ក្រោយពីក្រសួងអប់រំ យុវជន និងកីឡា ប្រកាសបិទគ្រប់សាលារៀនទូទាំងប្រទេស ដោយសារការពារការឆ្លងវីរុស covid-19 កូនតូចៗ មានពេលនៅផ្ទះច្រើន។ ត្បិតតែមានពេលសម្រាកនៅផ្ទះច្រើនក៏ពិតមែន តែបើម៉ាក់ប៉ាបណ្តោយឲ្យកូនធ្វើរឿងប៉ុន្មានចំណុចនេះច្រើន អាចនឹងធ្វើឲ្យក្មេងធ្លាប់ដោយមិនដឹងខ្លួន។
នៅផ្ទះពេល COVID-19 បណ្តោយកូនឲ្យធ្វើរឿងនេះយូរ ប្រយ័ត្នធ្លាប់
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១.គេងហួសម៉ោង
ទម្លាប់មួយនេះ ម៉ាក់ប៉ាអាចគិតថា មិនអីទេ ព្រោះកូនមិនរៀន អ៊ីចឹងឲ្យគេងសិនទៅ។ ប៉ុន្តែ ឲ្យគេងយូរៗទៅ វាអាចក្លាយទៅជាទម្លាប់អាក្រក់មួយ ដែលធ្វើឲ្យកូនធ្លាប់។ ការគេងហួសម៉ោង មិនប៉ះពាល់ដល់សុខភាពអីនោះទេ តែការគេងហួសម៉ោងច្រើនថ្ងៃ អាចជាសញ្ញានៃការរំខានអារម្មណ៍ ដូចជាការបាក់ទឹកចិត្តដើម។
២.មើលទូរទស្សន៍ច្រើន
បញ្ហានេះ បងស្រី លីន ជាស្រ្តីមេផ្ទះម្នាក់ បានឲ្យដឹងថា “កូនខ្ញុំមួយថ្ងៃៗ មើលតែទូរទស្សន៍ ហៅ២-៣ម៉ាត់ មិនចង់ឆ្លើយទេ ពេលខ្លះ មើលដល់ភ្លេចបាយ ភ្លេចទឹកអស់ក៏មាន’។ ការបណ្តោយកូនឲ្យមើលទូរទស្សន៍ច្រើន អាចក្លាយទៅជាទម្លាប់មួយ ហើយវាអាចធ្វើឲ្យក្មេងរៀនលែងចូល។
៣.លេងទូរស័ព្ទ កុំព្យូទ័រ ច្រើនម៉ោង
នេះជាសម័យទំនើប ដែលឪពុកម្តាយភាគច្រើនធ្វេសប្រហែស ដែលចូលចិត្តបណ្តោយឲ្យកូនសម្លឹងមើលទៅកញ្ចក់ទូរស័ព្ទ Ipad ឬកុំព្យូទ័រ ព្រោះវាអាចធ្វើឲ្យកូននៅស្ងៀមបាន។ ផ្ទុយទៅវិញ វាមានផលប៉ះពាលច្រើនដល់ក្មេង ដូចជា វាអាចប៉ះពាល់ដល់ភ្នែកក្មេង អាចជម្រុញឲ្យក្មេងលើសទម្ងន់ ពិបាកចូលគេងនៅពេលយប់ ហើយអ្វីដែលសំខាន់នោះ បណ្តោយឲ្យកូនឃើញអ្វីៗដែលមាននៅលើ អ៊ីនធើណែតច្រើន។
៤.នៅតែឯកឯង
ចំពោះបញ្ហានេះ បងប្រុស ឌឿន រស់នៅភ្នំពេញបានឲ្យដឹងថា តាំងពីកូនមិនទៅរៀនមក មួយថ្ងៃៗ កូននៅតែមុខទូរទស្សន៍ លេងតែទូរស័ព្ទ មិនខ្ចីរវីរវល់ជាមួយអ្នកណាទាំងអស់។ បញ្ហានេះអាចបណ្តោយក្មេងទៅជាមនុស្សឯកោ មិននិយាយស្តី ជាពិសេស អាចប៉ះពាល់ទៅដល់ សតិអារម្មណ៍ អាចកើតជំងឺបាក់ទឹកចិត្តក៏ថាបាន។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម