តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ហេតុផលសំខាន់ ២ យ៉ាង អូនតូចត្រូវមានចានដាច់តែឯង និងមិនគួរបញ្ចុកអាហារកូនរួមគ្នា

    ហេតុផលសំខាន់ ២ យ៉ាង អូនតូចត្រូវមានចានដាច់តែឯង និងមិនគួរបញ្ចុកអាហារកូនរួមគ្នា

    ទារក និង​កុមារ​ត្រូវ​តែ​មាន​ចាន​ពិសេស​ដាច់​តែ​ឯង ពេល​ចាប់​ផ្តើម​ចេះ​ញ៉ាំ​អាហារ ពិសេស​បបរ​ខាប់​គ្រប់​គ្រឿង ហើយ​ម៉ាក់​ប៉ា​មិន​គួរ​ដួស​បបរ​១​ចាន​មក​បញ្ចុក​កូន​តូចៗ​រួមគ្នា​នោះ​ទេ។

    ចំពោះ​ហេតុ​ផល​ខាង​លើ​នេះ លោក​ជំទាវ​វេជ្ជបណ្ឌិត ប្រាក់ សោភ័ណនារី អនុ​រដ្ឋលេខាធិការ ក្រសួង​សុខាភិបាល ទទួល​បន្ទុក​អាហារូបត្ថម្ភ បាន​ពន្យល់លម្អិត​ថា ការ​ដួស​បបរ​១​ចាន​មក​បញ្ចុក​កូន​តូចៗ​រួម​គ្នា ធ្វើ​ឲ្យ​កូនៗ​ទទួល​បាន​បរិមាណ​អាហារ​មិន​គ្រប់​គ្រាន់ ប៉ះពាល់​ដល់​ការ​លូត​លាស់។ លោក​ជំទាវ​បន្ត​ថា បើ​សិន​ជា​កូន​ណា​មួយ​មិន​សូវ​ញ៉ាំ ពិត​ណាស់​នឹង​ទទួល​បាន​អាហារ​តិច ហើយ​ក្មេង​ណា​ពូកែ​ញ៉ាំ ញ៉ាំ​បាន​លឿន ញ៉ាំ​បាន​ច្រើន ទទួល​បាន​បរិមាណ​អាហារ​ច្រើន។

    “ការ​ដួស​បបរ១​ចាន​មក​បញ្ចុក​ចែក​គ្នា ដោយ​ម្តាយ​ខ្លះ​មាន​កូន​ញឹក ១ឆ្នាំមួយ ១ឆ្នាំមួយ គាត់​បញ្ចុក​កូន​នេះ​១ម៉ាត់ កូន​នោះ​១ម៉ាត់ អ៊ីចឹង​ធ្វើ​បែប​ហ្នឹង យើង​មិន​ដឹង​ថា កុមារ​ម្នាក់ៗ​ទទួល​បាន​បរិមាណ​អាហារ​ប៉ុន្មាន​នោះ​ទេ ធ្វើ​ឲ្យ​ប៉ះពាល់​ដល់​ការ​លូតលាស់​របស់​ក្មេង​ណា​មួយ ឬ​ទាំង​២​តែម្តង”។

    មួយ​វិញ​ទៀត​ការ​បញ្ចុក​អាហារ ដោយ​ប្រើ​ចាន ឬ​ស្លាប​ព្រា​តែ​មួយ បើ​សិន​ជា​ក្មេង​ណា​ម្នាក់​មាន​ជំងឺ​ឆ្លង ដូច​ជា​ជំងឺ​ផ្តាសាយ រលាក​បំពង់​កជាដើមនោះ អាច​នឹង​ឆ្លង​ជំងឺ​ទាំង​នេះ​តាម​រយៈ​ការ​បញ្ចុក​ចំណី​អាហារ​ដោយ​ការ​ប្រើ​ចាន និង​ស្លាបព្រា​រួម​គ្នា​នេះ​។

    ជំទាវ ប្រាក់ សោភ័ណនារី
    លោកជំទាវ ប្រាក់ សោភ័ណនារី អនុរដ្ឋលេខាធិការ ក្រសួងសុខាភិបាល

    ខាង​ក្រោម​នេះ​ជា​បរិមាណ​អាហារ​ត្រឹមត្រូវ​សម្រា​ប់ក្មេង​អាយុ ៦ខែ-១ឆ្នាំ៖

    អាយុ ៦ ខែ៖ បបរ​ខាប់​គ្រប់​គ្រឿង ២ដង/ថ្ងៃ ១ដង/២-៣ ស្លាបព្រាបាយ
    អាយុ ៧-៨ ខែ៖ បបរ​ខាប់​គ្រប់​គ្រឿង ៣ដង/ថ្ងៃ ១ដង​កន្លះ​កូន​ចាន​ចង្កឹះ
    អាយុ ៩-១១ ខែ៖ បបរ​ខាប់​គ្រប់​គ្រឿង ៣ដង/ថ្ងៃ ១ដង​កាច​ចាន​ចង្កឹះ បន្ថែម​ជាមួយ​ផ្លែឈើ ដូចជា ចេកទុំ ស្វាយទុំ ឬល្ហុងទុំ។
    អាយុ ១ ឆ្នាំ៖ បបរ​ខាប់​គ្រប់​គ្រឿង ៣ដង/ថ្ងៃ ១ដង​១កូន​ចាន​ចង្កឹះ បន្ថែម​ជាមួយ​ផ្លែឈើ និង​អាហារ​ក្រៅ​ពេល ២ដង/ថ្ងៃ

    health-tool-icon

    តារាងកាលវិភាគចាក់ថ្នាំបង្ការ(វ៉ាក់សាំង) ទារក

    សូមប្រើប្រាស់តារាង​ប្រព័ន្ធភាពស៊ាំ​ដើម្បី​ស្វែងយល់បន្ថែម​ពីប្រភេទថ្នាំបង្ការនិងពេលវេលា​ដែល​កូនរបស់អ្នក​ត្រូវការ​

    កូនប្រុសឬស្រី?

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 24/08/2020
    ត្រួតពិនិត្យដោយ វេជ្ជ. ចាន់ ស៊ីណេត
    Next article: