backup og meta
មាតិកា
ឧបករណ៍សុខភាព
រក្សាទុក

គន្លឹះ ៤ យ៉ាង ថែទាំសុខភាពក្រពះពោះវៀនកូនឱ្យល្អ ប៉ាម៉ាក់មិនគួររំលង!

ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ សុខ វណ្ណ · កែ Aug 31, 2023

គន្លឹះ ៤ យ៉ាង ថែទាំសុខភាពក្រពះពោះវៀនកូនឱ្យល្អ ប៉ាម៉ាក់មិនគួររំលង!

សុខភាពក្រពះពោះវៀនកូនល្អមិនល្អគឺអាស្រ័យទៅលើបាក់តេរីនៅក្នុងពោះវៀន ហើយបាក់តេរី​ល្អ​ៗជួយឱ្យពោះវៀនកូនមានសុខភាពល្អ។ តើបាក់តេរី​ល្អ​ៗ​នៅក្នុងពោះវៀនជួយអ្វីខ្លះដល់ប្រព័ន្ធរំលាយអាហារ សុខភាព​ទូទៅ និងការអភិវឌ្ឍ​ខួរក្បាល​របស់​កូន? ហើយម៉ាក់ប៉ាគួរធ្វើយ៉ាង​ណាដើម្បីជួយបង្កើនបាក់តេរី​ល្អ​ៗ​នៅក្នុងពោះវៀនកូន?

១. នាទីរបស់បាក់តេរីល្អៗនៅក្នុងប្រព័ន្ធរំលាយអាហារ៖

ជួយរំលាយអាហារ៖ ក្រពះមាននាទីកិនបំបែកអាហារ ហើយពេលទៅដល់ពោះរៀន បាក់តេរីល្អ​ៗ​បំបែកអាហារទៅជាសារធាតុចិញ្ចឹម។

ស្រូបយកសារធាតុចិញ្ចឹម៖ បាក់តេរីល្អៗក្នុងពោះវៀនជួយ​ឱ្យពោះវៀនស្រូបយកសារធាតុ​ចិញ្ចឹម​ពី​ចំណីអាហារ រួចបញ្ជូនទៅក្នុងចរន្តឈាមដើម្បីចែកចាយទៅចិញ្ចឹមរាងកាយ។

បញ្ចេញចោល៖ បាក់តេរីល្អៗក្នុងពោះវៀន​ជួយពោះរៀនបញ្ចេញកាក​សំណល់ចំណីអាហារ​ពីរាងកាយ​បាន​ល្អ និងជួយឱ្យកូនចៀសផុតពីបញ្ហាទល់លាមក ហើមពោះ និងឈឺពោះ។

ការពាររាងកាយ៖ ប្រព័ន្ធភាពស៊ាំរបស់យើង ៧០% គឺស្ថិតនៅក្នុងពោះវៀន ព្រោះ បាក់តេរី ល្អៗ​នៅ​ក្នុង​ពោះវៀន​ក៏មាននាទីកម្ចាត់វីរុស និងបាក់តេរីអាក្រក់ដែលចូលមកយាយីរាងកាយ​កូនដែរ។

ធ្វើឱ្យអារម្មណ៍ល្អដែលជួយដល់ការអភិវឌ្ឍខួរក្បាល៖  បាក់តេរីល្អៗក្នុងពោះវៀនមាននាទី​បង្កើត​អាស៊ីដ gamma-aminobutyric ដែលបង្កើត​អ័រម៉ូនសម្រាប់គ្រប់គ្រងការថប់បារម្ភ ភាពភ័យខ្លាច និងជួយឱ្យកូនមាន​អារម្មណ៍ល្អ។ បើកូនមានបញ្ហាផ្លូវចិត្ត ខួរក្បាលកូនក៏វិវឌ្ឍ​ដោយមាន​​បញ្ហាដែរ ព្រោះក្រពះពោះវៀនមានទំនាក់ទំនងយ៉ាងជិតស្និទ្ធិ​ជាមួយ​​​ខួរក្បាល ដោយសារប្រព័ន្ធទាំងពីរនេះប្រើប្រព័ន្ធប្រសាទ vagus រួមតែមួយ និងប្រើអ័រម៉ូន​បញ្ជា​តែមួយ​ដែលគ្រប់គ្រងអារម្មណ៍។

២. គន្លឹះក្នុងការថែទាំសុខភាពក្រពះពោះវៀនកូន

ក. បាក់តេរីល្អ (Probiotics)

ម៉ាក់ប៉ាអាចជួយឱ្យ​ពោះរៀនកូនមានសុខភាពល្អដោយឱ្យកូនញុំាអាហារសម្បូរបាក់តេរីល្អៗ (Probiotics) ដូចជាទឹកដោះគោជូរ គីមឈី ជ្រក់។ល។ ដើម្បីបង្កើន និងរក្សា​តុល្យភាព​បាក់តេរីល្អៗ​នៅក្នុងពោះរៀន។

ទឹកដោះគោជូរ

ចង់គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

ខ. Prebiotics

ព្រីបាយអូទិក (Prebiotics) ជាជាតិសរសៃបានពីចំណីអាហារដូចជា សណ្តែក បន្លែ ផ្លែឈើ គ្រាប់​ធញ្ញជាតិ។ល។ ដែលជាអាហារជួយឱ្យបាក់តេរីល្អៗក្នុងពោះរៀនលូតលាស់។ ដូច្នេះ ម៉ាក់ប៉ា​គួរ​ឱ្យ​កូន​ញុំាអាហារសម្បូរជាតិ​សរសៃឱ្យបានច្រើន។

គ. ញុំាទឹកឱ្យបានគ្រប់គ្រាន់

ការឱ្យកូនញុំាទឹកឱ្យបានគ្រប់គ្រាន់ជួយឱ្យពោះវៀនដំណើរការល្អ មិន​ទល់​លាមក បញ្ចេញកាក​សំណល់​បាន​អស់​ ហើយមិនបញ្ចល់នូវជាតិពុលដែលធ្វើឱ្យពោះវៀនមានបញ្ហា។

ឃ. ចៀសវាងឱ្យកូនញុំាថ្នាំផ្សះដោយគ្មានវេជ្ជបញ្ជា

ថ្នាំផ្សះមិនត្រឹមតែសម្លាប់បាក់តេរីអាក្រក់ទេ ថែមទាំងសម្លាប់ទាំងបាក់តេរីល្អៗ​ក្នុង​ពោះរៀន​កូន​ទៀត​ផង។ កាលណាបាក់តេរីល្អៗក្នុងពោះរៀនថយចុះ ពោះវៀននឹងខ្សោយ ហើយមិនអាចដំណើរការ​បានល្អទេ​ដែល​ជះឥទ្ធិពលយ៉ាងខ្លាំងដល់សុខភាពទូទៅ និងការវិវឌ្ឍខួរក្បាលរបស់កូន។

ដើម្បីថែទាំសុខភាពក្រពះពោះវៀនកូនឱ្យមានសុខភាពល្អ ម៉ាក់ប៉ាក៏អាចជ្រើសរើស​ឱ្យកូន​ញុំាទឹក​ដោះ​គោម្សៅដែលមានសារធាតុ SYNBIOTICS ដែលជាការសំយោគរវាងបាក់តេរីល្អៗ (Probiotics) ជាមួយនឹងអាហារជំនួយបាក់តេរីល្អៗ (Prebiotics) បានដែរ។

អត្ថបទគួរអាន៖

  • កូនចូលចិត្តញ៉ាំក្រៀមក្រោះ ល្អ ឬមិនល្អ? ប៉ះពាល់ការលូតលាស់ ឬអត់?
  • ឮតែល្បី SYNBIOTICS! ជាអ្វីឲ្យប្រាកដ? មានប្រយោជន៍អ្វីខ្លះ?
  • អាហារកូនៗចូលចិត្ត ពង្រឹងប្រព័ន្ធភាពស៊ាំចៀសផុតពីជំងឺផ្សេងៗ
  • រោគសញ្ញា និងវិធីដោះស្រាយបញ្ហាជ្រាបពោះវៀនលើក្មេង
  • កូនផឹកទឹកដោះគោ គួរផ្ដល់វីតាមីនបំប៉នឲ្យញ៉ាំទៀត ឬអត់?
  • អាហារល្អសម្រាប់សុខភាពក្រពះពោះវៀនកូន ម៉ាក់ៗគួរជ្រើសរើស
  • ចំណុចសំខាន់

    – តួនាទីរបស់បាក់តេរីល្អៗនៅក្នុងប្រព័ន្ធរំលាយអាហារ៖
    • ជួយរំលាយអាហារ
    • ស្រូបយកសារធាតុចិញ្ចឹមពីអាហារ
    • ជួយដល់ការបញ្ចេញចោល
    • ការពាររាងកាយ
    • ផលិតអ័រម៉ូនធ្វើឱ្យអារម្មណ៍ល្អដែលជួយដល់ការអភិវឌ្ឍខួរក្បាល
    – ដើម្បីថែទាំសុខភាពក្រពះពោះវៀនកូន ម៉ាក់ប៉ាគួរឱ្យកូនញុំា៖
    • អាហារសម្បូរបាក់តេរីល្អៗ (Probiotics)
    • អាហារសម្បូរជាតិសរសៃ (Prebiotics)
    • ទឹកឱ្យបានគ្រប់គ្រាន់
    • ចៀសវាងឱ្យកូនញុំាថ្នាំផ្សះដោយគ្មានវេជ្ជបញ្ជា
    • ឬឱ្យកូនញុំាទឹក​ដោះ​គោម្សៅដែលមានសារធាតុ SYNBIOTICS (Probiotics + Prebiotics)

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    ឯកទេសសម្ភព និងរោគស្ត្រី · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ សុខ វណ្ណ · កែ Aug 31, 2023

    ad iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    ad iconផ្សព្វផ្សាយពាណិជ្ជកម្ម
    ad iconផ្សព្វផ្សាយពាណិជ្ជកម្ម