បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
អូទីស្សឹមជាកង្វល់ដ៏ធំរបស់ម៉ាក់ប៉ាដែលមានកូនតូចៗ ខណៈនៅស្រុកខ្មែរយើងក្មេងកើតអូទីស្សឹមមានចំនួនគួរឲ្យកត់សម្គាល់។ តើក្មេងដែលកើតអូទីស្សឹមអាចព្យាបាលជាទេ?
អូទីស្សីមមិនមែនជាជំងឺ ឬក៏ពិការភាពនោះទេ ក្មេងដែលកើតអូទីស្សឹមគ្រាន់តែលូតលាស់ខុសក្មេងដទៃប៉ុណ្ណោះ។ លោក ចាន់ សារិន នាយកប្រតិបត្តិ អង្គការជំនួយនៃក្តីសង្ឃឹមសម្រាប់សហគមន៍ និងជាប្រធានបណ្តាញអូទីស្សឹមកម្ពុជាថា ក្មេងៗដែលកើតជំងឺនេះហើយមិនអាចព្យាបាលជានោះទេ។
បើក្មេងកើតអូទីស្សឹមមិនអាចព្យាបាលជាទេ តើមានវិធីអ្វីដើម្បីធ្វើឲ្យបញ្ញាស្មារតីរបស់ពួកគេអាចប្រសើរឡើង? ឆ្លើយតបបញ្ហានេះ លោកប្រធានបណ្តាញអូទីស្សឹមកម្ពុជាពន្យល់ថា ក្មេងអូទីស្សឹមគ្មានការព្យាបាលទេ តែអាចស្តារបានតាមរយៈសាលាឯកទេសលើការអប់រំពិសេស ទើបអាចជួយពួកគេមួយផ្នែកធំលើការយល់ដឹងពីរបៀបរស់នៅក្នុងសង្គម។
“យើងដឹងហើយថា ក្មេងអូទីស្សឹមពិបាកក្នុងការប្រាស្រ័យទាក់ទងគ្នា ទាំងការនិយាយ កាយវិការ ចរិតឫកពាចម្លែកៗ ចូលចិត្តធ្វើអ្វីដដែលៗ ពួកគេជាមនុស្សដែលរស់នៅក្នុងពិភពលោកម្នាក់ឯង ដូច្នេះយើងបង្រៀនគាត់ពីរបៀបបំនិនជីវិតប្រចាំថ្ងៃ ធ្វើឲ្យគាត់លូតលាស់ផ្នែកភាសា ចេះហៅប៉ាម៉ាក់ ចេះញ៉ាំបាយ ឬមុជទឹកដោយខ្លួនឯង”។
អត្ថបទពាក់ព័ន្ធ៖
តាមការប៉ាន់ប្រមាណរបស់លោក លោក ចាន់ សារិន តួលេខរបស់ក្មេងកើតអូទីស្សឹមនៅកម្ពុជាមិនក្រោមម៉ឺននាក់នោះទេ។ ដូច្នេះហើយលោកសូមឲ្យឪពុកម្តាយទាំងអស់ត្រូវតាមដានពីការវិវត្តរបស់កូនមុនអាយុ ២ ឬ៣ឆ្នាំ ក្នុងករណីដែលមានសញ្ញាមិនប្រក្រតីណាមួយ ត្រូវប្រញាប់នាំមកជួបគ្រូពេទ្យដែលមានជំនាញអូទីស្សឹម។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
