះ​ពពែ​មាន​បរិមាណ​សេលេនីញ៉ូម​ច្រើន ដែល​វា​ជា​សារធាតុ​រ៉ែ​ដ៏​កម្រ មាន​នាទី​យ៉ាង​សំខាន់​ក្នុង​ការ​ពង្រឹង​ប្រព័ន្ធ​ការពារ​រាងកាយ ជា​ហេតុ​ទប់ស្កាត់​ពពួក​មេរោគ​បង្ក​ជា​ជំងឺ​ប៉ះពាល់​សុខភាព​កូនៗ។ ម៉្យាង​វិញ​ទៀត ទឹក​ដោះ​ពពែ​មាន​សមត្ថភាព​ទ្រទ្រង់​ដល់​ការ​អភិវឌ្ឍ​ប្រព័ន្ធ​ភាព​ស៊ាំ​ដោយ​រារាំង​ការ​លូតលាស់​របស់​បាក់តេរី​មិន​ល្អ ផ្ដល់​នូវ​សារធាតុ​ប្រឆាំង​អុកស៊ីតកម្ម និង​ផ្ដល់​សារធាតុ​ប្រឆាំង​ការ​រលាក​ដល់​រាងកាយ។ លក្ខណៈ​ពិសេស​នៃ​ទឹក​ដោះ​ពពែ​នេះ​ហើយ ដែល​ផ្ដល់​ប្រយោជន៍​ដល់​ទារក និង​មនុស្ស​ពេញ​វ័យ មិន​អាច​កាត់​ថ្លៃ​បាន​ក្នុង​ការ​ពង្រឹង​ប្រព័ន្ធ​ភាព​ស៊ាំ។ ដោយ​សារ​ទឹក​ដោះ​ពពែ សម្បូរ​ដោយ​សារធាតុ​ចិញ្ចឹម ទឹក​ដោះ​ប្រភេទ​នេះ​​ក៏​ជួយ​ដល់​ការ​លូតលាស់ និង​អភិវឌ្ឍន៍​ទូទៅ​របស់​អា​អូន ក្រៅ​ពី​ពង្រឹង​ប្រព័ន្ធ​ការពារ​រាងកាយ​ផង​ដែរ។ តាម​ការ​សិក្សា​ភាគ​ច្រើន ទឹក​ដោះ​ពពែ ក៏​មិន​សូវ​បង្ក​ជា​អាលែកហ្ស៊ី​ដល់​ក្មេង​ដូច​ទឹក​ដោះ​គោ​​ផង​ដែរ​។ ក្នុង​ន័យ​នេះ មិន​មែន​មាន​ន័យ​ថា​ទឹក​ដោះ​គោ​មិន​ល្អ​នោះទេ ប៉ុន្តែ​បើ​ប៉ាម៉ាក់​ចង់បាន​អត្ថប្រយោជន៍​បន្ថែម លើស​ពី​អ្វីដែល​ទឹក​ដោះ​គោ​មាន ប៉ាម៉ាក់​អាច​ពិចារណា​លើ​ការ​ជ្រើស​រើស​ទឹក​ដោះ​ពពែ​បាន​ ក្រោយ​ពី​​បំបៅ​ដោះ​កូន​ត្រឹម​ត្រូវ​តាម​ការណែ​នាំ​របស់​ក្រ​សួង​សុខាភិបាល​។​

ដើម្បីចិញ្ចឹមកូនឲ្យលូតលាស់ និងមានសុខភាពល្អ ម៉ាក់ប៉ាត្រូវយកចិត្តទុកដាក់ទាំងលើរបបអាហារ ការថែទាំដិតដល់ រួមទាំងការអនាម័យជាដើម។ ចំពោះម៉ាក់ប៉ាដែលឲ្យកូន​បៅ​ទឹកដោះគោ គួរតែកែប្រែទម្លាប់មិនល្អខាងក្រោមនេះចេញ ទើបជំងឺមិនសូវមកតោងខ្លួនកូន ។ ចុចត្រង់នេះដឹងពីអត្ថន័យពណ៌ និងរូបរាងលាមកទារក ១. ផ្ដល់ទឹកដោះគោនៅសល់ឲ្យកូន ម៉ាក់ប៉ាខ្លះ ជ្រុលដៃលាយម្សៅទឹកដោះគោឲ្យកូនបៅអត់អស់ មិនចាក់ចោលទេ បែរជាទុកឲ្យកូនបៅពេលក្រោយទៀត។ នេះជាទម្លាប់អាក្រក់មួយធ្វើឲ្យកូនឧស្សាហ៍ឈឺ ដោយសារទឹកដោះគោកូនម៉ឹមសល់ មិនអាចទុកយូរលើសពីមួយម៉ោងបានទេ។ តាមការពន្យល់របស់លោកស្រីវេជ្ជបណ្ឌិតឯកទេសរោគកុមារ កុសល កណិការ ពេលកូនបៅទឹកដោះគោហើយ មេរោគនឹងចូលទៅក្នុងទឹកដោះនៅសល់នោះតាមទឹកមាត់កូន ហើយបើយើងទុកយូរម៉ោងបន្តិច កូនយើងបៅទឹកដោះគោដែលនៅសល់អាចបង្កឱ្យកូនឈឺពោះ រាករូសជាដើម។ ២. បន្ថយ ឬបន្ថែមបរិមាណទឹក ឬម្សៅទឹកដោះគោ ការឆុងទឹកដោះគោមានក្បួនខ្នាត និងរង្វាស់ត្រឹមត្រូវ តែទោះយ៉ាងណា ម៉ាក់ប៉ាមួយចំនួនបានបំពានក្បួនច្បាប់ទាំងនោះ នៅពេលកូនមានបញ្ហា ដូចជារាក ឬទល់លាមក។ ជាក់ស្ដែង ពេលកូនទល់លាមក ម៉ាក់តែងបន្ថយបរិមាណទឹកដោះគោ ដោយរក្សាបរិមាណទឹកដដែល ឬក៏រក្សាបរិមាណទឹកដោះគោដដែល តែបន្ថែមបរិមាណទឹកវិញ ដោយគិតថា ការបន្ថែមបរិមាណទឹក អាចកាត់បន្ថយអាការៈទល់លាមកកូនបាន។ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ អះអាងថា វិធីនេះមិនត្រឹមត្រូវទេ ថែមទាំងធ្វើឲ្យកូនមានបញ្ហាសុខភាពធ្ងន់ធ្ងរ អាចនឹងខ្វះអាហារូបត្ថម្ភក៏ថាបាន។ ៣. ប្រើទឹកឆុងទឹកដោះគោកូនមិនបានត្រឹមត្រូវ អង្គការសុខភាពពិភពលោក […]

ជំហានដំបូងក្នុងការជ្រើសរើសកំប៉ុងទឹកដោះគោឲ្យកូនគឺ ម៉ាក់ប៉ាគួរទិញ ១-៣ ប្រភេទកំប៉ុងទឹកដោះគោខុសៗគ្នា មកសាកប្រើសិន ដើម្បីតាមដានថា កូនយើងប្រើបានមួយណាជាងគេ។ លើសពីនេះ ម៉ាក់ប៉ាអាចជ្រើសរើសកំប៉ុងទឹកដោះគោបានដោយ៖ ទិញកំប៉ុងធំ៖ ដើម្បីសន្សំសំចៃលុយបានខ្លះ ម៉ាក់ប៉ាអាចទិញកំប៉ុងទឹកដោះគោទំហំធំស្រាប់ ព្រោះយើងអាចឲ្យអាអូនប្រើបានដល់វ័យធំបន្តិច។ មួយវិញទៀត យើងអាចជ្រើសកំប៉ុងទឹកដោះគោដែលមានលក្ខណៈពិសេសដូចជា វៀចក ឬដបដែលខ្យល់មិនសូវចូលបាន ដើម្បីការពារខ្យល់កុំឲ្យចូលពោះកូនពេលបៅទឹកដោះគោ។ ប៉ូម ឬមិនប៉ូមទឹកដោះ៖ ចំពោះម៉ាក់ៗដែលមិនមានពេលនៅក្បែរកូនច្រើន ខ្លាចមិនអាចបំបៅដោះកូនគ្រប់គ្រាន់ មានបំណងប៉ូមទឹកដោះទុកសម្រាប់ឲ្យកូនបៅ គួរជ្រើសកំប៉ុងទឹកដោះគោម៉ាកដូចគ្នានឹងឧបករណ៍ប៉ូមទឹកដោះដែរ ព្រោះវាផ្ដល់ភាពងាយស្រួល ប៉ូមរួចដាក់ឲ្យកូនបៅតែម្ដង មិនបាច់ផ្លាស់ប្ដូរកំប៉ុងច្រើនតង់។ អ្វីដែលសំខាន់នោះគឺ ម៉ាក់ប៉ាគួរជ្រើសកំប៉ុងទឹកដោះគោណាដែលគ្មានជាតិ BPA ដោយសារការសិក្សាមួយចំនួនបង្ហាញថា ការប្រើកំប៉ុងទឹកដោះគោមានជាតិ BPA ក្នុងរយៈពេលយូរ អាចបង្កជាផលប៉ះពាល់ដល់សុខភាពកូនបាន។ ដើម្បីដឹងថាកំប៉ុងទឹកដោះគោ​មានជាតិ BPA ឬគ្មាន យើងគួរពិនិត្យមើលនៅខាងក្រោមបាតនៃកំប៉ុងទឹកដោះគោ។ បន្ទាប់ពីចេះជ្រើសកំប៉ុងទឹកដោះគោឲ្យកូនប្រើហើយ រឿងមួយចាំបាច់ដែលម៉ាក់ប៉ាត្រូវដឹងក្រោយពីនេះ គឺការធ្វើអនាម័យកំប៉ុងទឹកដោះគោកូន ធ្វើយ៉ាងណាកុំឲ្យមេរោគតោងជាប់នៅដបទឹកដោះគោ ពេលអាអូនបៅអាចបង្កជាជំងឺបាន។ ដូចចាន ឬស្លាបព្រាដែរ ក្រោយប្រើរួចយើងតែងតែលាងសម្អាតជាមួយសាប៊ូនឹងទឹកស្អាត ប៉ុន្តែចំពោះកំប៉ុងទឹកដោះគោ គ្រាន់តែលាងនឹងសាប៊ូមិនទាន់ចប់ទេ។ តាមលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅពន្យល់ឲ្យដឹងថា ដើម្បីធានាថា កំប៉ុងទឹកដោះកូនមិនមានបាក់ តេរីតោង ពេលប្រើទៅកូនមិនហើមពោះ រាករូស ឬឈឺ បន្ទាប់ពីលាងនឹងសាប៊ូជាមួយទឹកស្អាតរួច […]

ក្រសួងសុខាភិបាល​ណែនាំ​ឲ្យ​បំបៅ​ដោះ​កូន​យ៉ាង​ហោច​ណាស់​រយៈពេល ៦ ខែ បន្ទាប់​ពី​សម្រាល និង​ការ​បំបៅដោះ​រួម​ជាមួយ​អាហារ រហូតដល់​យ៉ាង​ហោច​ណាស់​អាយុ ១ខួប ឬ​លើស​ពី​នេះ។ ម៉្យាងក្នុង​ការ​ផ្ដាច់​ដោះ មិន​មែន​ចង់​ផ្ដាច់​ៗ​ភ្លាម​នោះ​ទេ យើង​ត្រូវ​ចេះ​ក្បួន​លាយ​ម្សៅ​ទឹក​ដោះ​សត្វ ផ្លាស់​ប្ដូរ​ពី​ទឹក​ដោះ​ម្ដាយ​សន្សឹម​ៗ​ឲ្យ​កូន​ស៊ាំ​ជាមុន។​ ពេល​ចាប់​ផ្ដើម​ផ្ដល់​ទឹក​ដោះ​ពពែ ឬ​ទឹក​ដោះ​គោ​ឲ្យ​កូន​ក្រោយ​ពេល​ផ្ដាច់​ដោះ ម៉ាក់ៗ​ត្រូវ​ប្រាកដ​ថា យើង​ណែ​នាំ​អាហារ​ថ្មី​ឲ្យ​កូន​ញ៉ាំ ប្លែក​ពី​ទឹក​ដោះ​យើង។ ជួនកាល ម៉ាក់ៗ​ពិបាក​ក្នុង​ការ​ណែនាំ​កូន​ឲ្យ​បៅ​ម្សៅ​ទឹក​ដោះ​ពពែ ឬ​ទឹក​ដោះ​គោ ព្រោះអាអូនមិនទាន់ទម្លាប់។ សម្រាប់​ម៉ាក់ៗ​​ដែល​ជ្រើស​រើស​ម្សៅ​ទឹក​ដោះសត្វ​សម្រាប់​កូន​បៅ ក្រោយ​ផ្ដាច់​ដោះ គួរ​អនុវត្ត​តាម​ការណែនាំខាងក្រោមដូចជា៖ – រាល់​ពេល​ឆុង​ម្សៅ​ទឹក​ដោះ​ពពែ ឬ​ទឹក​ដោះ​គោ ម៉ាក់​ប៉ា​ត្រូវ​ប្រាកដ​ថា ឆុង​ទៅតាមការណែនាំត្រឹមត្រូវ​ដែលមាននៅលើសម្បក​កំប៉ុង ឬរបស់​គ្រូពេទ្យជំនាញ។ – ម៉ាក់ត្រូវឆុងទឹកដោះពពែ ឬទឹកដោះគោជាមួយទឹក​ឆ្អិន ឬ​ទឹកស្អាត ដែល​មាន​ការ​ណែនាំពីគ្រូពេទ្យ​។ – ក្រោយ​ពេល​ឆុង​ទឹកដោះពពែ ឬទឹកដោះគោរួច យើងអាចលាយជាមួយទឹកដោះម្ដាយ ផ្ដល់​ឲ្យកូនបៅបាន។ ម៉្យាងវិញទៀត ម៉ាក់ៗអាចឲ្យកូនបៅដោះបន្តិចសិន សឹមផ្លាស់ឲ្យ​កូន​បៅ​​ទឹកដោះពពែ ឬទឹកដោះគោ​តាម​ក្រោយ​។ ចំណាំ៖ ម៉ាក់ៗមិនត្រូវលាយម្សៅទឹកដោះពពែ ឬទឹកដោះគោ ដែលមិនទាន់ឆុងរួចរាល់ ចូលជាមួយទឹកដោះខ្លួនតែម្ដងនោះទេ ហើយម៉ាក់ៗក៏មិនអាចយកទឹកដោះខ្លួន ប្រើជំនួសទឹកឆ្អិន​ ដើម្បីឆុងទឹកដោះគោឲ្យកូនដូចគ្នា។ យ៉ាង​ណា​មិញ បើ​ម៉ាក់ៗ​មិន​ប្រាកដ​ចិត្ត​ថា គួរ​ឲ្យ​កូន​បៅ​​ទឹក​ដោះ​សត្វ​ លាយ​ជាមួយ​ទឹក​ដោះ​ខ្លួន​ឬ​អត់នោះ​ ម៉ាក់ៗ​អាច​ពិគ្រោះ​បន្ថែម​ជា​មួយ​គ្រូពេទ្យ​ជំនាញ​ជាមុន​សិន​។​ ពេល​ផ្លាស់​ប្តូរ​ពីការ​បំបៅ​ដោះ​មក​ឲ្យ​អាអូនបៅ​ទឹក​ដោះ​សត្វ​វិញ ម៉ាក់ៗ គួរ​អនុវត្ត​តាមចំណុច​ខាង​ក្រោម​នេះ​៖ រង់​ចាំ​ដល់​អា​អូន​ឃ្លាន​ល្មម​មិន​ច្រាន​ទឹក​ដោះ​គោ ឬពពែចេញ​ ចាំ​បំបៅ​កូន សាក​ល្បង​ផ្លាស់​ប្ដូរ​ទំហំ […]

ម៉ាក់​ប៉ា​ខ្មែរ​យើង​និយម​ប្រើ​រទេះ​ក្មេង​រៀន​ដើរ ពេល​អា​អូន​លូតលាស់​បាន​អាយុ ៧-៨ខែ ឬ​ពេល​កូន​ចាប់​ផ្ដើម​ចេះ​តោង​ឈរ ព្រោះ​គិត​ថា អាចជួយ​​ឲ្យ​កូន​ឆាប់​ចេះ​ដើរ ណា​មួយ​ម៉ាក់​ប៉ា​អាច​ទំនេរ​ដៃ​បាន​មួយ​កម្រិត។ ផ្ទុយ​ទៅ​វិញ រទេះ​ក្មេង​រៀន​ដើរ មិន​ជួយ​កូន​អភិវឌ្ឍន៍​អ្វីច្រើន​នោះ​ទេ តែ​បែរ​ជា​អាច​បង្ក​​គ្រោះ​ថ្នាក់​ដល់​កូន​បាន​ទៀត បើ​ម៉ាក់​ប៉ា​ភ្លេច​ខ្លួន ទុក​កូន​ចោល។ ចំនួន​របួស​លើ​ទារក​បង្ក​ឡើង​ដោយ​រទេះ​ក្មេង​រៀន​ដើរ​បាន​នាំ​ឲ្យ​រាជរដ្ឋាភិបាល​ប្រទេស​កាណាដា ហាម​ឃាត់​លក់ ផ្សាយ​ពាណិជ្ជកម្ម និង​នាំ​ចូល​ឧបករណ៍​សម្រាប់​ក្មេង​មួយ​នេះ​តាំង​ពី​ឆ្នាំ​ ២០០៤ មក​ម្ល៉េះ។ ត្បិត​តែ​រទេះ​ក្មេង​រៀន​ដើរ ផ្ដល់​ភាព​ងាយ​ស្រួល​ដល់​ម៉ាក់​ប៉ា និង​អា​អូន​បាន​សប្បាយ ដើរ​ចុះ​ឡើង​ដោយ​ខ្លួន​ឯង​ក៏​ពិត​មែន ប៉ុន្តែ​វា​អាច​បង្ក​គ្រោះ​ថ្នាក់​ធ្ងន់​ច្រើន​ដល់​កូន ដោយ​សារ​តែ​វា​មាន​កង់​រទេះ​ជួយ​ឲ្យ​កូន​ដើរ​បាន​លឿន ហើយ​កូន​ក្មេង​នៅ​មិន​ទាន់​អាច​ទប់​លំនឹង​ខ្លួន​បាន​ល្អ​ដូច​មនុស្ស​ធំ​ទេ ពោល​គឺ តែ​លឿន​គឺ​លឿន​ហើយ ចាប់​មិន​ទាន់​ទេ។ ពេល​ដែល​អា​អូន​ប្រើ​រទេះ​ក្មេង​រៀន​ដើរ​នេះ កូន​អាច​ដើរ​ទៅ​ចាប់​កាន់ ឬ​ប៉ះ​របស់​របរ​គ្រោះ​ថ្នាក់​ដូច​ជា ចង្ក្រាន​ក្ដៅ ខ្សែ​ភ្លើង និង​កាំ​បិត​ជា​ដើម។ បន្ថែម​ពី​នេះ អា​អូន​អាច​ធ្លាក់​ពី​លើ​កាំ​ជណ្ដើរ បណ្ដាល​ឲ្យ​បាក់​ឆ្អឹង ឬ​ប៉ះពាល់​ក្បាល​ធ្ងន់ធ្ងរ​ក៏​ថា​បាន។ ម្យ៉ាង​វិញ​ទៀត រទេះ​ក្មេង​រៀន​ដើរ មិន​ផ្ដល់​ប្រយោជន៍​ដល់​ការ​អភិវឌ្ឍ ឬ​ជួយ​ឲ្យ​កូន​ឆាប់​ចេះ​ដើរ​បាន​លឿន ដូច​អ្វី​ដែល​ម៉ាក់​ប៉ា​មួយ​ចំនួន​ធំគិតនោះ​ទេ។ ក្នុង​ការ​លូតលាស់ កូនក្មេង​ទាម​ទារ​ឲ្យមានឱកាស​ក្នុង​ការ​វារ តោង​ឈរ ដែល​អា​អូន​មិន​អាច​ធ្វើ​បាន បើ​ម៉ាក​ប៉ា​ដាក់​កូន​ក្នុង​រទេះ​ក្មេង​រៀន​ដើរ​ញឹក​ញាប់​ និង​យូរៗ​ម៉ោង​នោះ​។ ទោះ​ជា​ម៉ាក់​ប៉ា​គិត​ថា ឲ្យ​កូន​ប្រើ​រទេះ​ក្មេង​រៀន​ដើរ​មិន​មាន​បញ្ហា​យ៉ាង​ណា​ក៏​ដោយ ក៏​គួរ​អនុវត្ត​តាម​ការ​ណែ​នាំ​របស់ American Academy of Pediatrics(AAP) ដើម្បី​សុវត្ថិភាព​កូន​ដូច​ជា៖  បិត​ទ្វារ ឬ​របង​នៅ​មាត់​កាំ​ជណ្ដើរ ដាក់​កូន​កន្លែង​ណា​យើង​អាច​មើល​ឃើញ ដាក់​កូន​ឲ្យ​ឆ្ងាយ​ពី​ខ្សែ​ភ្លើង […]

ជំងឺអាប់សែសុដន់ ឬបូសសុដន់គឺជាការរលាកជាលិកាសុដន់​ដែលបណ្តាល ឱ្យមាន​ខ្ទុះនៅ​ក្នុង​សុដន់។ ជាធម្មតាបញ្ហា​នេះបណ្តាលមកពីការឆ្លងបាក់តេរីចូលទៅក្នុងសុដន់តាមរយៈក្បាលសុដន់ ស្នាម​ប្រេះ​នៅក្បាលសុដន់ ឬស្បែកជុំវិញក្បាលសុដន់។ ការស្ទះរន្ធទឹកដោះក៏​អាចវិវដ្ដទៅ​ជាអាប់សែ​សុដន់​ដែរ។ វេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៅមន្ទីរពេទ្យបង្អែក​មិត្តភាព​កម្ពុជា-ចិន សែនសុខបានលើកឡើងថា ភាគច្រើនជំងឺអាប់សែសុដន់កើតឡើងលើស្ត្រីបំបៅដោះ​កូន​។ តើម៉ាក់ៗបំបៅដោះត្រូវធ្វើអ្វីខ្លះដើម្បីបង្ការខ្លួនពីការកើតជំងឺអាប់សែសុដន់? ស្វែងយល់ពីអត្ថន័យពណ៌ និងរូបរាងលាមកទារក ចុចទីនេះ ម៉ាក់ៗកំពុងបំបៅដោះកូន​អាចការពារជំងឺអាប់សែសុដន់ដោយ៖ សម្អាតក្បាលដោះ និងស្បែកជុំវិញក្បាលដោះជាប្រចាំជាមួយសាប៊ូដែលមានជាតិកាត់​កម្រិតខ្សោយ និងទឹក រួចជូតថ្នមៗជាមួយកន្សែងស្អាត ជាពិសេសពេលមានរបួស ឬដាច់រលាត់ ចៀសវាងពាក់អាវ ឬអាវទ្រនាប់តឹងពេក លាបប្រេងដូងផ្តល់សំណើមដល់ស្បែកជុំវិញក្បាលដោះ និងក្បាលដោះ​ដើម្បី​ការពារ​ការ​ប្រេះ តែ​ត្រូវជូតសម្អាតឱ្យស្អាតល្អមុនពេលឱ្យអូនតូចបៅ ឧស្សាហ៍លាងដៃ កុំឱ្យឆ្លងបាក់តេរី ឱ្យអូនតូចបៅឱ្យអស់ទឹកដោះពីសុដន់ម្ខាងៗ ចៀសវាងការស្ទះទឹកដោះ រក្សា​អនាម័យ​ឲ្យកូន​ស្អាតជាប្រចាំ នៅពេលបំបៅដោះកូន ម៉ាក់ៗត្រូវប្រាកដថាអូនតូចបៅបានត្រឹមត្រូវ និងត្រូវផ្តល់ភាពកក់ក្តៅ​និងក្តីស្រឡាញ់ដល់អូនតូច ដើម្បីជំរុញឱ្យអូនតូចបៅបានច្រើន និងមិនខាំក្បាលដោះ បន្ទាប់ពីបំបៅដោះរួច ម៉ាក់ៗត្រូវជូតសម្អាតក្បាលដោះ និងស្បែកជុំវិញក្បាលដោះឱ្យស្អាត ព្រមទាំងទុកឱ្យស្ងួត ជំងឺអាប់សែសុដន់កើតលើស្រ្តី​មិន​បំបៅដោះកូន​៖ មានរបួសលើសុដន់ ប្រេះក្បាលសុដន់ មានជំងឺទឹកនោមផ្អែម ឬមានបញ្ហាប្រព័ន្ធការពាររាងកាយ ចោះក្បាលសុដន់ វះកាត់កែសុដន់ អាប់សែសុដន់មិនមែនជាជំងឺតំណពូជទេ។ ម៉ាក់ៗដែលកើតអាប់សែ​សុដន់នៅតែអាច​បន្តបំបៅ​ដោះ​ជាធម្មតា មិនឆ្លងទៅទារកទេ។ បន្ទាប់ពីព្យាបាលអាប់សែសុដន់ហើយ ម៉ាក់ៗក៏ត្រូវបន្តបំបៅ​កូន​ដោយ​ទឹកដោះដដែល​ ដើម្បីការពារការកើតអាប់សែសុដន់ឡើងវិញ។

ការ​បំបៅ​ដោះ គឺ​ជា​ជម្រើស​ដ៏​ល្អ​បំផុត​ក្នុង​ការ​ផ្ដល់​សារធាតុ​ចិញ្ចឹម និង​អត្ថ​ប្រយោជន៍​សុខភាព​ឲ្យ​កូន ហើយ​ក្រសួង​សុខាភិបាល​ណែនាំ​ឲ្យ​ម៉ាក់ៗ បំបៅ​ដោះ​កូន​ឲ្យ​បាន​យ៉ាង​ហោច​ណាស់ ៦​ខែ​ក្រោយ​សម្រាល និងកាន់​តែ​ល្អ​បើ​អាច​បំបៅ​ដោះ​កូន​ដល់​អាយុ​ពីរ​ឆ្នាំ​។ យ៉ាងណា​ ម៉ាក់​ៗ​មួយ​ចំនួន​មិន​អាច​បំបៅ​ដោះ​កូន​បាន​យូរ​ដល់​ពីរ​ឆ្នាំ​នោះ​ទេ ដោយ​សារ​មូល​ហេតុ​មួយ​ចំនួន ក៏​អាច​ជ្រើស​រើស​​យក​ម្សៅ​ទឹក​ដោះ​សត្វ​ឲ្យ​កូន​បៅ​បន្ត​​។ ភាគ​ច្រើន បើ​យើង​គិត​ដល់​ការ​បំបៅ​កូន​ដោយ​ម្សៅ​ទឹក​ដោះ​សត្វ មាន​តែ​ម្សៅ​ទឹក​ដោះ​គោ​ទេ ដែល​យើង​នឹក​ឃើញ​មុន​គេ តែ​ឥឡូវ​នេះ ម្សៅ​ទឹក​ដោះ​ពពែ ក៏​ជា​ជម្រើស​ដ៏​ពេញ​និយម​មួយ​សម្រាប់​ឲ្យ​អា​អូន​បៅ​ដែរ ពិសេស​នោះ​គឺ​ចំពោះ​ក្មេង​ៗ​ដែល​មាន​បញ្ហា​អាលែកហ្សី​ទឹក​ដោះ​គោ។ អត្ថប្រយោជន៍​ជា​ច្រើន​របស់​ម្សៅ​ទឹក​ដោះ​ពពែ​ខាង​ក្រោម​នេះ អាច​ជា​ហេតុ​ផល​ម៉ាក់​ប៉ា​គួរ​ជ្រើស​យក​ឲ្យ​កូន​បៅ​បន្ត ក្រោយ​ម៉ាក់ៗ​បាន​បំបៅដោះ​កូន​តាម​ការណែ​នាំ​របស់​ក្រ​សួង​៖ ១. ងាយ​ស្រួល​រំលាយ ជា​ទូទៅ ទឹក​ដោះ​ពពែ​មាន​ភាព​ងាយ​ស្រួល​ក្នុង​រំលាយ​ជាង​ទឹក​ដោះ​គោ ព្រោះ​ថា​​មាន​ជាតិឡាក់តូស (Lactose) តិច​ជាង​ទឹក​ដោះ​គោ​។ ទឹក​ដោះ​ពពែ​ផ្ទុក​នូវ​សារធាតុ Prebiotics ស្រដៀង​នឹង​ទឹកដោះ​ម្ដាយ ដែល​អាច​ជួយ​ជំរុញ​ដល់​ការ​រំលាយ​អាហារ​របស់​កូន ហើយ​ទឹក​ដោះ​ពពែ​មាន​ប្រូតេអ៊ីន​តូច​ៗ ទន់ ដែល​ពេល​ចូល​ដល់​ក្នុង​ពោះវៀន ងាយ​ស្រួល​រំលាយ និង​រំលាយ​បាន​រហ័ស​ជាង​ទឹក​ដោះ​គោ។ ២. សម្រួល​បញ្ហា​អាលែកហ្ស៊ី អត្ថប្រយោជន៍​មួយ​ទៀត​នៃ​ម្សៅ​ទឹក​ដោះ​ពពែ មិន​សូវ​បង្ក​ឲ្យ​កើត​បញ្ហា​អាលែកហ្ស៊ី​ដូច​ទឹក​ដោះ​គោ ព្រោះ​ដូច​ដែរ​បាន​រៀប​រាប់​តាំង​ពី​ចំណុច​ខាង​លើ ទឹក​ដោះ​ពពែ មាន​ផ្ទុក​ជាតិ​ឡាក់​តូសទាប ហើយ​មាន​ភាព​ងាយ​ស្រួល​ក្នុង​ការ​រំលាយ។ យោង​តាម​ការ​សិក្សា​មួយ​ចំនួន​បង្ហាញ​ថា រវាង ៤០-១០០% នៃ​មនុស្ស​ដែល​មាន​បញ្ហា​អាលែកហ្ស៊ី​នឹង​ទឹក​ដោះ​គោ មិន​ជួប​បញ្ហា​នេះ​ទេ ពេល​ផឹក​ទឹក​ដោះ​ពពែ។ ៣. សម្បូរ​ជាតិ​ខ្លាញ់​ល្អ នៅ​ក្នុង​ទឹក​ដោះ​ពពែ មាន​ផ្ទុក​ខ្សែ​ច្រវាក់​អាស៊ីដ​ខ្លាញ់​ច្រើន​ជាង​ទឹក​ដោះ​គោ។ អាស៊ីដ​ខ្លាញ់ polyunsaturated ទាំង​នេះ មិន​ត្រឹម​តែ​ល្អ​សម្រាប់​​​ប្រព័ន្ធ​រំលាយ​អាហារទេ​ ប៉ុន្តែ​វា​ក៏​ត្រូវ​បាន​ក្រុម​ស្រាវជ្រាវ​ចាត់​ទុក​ជា​ខ្លាញ់​ល្អ​ដល់​រាងកាយ​ផង​ដែរ។ ប្រភេទ​ខ្លាញ់​ល្អ​ទាំង​នេះ […]

បញ្ហា​ជ្រាំងអណ្ដាត​កើត​ឡើង​ចំពោះ​មនុស្ស​គ្រប់​វ័យ ប៉ុន្តែ​ការ​កើត​បញ្ហា​នេះ​ចំពោះ​ទារក​អាច​ជា​រឿង​ឈឺក្បាល​មួយ​សម្រាប់​ប៉ា​ម៉ាក់ ព្រោះ​អា​អូន​នៅ​តូច​ពិបាក​បៅ និង​ញ៉ាំ​អាហារ​ណាស់។ ចុះ​ជំងឺ​ជ្រាំង​អណ្ដាត​ទារក​ និង​កុមារកើត​ឡើង​បណ្ដាល​មក​ពី​មូលហេតុ​អ្វី ហើយ​មាន​វិធី​អ្វី​ល្អ ម៉ាក់​ប៉ា​អាច​ដោះ​ស្រាយ​បាន? ឆ្លើយ​តប​នឹង​បញ្ហា​នេះ លោក​វេជ្ជបណ្ឌិត ចាន់ ស៊ីណេត ឯកទេស​ទូទៅ​បាន​បក​ស្រាយ​ឲ្យ​ដឹង​ថា អណ្ដាត​កូន​មាន​សភាព​ក្រហម ឬ​ឡើង​ស​ក្ដាំង​ដែល​អាច​ជូត​ចេញ​បាន និង​ក្រហាយ​ឈឺចាប់​នៅ​ពេល​ដែល​មាន​ការ​ដាច់​រលាត់ ធ្វើឲ្យ​កូន​ឈឺ ហៀរ​ទឹក​មាត់ ក្ដៅ​ខ្លួន យំ​ច្រើន មិន​ចង់​ញ៉ាំ​អាហារ​មិន​ចង់​បៅ​ជាដើម។ ជំងឺ​ជ្រាំងអណ្ដាត​នេះ ភាគច្រើន​បង្ក​ឡើង​ដោយ​មេរោគ​ផ្សិត និង​មូលហេតុ​ដទៃ​ទៀត​មាន​ដូចជា៖ ខ្វះ​វីតាមីន C B ជាតិ​ស័ង្កសី ជាតិ​ដែក អាស៊ីដ​ហ្វូលិក ឧស្សាហ៍​ប្រើ​ថ្នាំ​ផ្សះ​ពពួក​អង់ទីប៊ីយ៉ូទិក អាច​បង្កើត​ជា​​ផ្សិត​មួយ​ចំនួន​ដុះ​ស​ៗ ទារក​ឧស្សាហ៍​បៀម​របស់​មិន​ស្អាត ម្ដាយ​មិន​លាង​សម្អាត​ដោះ​​ឲ្យ​បាន​ស្អាត មុន​បំបៅ​កូន កូន​បៅ​ក្បាល​ដោះ​ដប​ទឹក​ដោះ​គោ​ទាំង​គគ្រិច ឬ​ក្ដៅ។   វិធីព្យាបាលជំងឺជ្រាំងអណ្ដាតលើទារក ម៉ាក់​ប៉ា​អាច​អនុវត្ត​តិចនិក​សាមញ្ញ​មួយ​ចំនួន​រួមមាន៖ ទី១. ដាំ​ទឹក​ឲ្យ​ពុះ​ហើយ​ទុក​ឲ្យ​នៅ​ក្ដៅ​ឧណ្ហៗ ទី២. បង់​អំបិល​ស្អាត​ទៅ​ក្នុង​ទឹក​ក្ដៅ​ឧណ្ហៗ​នោះ​ឱ្យ​ប្រៃ​ល្មម ទី៣. យក​កំណាត់​ទន់ៗ​ស្អាត ដែល​បាន​ស្ងោរ​សម្លាប់​មេ​រោគ​ហើយ​មក​ជ្រលក់​ទឹក​អំបិល​ក្ដៅ​ឧណ្ហៗ​នោះ​ជូត​សម្អាត​ក្នុង​មាត់ លើ​អណ្ដាត​ឲ្យ​បាន​ញឹក​ញាប់​(៤-៥ដង/ថ្ងៃ) ប៉ុន្តែ មិន​អាច​ជូត​ខ្លាំង​ពេក​ទេ​ព្រោះ​អាច​ធ្វើ​ឲ្យ​កូន​ឈឺ ឬ​ឈាម​បាន។ ផ្ទុយ​ទៅវិញ​បើ​ម៉ាក់ប៉ា​យក​កំណាត់​មិន​ស្អាត ឬ​មិន​បាន​សម្លាប់​មេ​រោគ​ជា​មុន​ទេ​នោះ​ការ​សម្អាត​នឹង​ក្លាយ​ជា​ការ​ចម្លង​មេ​រោគ និង​ធ្វើ​ឲ្យ​ជំងឺ​ជ្រាំង​លើ​កូនកាន់តែ​ធ្ងន់ធ្ងរ​ថែម​ទៀត។ បន្ថែម​ពី​លើ​នេះ វេជ្ជបណ្ឌិត​ឯកទេស​ជំងឺ​ទូទៅ​រូប​នេះ​បាន​ឲ្យ​ដឹង​ទៀត​ថា សម្រាប់​វិធី​ព្យាបាល ក្រៅ​ពី​អនុវត្ត​តាម​តិចនិក​ខាង​លើ ម៉ាក់​ប៉ា​អាច​ប្រើ​ថ្នាំ​លាប​ប្រឆាំង​ពពួក​ផ្សិត ដែល​មាន​លក្ខណៈ​ជា​ពពួក​ក្រេម​ជាដើម។

នៅ​ពេល​​និយាយ​ពី​ទឹក​ដោះ​សត្វ​ យើង​តែង​តែ​គិត​ដល់​ទឹកដោះគោ​​មុន​គេ​មិន​​ខាន​។ ទោះ​ជា​យ៉ាង​នេះ​ក៏​ដោយ ទឹកដោះ​សត្វ​មួយ​ប្រភេទ​ទៀត​កំពុង​ទទួល​ការ​ពេញ​និយម​នៅ​ជុំវិញ​ពិភព​លោក​ដែរ​នោះ​​​​គឺ​ទឹក​ដោះ​ពពែ​ ដោយ​សារ​តែ​ទឹក​ដោះ​ពពែ​មាន​​អត្ថប្រយោជន៍​ពិសេស​​ពី​ធម្មជាតិ​​​ ​ច្រើន​យ៉ាង​។ បើ​អ៊ីចឹង តើទឹកដោះពពែ និង​ទឹកដោះគោ​មាន​ភាព​ខុស​គ្នា​បែប​ណា​ខ្លះ? តស់​យើង​​ស្វែង​យល់​ទាំង​អស់​គ្នា​៖ ១. ប្រូតេអ៊ីន បញ្ហា​មួយ​ក្នុង​ចំណោម​បញ្ហា​ជា​ច្រើន​ដែល​តែង​កើត​លើ​ក្មេង​ក្រោម​អាយុ​៣ឆ្នាំ​ ទាក់​ទង់​ទៅ​នឹង​ទឹក​ដោះ​គោ​ គឺ​បញ្ហា​ទល់លាមកដោយសារ​តែ​ទឹកដោះ​ប្រភេទ​នេះ​មាន​ប្រូតេអ៊ីន​មួយ​ប្រភេទ​ហៅថា Alpha s1 Caseinខ្ពស់​។ បរិមាណ​ប្រូតេអ៊ីន​Alpha s1 Casein ធ្វើ​ឲ្យ​ក្មេង​ជួប​បញ្ហា​ដូច​ជា​ទល់លាមក ហើម​ពោះ ពិបាក​រំលាយ​អាហារ ក្អែ និង​មាន​រោគ​សញ្ញា​ជំងឺ​សើ​ស្បែក​ជា​ដើម​។ ដោយ​ឡែក​សម្រាប់​ទឹក​ដោះ​ពពែ​វិញ មាន​បរិមាណ​ប្រូតេអ៊ីន​Alpha s1 Casein ៨៩​ភាគ​រយ​តិច​ជាង​ទឹក​ដោះ​គោ ដែល​មិន​បង្ក​ឲ្យ​ក្មេង​ជួប​បញ្ហា​ទាំងនេះទេ​។ ជំនួស​មក​វិញ ទឹក​ដោះ​ពពែ​មាន​ប្រូតេអ៊ីន​តូច​ៗ ទន់ ដែល​ពេល​ចូល​ដល់​ក្នុង​ពោះវៀន​ ងាយ​ស្រួល​រំលាយ និង​រំលាយបាន​​រហ័ស​។ ២. ប្រូតេអ៊ីន​ប្រភេទ A1 និង​A2 ទឹក​ដោះ​គោ​ធម្មតា​មាន​ប្រូតេអ៊ីន​ពីរ​ប្រ​ភេទ​លាយ​បញ្ចូល​គ្នា​ គឺ​ប្រូតេអ៊ីន​A1 និង A2 ប៉ុន្តែ​ក្នុង​ទឹក​ដោះ​ពពែ​វិញ​មាន​តែ​ប្រ​ភេទ A2 តែ​មួយ​មុខ​ប៉ុណ្ណោះ​។​ ការ​សិក្សា​បាន​បង្ហាញ​ថា​ បញ្ហា​ក្នុង​ការ​រំលាយ​អាហារ​មួយ​ចំនួន​កើត​ចេញ​ពី​ប្រូតេអ៊ីន​A1។ ​នេះ​ជា​មូល​ហេតុ​មួយ​​ក្នុង​ចំណោម​មូល​ហេតុ​ជា​ច្រើន​ទៀត ដែល​ធ្វើ​ឲ្យ​ក្មេងៗ​ញ៉ាំ​ទឹក​ដោះ​ពពែ មាន​ប្រូតេអ៊ីន​A2 ងាយស្រួល​រំលាយ​ និង​ទន់​ពេល​ចូល​ដល់​ក្នុង​ពោះ​វៀន​។ ៣. ជាតិខ្លាញ់ ជាតិ​ខ្លាញ់​មាន​នៅ​ក្នុង​ទឹក​ដោះ​ពពែ​ងាយ​ស្រួល​រំលាយ​ជាង​​ជាតិ​ខ្លាញ់​មាន​នៅ​ក្នុង​ទឹក​ដោះ​គោ ដោយ​ហេតុ​ថា​មូលេគុល​ជាតិ​ខ្លាញ់​ក្នុង​ទឹក​ដោះ​ពពែ​តូច​ជាង​ច្រើន​ដង​ បើ​ធៀប​ទៅ​នឹង​​មូលេគុល​ជាតិ​ខ្លាញ់​មាន​ក្នុង​ទឹក​ដោះ​គោ​។ មួយ​វិញ​ទៀត​ទឹក​ដោះ​ពពែ​ក៏​មាន​អាស៊ីដ​ខ្លាញ់​ចង្វាក់​ខ្លី […]