តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

កូនឡើងចែងថ្ងៃ វិធីធម្មជាតិ ៥ យ៉ាងអាចជួយបាន

កូនឡើងចែងថ្ងៃ វិធីធម្មជាតិ ៥ យ៉ាងអាចជួយបាន

ចែងថ្ងៃ ឬចំហាយក្តៅងាយកើតលើទារក និងកុមារតូចៗណាស់នៅពេលអាកាសធាតុក្តៅ ហើយ​ធ្វើ​ឱ្យអាអូនឡើងកន្ទួលក្រហមតូចៗ មានពងទឹក រលាក និងរមាស់ពិបាកទ្រាំ។ ពេលអាអូន​ឡើង​ចែងថ្ងៃ ម៉ាក់ប៉ាគួរធ្វើបែបណាដើម្បីកាត់បន្ថយអាការៈរមាស់ និងជួយឱ្យកូនឆាប់ជា?

ខាងក្រោមនេះជាវិធីធម្មជាតិសម្រាប់ការព្យាបាលអាការៈឡើងចែងថ្ងៃ៖

១. ស្អំទឹកកក

ការស្អំទឹកកក ឬត្រដុសទឹកកកអាចជួយកាត់បន្ថយអាការៈរមាស់ និងកន្ទួលក្រហមបាន។ ម៉ាក់ប៉ាអាចរុំដុំទឹកកក​ជាមួយ​កន្សែងដើម្បីកុំឱ្យអាអូនត្រជាក់ពេក និងការពារស្បែកអាអូនពីការរលាកដោយទឹកកកផង។

ម៉ាក់ប៉ាអាចស្អំទឹកកកលើចែងថ្ងៃរបស់អាអូនប្រហែល ៥ នាទីរួចដកដុំទឹកកកចេញ ៥ នាទីសិន ចាំ​ស្អំម្តងទៀត ហើយធ្វើបែបនេះរហូតទាល់​តែ​អាអូនលែងរមាស់។

២. ងូតទឹកឱ្យអាអូនញឹកញាប់

ការងូតទឹកញឹកញាប់ អាចកាត់បន្ថយការ​រលាកស្បែក​ដោយសារ​ការចេញ​ចំហាយក្តៅ ឬចែងថ្ងៃបាន ព្រោះអាចកាត់បន្ថយកម្តៅនៅក្នុងខ្លួនអាអូន សម្អាតជាតិញើសចេញពីស្បែក កាត់​បន្ថយ​អាការៈ​រមាស់ និង​ជួយឱ្យបើករន្ធញើសដែលស្ទះ។

៣. លាបប្រទាលកន្ទុយក្រពើ

ប្រទាលកន្ទុយក្រពើមានផ្ទុកសារធាតុប្រឆាំងរលាក និងកម្ចាត់មេរោគ ដូច្នេះម៉ាក់ប៉ាអាចលាប​ប្រទាល​កន្ទុយក្រពើលើចែងថ្ងៃរបស់អាអូន ៣ ដងក្នុងមួយថ្ងៃដើម្បីជួយឱ្យស្បែកអាអូនត្រជាក់ បន្ថយអាការៈរមាស់ និងជួយឱ្យចែងថ្ងៃឆាប់រាប។ ក្រោយពីលាបប្រទាលកន្ទុយក្រពើបានប្រហែល ២០ នាទី ម៉ាក់ប៉ា​អាច​លាងសម្អាត​ជាមួយទឹក និងផ្តិតស្បែក​អាអូន​ឱ្យស្ងួត។

ប្រទាលកន្ទុយក្រពើ

ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

៤. លាបម្សៅបែកឃីងសូដា

ម្សៅបែកឃីងសូដាអាចជួយបើករន្ធញើសដែលស្ទះដោយជួយកម្ចាត់ស្បែក​ងាប់ ធូលីដី ឬក្អែល​ចេញ​ពីស្បែក។ មួយ​ទៀត ម្សៅបែកឃីង​សូដាក៏មានផ្ទុកសារធាតុប្រឆាំងរលាក និងអាចជួយ​កាត់​បន្ថយអាការៈរមាស់របស់ស្បែក។

ម៉ាក់ប៉ាអាចលាយម្សៅបែកឃីងសូដាមួយស្លាបព្រាកាហ្វេជាមួយទឹកមួយពែង រួចយកក្រណាត់​ស្អាត​ជ្រលក់​ក្នុងល្បាយ និងពូតទឹកចេញបន្តិច។ បន្ទាប់មកយកក្រណាត់មកជូតកន្លែងអាអូនឡើងចែងថ្ងៃ និងទុកឱ្យស្បែកអាអូនស្ងួតជាការស្រេច និង​គួរធ្វើបែបនេះបីទៅបួនដងក្នុងមួយថ្ងៃ។

health-tool-icon

តារាងកាលវិភាគចាក់ថ្នាំបង្ការ(វ៉ាក់សាំង) ទារក

សូមប្រើប្រាស់តារាង​ប្រព័ន្ធភាពស៊ាំ​ដើម្បី​ស្វែងយល់បន្ថែម​ពីប្រភេទថ្នាំបង្ការនិងពេលវេលា​ដែល​កូនរបស់អ្នក​ត្រូវការ​

កូនប្រុសឬស្រី?

ប្រុស

ស្រី

៥. បិទត្រសក់

ត្រសក់ជួយឱ្យស្បែកអាអូនត្រជាក់ កាត់បន្ថយការរលាក និងរមាស់។ ម៉ាក់ប៉ាអាចយកត្រសក់​ទៅ​ក្លាសេឱ្យត្រជាក់ ចិតសម្បកចេញ រួចចិតជាបន្ទះស្តើងៗ។ បន្ទាប់មកយកត្រសក់មកបិទលើចែង​ថ្ងៃ​អាអូន ទុក​ចោល​កន្លះម៉ោង រួចយកចេញ និងយកក្រណាត់ជ្រលក់ទឹកមក​ជូត​សម្អាត​ឱ្យអាអូន ហើយជាចុងក្រោយផ្តិតស្បែកអាអូនឱ្យស្ងួតជាការស្រេច។

ចែងថ្ងៃភាគច្រើនឡើងនៅក ក្រលៀន ក្លៀក ថ្ងាស ទ្រូង ឬខ្នង តែក៏អាច​​​​​​​កើតនៅកន្លែងផ្សេង​នៃ​រាងកាយ​ដែរ ហើយអាចឡើងកាន់តែច្រើនទៅៗ បើម៉ាក់ប៉ាមិនបានធ្វើការព្យាបាល។

អត្ថបទគួរអាន៖

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Heat Rash Home Remedies: 9 Natural Methods for Adults and Children
https://utopia.org/guide/heat-rash-home-remedies-natural-adults-children/

Top 10 Home Remedies for Prickly Heat
https://www.natural-cure.org/home-remedy/home-remedies-for-prickly-heat-top-10-home-remedies/

5 Easy Home remedies to cure Heat Rashes naturally
https://www.theayurveda.org/ayurveda/herbal-medicine/5-easy-home-remedies-cure-heat-rashes-naturally

Top 23 Natural Home Remedies for Heat Rash: Causes & Treatments
https://allremedies.com/home-remedies-for-heat-rash/

រូបថត​របស់​អ្នក​និពន្ធbadge
ដោយ សុខ វណ្ណ កែសម្រួល​ចុងក្រោយ 5 ថ្ងៃកន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត