រោគសញ្ញាទូទៅ

រោគសញ្ញាទូទៅ - កូន​កាន់​តែ​ធំ ការ​ញ៉ាំ​ចំណី​ផ្ដេសផ្ដាស បញ្ហា​ការ​រស់​នៅ អាកាសធាតុ សុទ្ធ​តែ​ជា​អ្វី​ដែល​កូនៗ​ប្រឈម។ ដូច្នេះ​ម៉ាក់ៗ គួរ​ស្វែងយល់​ឲ្យ​កាន់​តែ​ច្រើន​ពី រោគសញ្ញានានា ដែល​សង្ស័យ ឬ​គួរ​ឲ្យ​បារម្ភ

ចំណេះដឹងទូទៅ

រោគសញ្ញាទូទៅ

គួរអនាម័យឲ្យ​កូនតូចៗបែបណា កុំឲ្យកូនតូចងាយឆ្លងជំងឺគ្រុនពោះវៀន?

ជំងឺ​គ្រុន​ពោះវៀន​ បង្ក​ឡើង​ដោយ​បាក់តេរី​ម្យ៉ាង​ឈ្មោះ​ថា Salmonella typhi ហើយ​ការ​បង្ករោគ​ចម្បង​នោះ​តាមរយៈ​ចំណី​អាហារ បរិភោគ​ទឹក​មិន​ស្អាត​ ការលាង​សម្អាត​ដៃ​មិន​ស្អាត​ក្រោយ​បន្ទោរបង់​ ឬ​នៅ​ពេល​ចាប់កាន់ចំណីអាហារ។ នៅ​ពេល​ដែល​បាក់តេរី​ឆ្លង​ចូល​ទៅ​ក្នុង​រាងកាយ​ក្មេង​​ វា​នឹង​រាលដាល​ទៅ​ដល់​ចរន្ត​ឈាម។ ជំងឺ​គ្រុន​ពោះវៀន អាច​បង្ក​គ្រោះថ្នាក់​ធ្ងន់ធ្ងរ​ដល់​កូន​តូច​បាន​ បើ​ប៉ា​ម៉ាក់​មិន​ប្រយ័ត្ន! ​ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! រោគសញ្ញា និង​សញ្ញា​នៃ​ជំងឺ​គ្រុន​ពោះវៀន ជា​ទូទៅ ជំងឺ​គ្រុន​ពោះវៀន​អាច​កើត​ឡើង​​ភ្លាម​ៗ ឬ​បន្តិច​ម្តង​ៗ​ក្នុង​រយៈពេល​ពីរ​បី​សប្តាហ៍។ ជំងឺ​នេះ អាច​បណ្តាល​ឲ្យ​ក្មេង​ក្តៅ​ខ្លួន ឈឺ​ពោះ និង​ឈឺចាប់​រយៈពេល​មួយ​ ឬ​ពីរ​សប្តាហ៍​ក្រោយ​ឆ្លង​បាក់តេរី។ ក្នុង​ករណី​ដែល​មិន​ធ្វើ​ការ​ព្យាបាល​ទេ​នោះ អា​អូន​អាច​នឹង​ស្រក​ទម្ងន់​ ហើម​ពោះ ឬ​ឡើង​ស្នាម​ក្រហម​នៅ​ទ្រូង​ផ្នែក​ខាង​ក្រោម​ ឬ​ពោះ​ផ្នែក​ខាង​លើ។ ជំងឺ​គ្រុន​ពោះវៀន​អាច​បន្ត​រហូត​ដល់​មួយ​ខែ ឬ​ច្រើន​ខែ ឬ​អាច​គ្រោះថ្នាក់​ដល់​អាយុជីវិត​ថែម​ទៀងផង។ អត្ថបទគួរអាន៖ ក្ដៅខ្លួន បូកសញ្ញារួមផ្សំទាំងនេះទៀត កូនអាចគ្រុនឈាមធ្ងន់ ប្រញាប់រកពេទ្យ ជំងឺ៥ មុខនេះ ងាយកើតលើកូនៗជាងគេក្នុងខែភ្លៀង មូលហេតុ ៤យ៉ាង ក្មេងកើតគ្រុនឈាមទៅជាធ្ងន់ធ្ងរ អាចស្លាប់ វិធីបែងចែកស្នាមអុជក្រហមដោយមូសខាំ និងស្នាមគ្រុនឈាម ចូលចិត្តឲ្យអាអូនតូចៗលេងជាមួយសត្វចិញ្ចឹម ប្រយ័ត្នជួបបញ្ហានេះ ចេះតែថែមថ្នាំត្រជាក់ពេលកូនក្ដៅខ្លួនព្រោះគ្រុនឈាម ប្រយ័ត្នពុលថ្លើមកូន ​​គួរអនាម័យបែបណាកុំឲ្យ​កូនតូចៗងាយឆ្លងជំងឺ? ដើម្បី​កុំ​ឲ្យ​អា​អូន​ងាយ​ឆ្លង​ជំងឺ​គ្រុន​ពោះវៀន​នេះ ប៉ា​ម៉ាក់​គួរ​ណែនាំ​ឲ្យ​កូន​លាងសម្អាត​ដៃ​ជាប់​ជា​ប្រចាំ ញ៉ាំ​ទឹក​ស្អាត​ដាំ​ពុះ ចំណី​អាហារ​គួរ​រក្សា​ទុក​ឲ្យ​បាន​ល្អ បន្លែ​ឆៅ​គួរ​លាង​ឲ្យ​ស្អាត […]

ស្វែងរក រោគសញ្ញាទូទៅ

រោគសញ្ញាទូទៅ

ក្មេងក្តៅខ្លួនច្រើនថ្ងៃ ហើយមានសញ្ញាទាំងនេះ អាចកើតជំងឺធ្ងន់ធ្ងរហើយ

អាការៈ​ក្តៅ​ខ្លួន​លើ​ក្មេងៗ ភាគ​ច្រើន​បណ្តាល​មក​ពី​វីរុស និង​អាច​ជា​សញ្ញា​សំខាន់​នៃ​ជំងឺ​ស្រាលៗ​មួយ​ចំនួន ដូចជា ផ្តាសាយ រលាក​ច្រមុះ រលាក​បំពង់​ក​ជាដើម ហើយ​វា​នឹង​ថម​ថយ ឬ​បាត់​ទៅ​វិញ​នៅ​ថ្ងៃទី៣។ តែ​ទោះ​បែប​នេះ​ក្តី​អាការៈ​ក្តៅ​ខ្លួន​លើ​ក្មេងៗ​ខ្លះ​អាច​ក៏​បណ្តាល​មក​ពី​បាក់តេរី ហើយ​ក៏​ជា​ករណី​ធ្ងន់ធ្ងរ​មួយ​ចំនួន។ លោក​វេជ្ជបណ្ឌិត ហេង សុទ្ធី អនុ​ប្រធាន​មន្ទីរពេទ្យ​គន្ធបុប្ផា នៅភ្នំពេញ បាន​ឲ្យ​ដឹង​ថា ក្នុង​ករណី​ដែល​ក្មេង​ក្តៅ​ខ្លួន ហើយ​ចេញ​រោគ​សញ្ញា​មួយ​ចំនួន​ខាង​ក្រោម​នេះ អាច​ជា​សញ្ញា​ជំងឺធ្ងន់ៗដូចជា គ្រុនឈាម គ្រុនឈីក រលាកទងសួត ឬសួត រលាកស្រោមខួរ ជាដើម។ សញ្ញា​ធ្ងន់ធ្ងរ​នៃ​ជំងឺ​ទាំង​នោះ មាន​ដូចជា៖ – កុមារ​មិន​ញ៉ាំ មិន​លេង​ដូច​មុន សន្លឹម – ចេញ​កន្ទួល ឬ​អុជ​ក្រហម​លើ​ស្បែក ហូរ​ឈាម​ច្រមុះ – ឈឺ​សន្លាក់ – ឈឺពោះ រាករូស – ប្រកាច់ ឬសន្លប់។ល។ ក្នុង​ករណី​ដែល​កុមារ​ក្តៅ​ខ្លួន រួម​ទាំង​​មាន​សញ្ញា​ខាង​លើ លោក​វេជ្ជបណ្ឌិត​ណែនាំ​ឲ្យ​ប្រញាប់​យក​កូន​មក​ពេទ្យ​កុមារ​ជា​បន្ទាន់ មិន​អ៊ីចឹង​ទេ​កុមារ​អាច​នឹង​គ្រោះថ្នាក់​ដល់​ជីវិត។


រោគសញ្ញាទូទៅ

ក្មេងក្តៅខ្លួនមានគ្រោះថ្នាក់ទេ? ចុះករណីណាខ្លះត្រូវនាំកូនទៅពេទ្យ?

កាលណា​យើង​វ៉ាស់កម្តៅ​ក្នុង​ខ្លួន​ក្មេង ​ដោយ​ទែរម៉ូម៉ែត​ឃើញ​លើស​ពី ៣៨ អង្សារសេ នោះ​ចាត់​ទុក​ថា ក្មេង​ក្តៅ​ខ្លួន​ហើយ។ ក្មេង​ក្តៅ​ខ្លួន​អាច​គ្រោះ​ថ្នាក់​ទេ? ហើយ​ករណី​ណា​ខ្លះ​ត្រូវ​នាំ​កូន​ទៅ​ជួប​គ្រូពេទ្យ? តាម​រយៈ​ការ​ជួប​សម្ភាសន៍​ជាមួយ​អនុប្រធាន​មន្ទីរពេទ្យ គន្ធបុប្ផា វេជ្ជបណ្ឌិត ហេង សុទ្ធី លោក​បាន​ពន្យល់​ថា អាការៈ​ក្តៅ​ខ្លួន​ជា​ការ​ឆ្លើយ​តប​របស់​សរីរាង្គ​យើង​ទល់​នឹង​មេរោគ។ ក្នុង​នោះ​ក្តៅ​ខ្លួន ជា​សញ្ញា​សំខាន់​នៃ​ជំងឺ​ស្រាលៗ​មួយ​ចំនួន ដែល​ច្រើន​កើត​លើ​ក្មេង​តូចៗ ដូចជា​វីរុស ជាដើម ហើយ​មិន​បង្ក​ឲ្យ​កុមារ​ឈឺ​ធ្ងន់​ឡើយ បើ​ទោះ​វា​បណ្តាល​ឲ្យ​កុមារ​ក្តៅ​ខ្លួន​ខ្លាំង​ក៏​ដោយ។ ផ្ទុយ​ទៅ​វិញ មាន​ករណី​ខ្លះ​អការៈ​ក្តៅខ្លួន​បណ្តាល​មក​ពី​បាក់តេរី ដែល​ឲ្យ​ក្លាយ​រោគ​ទៅ​ជា​ធ្ងន់​បាន ដូចជា​រលាក​ស្រោមខួរ រលាក​ផ្លូវ​តម្រង​នោម មាន​បាក់តេរី​ក្នុង​ឈាម​ជា​ដើម តែ​ករណី​បែប​នេះ កុមារ​ច្រើន​តែ​ក្តៅ​ខ្លួន​យូរ និង​រួម​ផ្សំ​នឹង​សញ្ញា​នៃ​ជំងឺ​ផ្សេងៗ​ទៀត។ មិនថា អាការៈ​ធ្ងន់ ឬ​ស្រាល​នោះ​ទេ ឲ្យ​តែ​កូន​ក្តៅ​ខ្លួន​ម៉ាក់ប៉ា​តែង​តែ​បារម្ភ តែ​លោក​វេជ្ជបណ្ឌិត​ថា ក្មេង​ក្តៅ​ខ្លួន​ក្នុង​កម្រិត​ស្រាល ជា​ទូទៅ​កម្តៅ​នឹង​ថយ​ចុះ និង​បាត់​ទៅ​វិញ​មិន​យូរ​ឡើយ។ ចុះ​ពេល​ណា​ឪពុកម្តាយ​ត្រូវ​នាំ​កូន​ទៅ​ជួប​ពេទ្យ​ពេល​កូន​ក្តៅ​ខ្លួន? លោក​វេជ្ជបណ្ឌិត​ឆ្លើយ​តប​ថា៖ -ទារក​អាយុ​តិច​ជាង ៣ខែ ដែល​ត្រូវ​តែ​ស្វែង​រក​ជំងឺ​ផ្សេងៗ​របស់​វា ជា​ពិសេស​ជំងឺ​មក​ពី​បាក់តេរី ដែល​ត្រូវ​ព្យាបាល​ច្បាស់​លាស់។ -កុមារ​មាន​កម្តៅ​លើស​ពី៤០អង្សារសេ និង​ក្នុង​ករណី​កុមា​រមិន​ធន់​បាន​នឹង​កម្តៅ​ខ្លាំង ដូចជា​អស់​កម្លាំង​ខ្លាំង សន្លឹម មិន​ញ៉ាំ​អាហារ ឬ​ប្រកាច់។ល។ តែ​កុមារ​ភាគ​ច្រើន​អាច​ទ្រាំ​ទ្រ​នឹង​កម្តៅ​ខ្លាំង​បាន -ពេល​កុមារ​ក្តៅ​ខ្លួន​លើស​ពី៣ថ្ងៃ។ វេជ្ជបណ្ឌិត ហេង សុទ្ធី អនុប្រធានមន្ទីរពេទ្យគន្ធបុប្ផា ក្នុង​នោះ​លោក​វេជ្ជបណ្ឌិត​បាន​ណែនាំ​នូវ​សកម្មភាព​មួយ​ចំនួន​ដែល​ម៉ាក់ប៉ា​ត្រូវ​ធ្វើ​ពេល​កូន​ក្តៅ​ខ្លួន ដើម្បី​ឲ្យ​កម្តៅ​ឆាប់​ថយ​ចុះ​មក​ធម្មតា​វិញ។ -ស្រឡាប​ទឹក ឬ​ជូត​នឹង​កន្សែង​សើម និង​ដោះ​សម្លៀក​បំពាក់​កុមារ ដើម្បី​ឲ្យ​ត្រូវ​ខ្យល់​ក្នុង​បរិយាកាស។ -កម្ដៅ​លើស​ពី​៣៨កន្លះ […]


រោគសញ្ញាទូទៅ

ជំងឺរលាកបំពង់កមានសញ្ញាអីខ្លះ? ម៉េចកូនខ្ញុំឧស្សាហ៍កើតម៉្លេះ?

ក្មេង​តូច​កើត​ជំងឺ​រលាក​បំពង់​ក​ញឹក​ញាប់ ដែល​រោគ​សញ្ញា​នៃ​ជំងឺ​រលាក​បំពង់ក រួមមាន ក្តៅ​ខ្លួន​លើសពី ៣៩អង្សារសេ ឈឺក ពិបាក​លេប​ចំណី​អាហារ ពិបាក​ដក​ដង្ហើម ក្អួត​ញឹកញាប់ អាច​មាន​កូន​កណ្តុរ​នៅ​ករីកធំ ហើយ​ឈឺ និង​រឹងក។ បើ​តាម​ការ​លើក​ឡើង​របស់​លោក​វេជ្ជបណ្ឌិត តឹក លីវណ្ណារ៉ា ឯកទេស​រោគ​កុមារ បម្រើ​ការងារ​នៅ​មន្ទីរពេទ្យ គន្ធបុប្ផា​ភ្នំពេញ ជំងឺ​រលាក​បំពង់ក​លើ​កុមារ​ច្រើន​កើត​នៅ​ចន្លោះ​អាយុ ៦ខែ-៦ឆ្នាំ ក្នុង​នោះ​ការ​សិក្សា​បញ្ជាក់​ថា ក្មេង​ម្នាក់​អាច​កើត​ជំងឺ​រលាក​បំពង់​ក​ពី ៣-៨ដង/ឆ្នាំ។ ចំពោះ​មូលហេតុ​ដែល​នាំ​ឲ្យ​ក្មេង​ងាយ​នឹង​មាន​ជំងឺ​រលាក​បំពង់​ក​ញឹក​ញាប់ រួមមាន កង្វះ​អនាម័យ ដែល​ក្មេង​ខ្លះ​ចូល​ចិត្ត​បៀម​ដៃ ឬ​ដាក់​របស់​របរ​មិន​ស្អាត​ចូល​ក្នុង​មាត់ ក្មេង​ខ្លះ​មាន​ប្រព័ន្ធ​ការពារ​រាង​កាយ​មិន​សូវរឹង​មាំ ក្មេង​កើត​មិន​គ្រប់​ខែ ក្មេង​មិន​បាន​បំបៅ​ដោយ​ទឹកដោះម្តាយ មិន​បាន​ចាក់​ថ្នាំ​បង្ការ មាន​បញ្ហា​អាលែកហ្ស៊ី​នៅ​ផ្លូវ​ដង្ហើម មាន​ជំងឺ​ច្រាល​ទឹក​អាស៊ីដ​ក្នុង​ក្រពះ​មក​បំពង់ក និង​ជំងឺ​រួមផ្សំ​ផ្សេង​ទៀត។ វិធី​ការពារ​ពី​ជំងឺរក្សា​អនាម័យ ឧស្សាហ៍​លាង​ដៃ​កូន​តូចៗ​ជាមួយ​នឹង​សាប៊ូ អាល់កុល ឬ​ជែល​ឲ្យ​បាន​ញឹក​ញាប់ ឧស្សាហ៍​លាង​សម្ភារៈ​ក្មេង​លេង នាំ​កូន​ទៅ​ចាក់​វ៉ាក់សាំង​ឲ្យ​បាន​គ្រប់​មុខ​តាម​កម្មវិធី​ជាតិ ត្រូវ​បំបៅ​កូន​ដោយ​ទឹកដោះ​ម្តាយ​យ៉ាង​ហោច​ណាស់​ឲ្យ​បាន​៦ខែ ផ្តល់​ចំណី​អាហារ​​មាន​ជីវជាតិ​ទៅកូន ត្រូវ​ចៀស​វាង​ការ​បញ្ចុក​ចំណី​អាហារ​កុមារ ២-៣នាក់ ដោយ​ប្រើ​ចាន ឬ​ស្លាបព្រា​តែ១ និង​មិនត្រូវ​ឲ្យ​កុមារ​នៅ​ក្បែរអ្នក​ជំងឺ ពិសេស​អ្នក​ជក់​បារី។ លោក​វេជ្ជបណ្ឌិត តឹក លីវណ្ណារ៉ា ឯកទេស​រោគ​កុមារ បម្រើ​ការងារ​នៅ​មន្ទីរពេទ្យ គន្ធបុប្ផា   ស្វែងយល់បន្ថែម៖ កូនរលាក​បំពង់​ក​​​បណ្ដាល​មក​​ពី​អ្វី? ពេល​ណា​​ប៉ា​ម៉ាក់​គួរ​បារម្ភ​?​​​​​​ កូនតូចតឹងច្រមុះ ហៀរសម្បោរ […]


រោគសញ្ញាទូទៅ

ខែសម្បូរមូស ក្មេងអាចកើតគ្រុនឈីក គ្រុនឈាម! ៧ តិចនិកការពារកូនកុំឲ្យមូសយាយីបាន

គ្នា​យើង​ត្រូវ​ដឹង​ថា មូស​ខាំ​អាច​ចម្លង​មេរោគ ឬ​ជំងឺ​ឆ្លង​ផ្សេង​ៗ​មក​ដល់​យើង​បាន​ដូច​ជា ជំងឺ​គ្រុន​ឈាម ជំងឺ​គ្រុន​ចាញ់ និង​ជំងឺ​គ្រុន​ឈីក ដែល​ទើប​តែ​កើត​ឡើង​ថ្មីៗ​នេះ​ក្នុង​ប្រទេស​កម្ពុជា​យើង។ ជំងឺ​ដែល​កើត​ឡើង​ដោយ​សារ​មូស​ខាំ​ទាំង​អស់​នេះ អាច​កើត​ទៅ​លើ​មនុស្ស​គ្រប់​វ័យ តែ​បើ​សិន​ជា​កើត​លើ​ក្មេង វា​អាច​បង្ក​ផលប៉ះពាល់​ខ្លាំង​ដល់​សុខភាព​របស់​អា​អូន​។ ដូច​នេះ ឱសថការី គីម កាណែល បាន​ផ្ដល់​ការ​ណែ​នាំ​ដល់​ម៉ាក់​ប៉ា​ពី​វិធី​ការពារ​កុំ​ឲ្យ​កូន​ត្រូវ​មូស​ខាំ បណ្ដាល​ឲ្យ​ឈឺ​ជំងឺ​ទាំង​នោះដូចជា៖ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ១. លាប​ឡេការពារ​មូស​ខាំ​ ក្នុងបរិមាណល្មម​នៅ​លើ​ស្បែក​កូន ២. ប្រើ​ថ្នាំ​ ឬឡេដេញ​មូស​ដែល​មាន​សារធាតុ DEET មិន​ខ្ពស់​ជាង​៣០% និងមិនត្រូវលាបញឹកញាប់ពេកអាចប៉ះពាល់ដល់ស្បែកកូន ៣. ពេល​ប្រើ​ឡេ​ការពារ​មូស​ខាំ មិន​ត្រូវ​លាប​ទៅ​លើ​របួស តំបន់​ភ្នែក និង​មាត់ តែ​អាច​លាប​តិចៗ​លើ​ត្រចៀក ៤. ស្លៀក​ខោអាវ​វែងៗ​ឲ្យ​កូន ពាក់ស្រោមជើង ប្រើ​មុង​គ្រប​ទៅ​លើ​រទេះ​រុញ ឬ​កន្លែង​កូន​គេង ៥. ស្លៀកពាក់ខោអាវមានពណ៌ភ្លឺឲ្យកូន កុំពាក់ពណ៌ខ្មៅ ឬងងឹត ៦. កុំ​ឲ្យ​កូន​ទៅ​លេង​កន្លែង​ងងឹតៗ ឬ​កន្លែង​ដែលសម្បូរ​សត្វ​មូស ៧. បំបាត់ជម្រកមូស និងបើកបង្អួច ទ្វារផ្ទះ ដើម្បីឲ្យមានពន្លឺថ្ងៃ និងខ្យល់ចេញចូលបានល្អ។ [embed-health-tool-baby-poop-tool] ក្នុង​ករណីមូស​ខាំកូន ហើយ​កើត​មាន​ជំងឺ​គ្រុន​ឈាម អាច​ចេញ​រោគ​សញ្ញា​ទូទៅ​មួយ​ចំនួន​ដូច​ជា ក្ដៅ​ខ្លួន​លើស​៣៨​អង្សា​សេ ឈឺ​ក្បាល ឈឺ​សន្លាក់ ស្នាម​អុជ​ក្រហម​នៅ​លើ​ខ្លួន ជាដើម។ ​ជំងឺ​គ្រុន​ឈាម​ខ្លះ អាច​វិវត្ត​ទៅ​ជា​ធ្ងន់ធ្ងរ […]


រោគសញ្ញាទូទៅ

មកពីមូលហេតុអី បានជាក្មេងៗមួយចំនួនក្រោយជាពីរលាកបំពង់ក បែរទៅកើតរាកមួល?

រាក​មួល គឺជា​ជំងឺ​ម្យ៉ាងដែលអាចបង្កឡើងដោយ​ពីប៉ារ៉ាសុីត​ដែល​ហៅថា “អាមីប” ហើយ​ជំងឺ​នេះ​ដែរ​បណ្ដាល​ឲ្យលាមក​មាន​ឈាម ឬ​មាន​សម្បោរ ក្តៅខ្លួន រងារញា៉ក់ និងចុកពោះ និង​បន្ទោបង់​ញឹកញាប់​ចាប់ពី ៤-៦ដង ដែល​ធ្វើឲ្យ​អ្នក​ជំងឺ​មាន​សភាព​ហេវហត់ បាក់  និង​អស់​កម្លាំង​ខ្លាំង។ វេជ្ជបណ្ឌិត ចាន់ ស៊ីណេត បាន​ឲ្យ​ដឹង​ថា មាន​មូលហេតុ​ជាច្រើន​ដែល​បណ្ដាល​ឲ្យ​កើតជំងឺរាកមួលនេះដែរ ហើយ​ក្នុង​នោះក៏បណ្តាលមកពីមេរោគជាច្រើនទៀតដែលបង្កឡើងដោយ​​ជំងឺ​រលាក​បំពង់​ក អាចធ្វើឲ្យក្អកមានស្លេស្ម និងក្មេងៗតូចៗលេបចូលទៅក្នុងពោះ ក៏​ជាដើមហេតុនាំឲ្យរាក​មួល​ដែរដោយព្រោះគេមិនចេះខាកស្តោះចេញមកក្រៅ។ ​ពេល​រាក​មួល​មាន​សម្បោរ​លាយ​ឈាម អាចមាន​រយៈពេល ៥-៧ ថ្ងៃ​ទើប​អាច​ចាប់ផ្ដើមជា​សះស្បើយ។ វេជ្ជបណ្ឌិត​ឯកទេស​ទូទៅ​រូប​នោះ​បញ្ជាក់​ទៀត​ថា កូន​ដែល​កើត​ជំងឺ​រាក​មួល​នេះ ព្យាបាល​ដោយ​លេប​ថ្នាំ​ពី ២-៣ ថ្ងៃ​ដំបូង​មិន​ទាន់​ឃើញធូរស្រាល​ច្រើនទេ គ្រាន់តែ​ទប់ស្កាត់​មិន​ឲ្យ​អាការៈកាន់តែ​ធ្ងន់​ទៅ ដោយ​មិន​ឲ្យ​រាក​ច្រើនដងប៉ុណ្ណោះ ហើយ​យើង​ត្រូវ​ព្យាយាម​លេប​ថ្នាំ​តាម​វេជ្ជបញ្ជា​ ១ សប្ដាហ៍ទើប​អាការៈ​ប្រសើរ​បន្តិច​ម្ដងៗ ជាពិសេស​គឺ​ការ​ឲ្យ​កូន​ផឹក​ទឹក​ច្រើន ទើប​អាការៈ​មិន​ដុនដាប បាក់កម្លាំង ខ្សោយ និងបាត់បង់ជាតិទឹកច្រើន។ ដូច្នេះហើយបានជាអាចសង្កេតឃើញថា កូន​ដែល​ជា​សះស្បើយ​ពី​ផ្ដាសាយ ឬ​រលាក​បំពង់ក ប៉ុន្មាន​ថ្ងៃ​មក ទើប​រក​ឃើញមាន​កើត​ជំងឺ​រាក​មួល​ហើយ​អ្នកជំងឺ​មិន​ត្រឹម​តែ​ឈឺចាប់​ក្នុង​ពោះ​ទេថែមទាំងនាំឲ្យ​រលាក​គូទ​ទៀតផងដោយសារតែកូនជុះច្រើនដង។ រាក​មួល​ក្រៅពីកត្តាបង្កឡើងដោយសារ​រលាក​បំពង់ក ការ​ទទួលទាន​ចំណី​អាហារ​គ្មាន​អនាម័យ ទឹកមិនស្អាត រស់នៅ​កខ្វក់ ក៏​នាំឲ្យកូនកើត​រាក​មួល​ដូចគ្នា។


រោគសញ្ញាទូទៅ

ត្រូវ​ដឹង ក្មេង​ខ្វះជាតិ​ទឹក​មាន​អី​សម្គាល់​ (វីដេអូ)

កូន​ក្មេង​មិន​ដូច​មនុស្ស​ធំទេ ក្តៅ​ពិបាក​ទ្រាំ​បែប​នេះ ងាយ​នឹង​ខ្វះជាតិ​ទឹក​បំផុត ម៉ាក់ប៉ា​ត្រូវ​ដឹង​ពី​មូលហេតុ រោគសញ្ញា និង​វិធី​បង្ការ ​ទើប​អាច​ជួយ​កូន​យើង​បាន​ទាន់​ពេលវេលា។មាន​មូលហេតុ​ច្រើន​ដែល​បណ្តាលឲ្យ​កូន​ក្មេង​ខ្វះ​ជាតិ​ទឹកដែលយើងអាចបែងចែកជា កម្រិត ស្រាល មធ្យម និងធ្ងន់ធ្ងរ។  ក្នុង​​នោះ​​មាន​ការ​ឡើង​កម្តៅ​ខ្លាំង ក្មេងៗ​​ញ៉ាំ​អី​ខុស​ធ្វើ​ឲ្យ​រាករូស ឬ​ក្អួត ញ៉ាំ​ទឹក​តិច​ឆ្លង​មេរោគ ​ជា​ដើម នេះបើ​តាម​ការ​ឲ្យ​ដឹង​​ពី​​លោក​វេជ្ជបណ្ឌិត ចាន់ ស៊ីណេត ឯកទេស​ទូទៅ។



រោគសញ្ញាទូទៅ

ម៉ាក់ប៉ាត្រូវដឹង ទឹកអូរ៉ាលីត្រមានប្រយោជន៍ខ្លាំងពេលអូនតូចៗរាករូស

អាការៈ​រាក​រូស​គឺ​ជា​បញ្ហា​ទូទៅ​របស់​សុខភាព​មនុស្ស​យើង​ម្នាក់​ៗ​ដែល​ជួប​ប្រទះ​នៅ​ក្នុង​ជីវភាព​រស់​នៅ។ ជា​ធម្មតា នៅ​ពេល​ដែល​រាករូស គ្នា​យើង​ចាស់ៗ អាច​ប្រើ​ថ្នាំ​បំបាត់​ការ​រាក​រូស​បាន ប៉ុន្តែ​សម្រាប់​អា​អូន​តូច​ៗ មិន​អាច​ចេះ​តែ​ឲ្យ​ថ្នាំ​លេប​បំបាត់​រាក​បាន​ទេ ដូចនេះ​ត្រូវ​ធ្វើម៉េច?។ "ជាក់​ស្ដែង មាន​ម៉ាក់​ប៉ា​មួយ​ចំនួន​សួរ​ខ្ញុំ​ថា កូន​គាត់​ទើប​តែ​បាន​១-២​ ខែ​ ហើយ​រាក អាច​ឲ្យ​ញ៉ាំ​ទឹក​អូរ៉ាលីត្រ​ហ្នឹង​បាន​ដែរ​អី ព្រោះ​ធម្មតា ក្មេង​ទាល់​តែ​អាយុ​៦​ខែ​ឡើង​បាន​គេ​ឲ្យ​ញ៉ាំ​ទឹក​បាន"។ នេះ​បើ​តាម​ការ​ឲ្យ​ដឹង​របស់​លោក​វេជ្ជ​បណ្ឌិត អ៊ុន យូ អនុប្រធានមន្ទីរព្យបាល Maxi Care។ លោក​បន្ត​ថា ប្រសិន​បើ​កូន​ដែល​នៅ​តូច​មែនទែន​រាករូសខ្លាំង គឺ​គេ​មិន​ឲ្យ​ផ្ដល់​ថ្នាំ​អី​ផ្ដេសផ្ដាស​ដល់​កូន​ទេ ហើយ​អ្វី​ដែល​ម៉ាក់ប៉ា​គួរ​ធ្វើ​ គឺ​ត្រូវ​ឲ្យ​កូន​ញ៉ាំ​ទឹក​អូរ៉ាលីត្រ​នេះ ព្រោះ​វា​អាច​ជួយ​បន្ថយ​ការ​រាក​របស់​កូន និង​មិន​មាន​ផល​ប៉ះពាល់​អី​ទៅ​ដល់​កូន​ឡើយ។ ទោះ​បី​ជា​ទារក​ទើប​នឹង​កើត​ក៏​ដោយ ម៉ាក់​ប៉ា​អាច​ចាប់​ផ្ដើម​ពី​វិធី​នេះ ដោយ​គ្រាន់​តែ​​ដួស​ទឹក​អូរ៉ាលីត្រ​ដោយ​ស្លាប​ព្រា ហើយ​បញ្ចុក​កូន​បន្តិច​ម្ដងៗ។ លោកវេជ្ជបណ្ឌិតថា ម្សៅអូរ៉ាលីត្រ (ORS) គឺជាល្បាយម្សៅដែលតម្រូវឲ្យលាយជាមួយទឹកដើម្បី​ព្យាបាល​អាការៈរាក។ ក្នុងម្សៅអូរ៉ាលីត្រ មានលាយផ្សំជាមួយសាមាសធាតុសំខាន់ជាច្រើន ដើម្បីទៅបង្រ្គប់ជាតិទឹក និងជាតិ អេលិចត្រូលីត្រ នៅក្នុងខ្លួនឲ្យបានគ្រប់គ្រាន់។ ផ្ទុយ​ទៅ​វិញ ក្នុង​ករណី​ដែល​ឲ្យ​កូន​ញ៉ាំ​ទឹក​អូរ៉ាលីត្រ​ហើយ​នៅ​តែ​រាក​មិន​ព្រម​បាត់ គឺ​អាច​ធ្វើ​ឲ្យ​ទារក​នោះ​បាត់​បង់​ជាតិ​ទឹក​ខ្លាំង​ដែល​អាច​ប៉ះពាល់​ដល់​សុខភាព ដូច​នេះ​មាន​តែ​ត្រូវ​ដាក់​សេរ៉ូម​ដើម្បី​ជួយ​បង្គ្រប់​ជាតិ​ទឹក​នៅ​ក្នុង​ខ្លួន​របស់​ក្មេង។ វេជ្ជបណ្ឌិត​រោគ​កុមារ​រូប​នេះ​បញ្ជាក់​ឲ្យ​ដឹង​ថា ប្រសិន​ទារក​មាន​អាការៈ​រាក​រូស​តែ​អាច​ញ៉ាំ​ទឹក​អូរ៉ាលីត្រ​បាន​នោះ​គឺ​ល្អ​ខ្លាំង​មែន​ទែន ប៉ុន្តែ​បើ​មិន​អាច ​គឺ​មាន​តែ​ត្រូវ​ទៅ​ជួប​គ្រូពេទ្យ​ឲ្យ​ពិនិត្យ​សុខភាព​កូន ហើយ​អាច​ព្យួរ​សេរ៉ូម​ដើម្បី​ការពារ​កុំ​ឲ្យ​កូន​ខ្សោះ​ជាតិ​ទឹក​នៅ​ក្នុង​ខ្លួន​ខ្លាំង​ពេក។


រោគសញ្ញាទូទៅ

ហេតុអ្វីគ្រាន់តែរលាកបំពង់ក ក្អក ផ្ដាសាយ នាំឲ្យរលាកត្រចៀកវិញ?

ជំងឺ​រលាក​ត្រចៀក​ដែល​ច្រើន​កើត​មាន​ចំពោះ​ក្មេងៗ បណ្ដាលមកពីកត្តាមួយចំនួន ហើយ​ក្នុង​នោះ​មូលហេតុ​មកពី​រលាក​បំពង់ក ក្អក ផ្ដាសាយ​ញឹកញាប់។ បញ្ហានេះ​ធ្វើឲ្យ​ម៉ាក់​ប៉ា​មួយចំនួនឆ្ងល់​ថា វា​មាន​ពាក់ព័ន្ធ​គ្នា​យ៉ាង​ម៉េចវិញ។ លោក​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ បាន​ឲ្យ​ដឹង ដោយសារ​ច្រមុះ ត្រចៀក ភ្នែក បំពង់ក នៅ​ជិត​គ្នា ទើប​វា​ងាយ​នឹង​ឆ្លង​គ្នា​ទៅវិញទៅមក។ មួយ​វិញ​ទៀត​នៅ​ពេល​ក្អក ហៀរ​សម្បោរ ផ្ដាសាយ​ដៃ​ក្មេង​ប៉ះ​ទឹក​រងៃ ឬ​ប៉ះ​សម្បោរ ហើយ​ក៏​យក​មក​ប៉ះ​តំបន់ជិតត្រចៀក ដូចនេះ​ហើយ​បាន​ជា​មេរោគ ឬ​បាក់តេរី​រាលដាល​ទៅ​កន្លែង​នោះ។ លោក​បញ្ជាក់​ថា ការ​រលាក​ត្រចៀក​ខាង​ក្រៅ​មិន​ធ្ងន់ធ្ងរ​រហូត​ធ្វើឲ្យ​ប៉ះពាល់​ដល់​ការ​ស្ដាប់​របស់​កូន​ឡើយ គ្រាន់តែ​ពេល​ខ្លះ​មាន​ជា​ខ្ទុះ ឬ​ដំបៅ​ដែល​បង្ក​ទៅ​ជា​ក្ដៅ​ខ្លួន និង​ឈឺចាប់​ប៉ុណ្ណោះ។ ប៉ុន្តែ​វេជ្ជបណ្ឌិត​រូប​នោះ បាន​ណែនាំ​ឲ្យ​អាណាព្យាបាល​ទាំងអស់​នាំ​កូន​មក​ជួប​គ្រូពេទ្យ ដើម្បី​សម្អាត និង​លេប​ថ្នាំ​តាម​វេជ្ជបញ្ជា ចៀសវាង​លូក​សម្អាត គ្មាន​ឧបករណ៍ និង​បរិក្ខារ​គ្រប់គ្រាន់ នាំឲ្យធ្ងន់ធ្ងរទៅវិញ។ មួយ​វិញ​ទៀត​ពេល​កូន​មាន​ជំងឺ​រលាក​បំពង់ក ក្អក ផ្ដាសាយ ត្រូវ​ប្រញាប់​នាំ​កូន​ទៅ​ជួប​ពេទ្យ ហើយ​លេប​ថ្នាំ​ឲ្យ​អស់​តាម​ការ​ណែនាំ​របស់​គ្រូពេទ្យ​មិន​គួរ​ឃើញ​កូន​ធូរ ហើយ​ឈប់​លេប​ថ្នាំ នាំឲ្យ​ជំងឺ​រើ​ឡើង​វិញ។


រោគសញ្ញាទូទៅ

កូនក្ដៅខ្លួនលេបថ្នាំហើយ តែកម្ដៅមិនថយ អាចថែមសុលគូទទៀតបានទេ?

ពេល​កូន​ក្ដៅមានអាការៈ​ខ្លួន​ខ្លាំង ដាក់​ថ្នាំ​ហើយមិន​ចុះ​ត្រជាក់ បូករួម​មិន​ទាន់​ដឹង​មុខ​សញ្ញា​ថា​ឈឺ​អ្វី​ទៀត​នោះ ធ្វើឲ្យ​ម៉ាក់​ប៉ា​ព្រួយ​បារម្ភ។ លោកស្រី​វេជ្ជបណ្ឌិត គុជ ឆោមដាលីន បម្រើ​ការងារ​នៅ Singapore Medical Center បាន​ឲ្យដឹងថា ពេល​កូន​មាន​អាការៈ​ក្ដៅ​ខ្លួន បើ​ម៉ាក់​ប៉ា​នៅ​ផ្ទះ​មាន​ថ្នាំ​ប៉ារ៉ាសេតាមុល អាច​ឲ្យ​កូន​លេប​បាន​តាម តាម​ទម្ងន់​របស់​កូន។ ប៉ុន្តែ​ក្រោយ​លេប​ហើយ​ម៉ាក់​ប៉ា​ខ្លះ បែរជា​សង្កេត​ថា កម្ដៅ​កូន​មិន​បាន​ថមថយ​ឡើយ ហើយ​ចង់​សុល​ថ្នាំ​បន្ថែម​ទៀត។ តើ​នោះ​ជា​ទង្វើ​ត្រឹមត្រូវ​ដែរឬ​ទេ? វេជ្ជបណ្ឌិត​ឯកទេស​កុមារ​រូប​នោះ បាន​បន្ថែម​ទៀត​ថា ឱសថ​ប្រភេទ​ប៉ារ៉ាសេតាមុល​ដែល​មាន​លក់​លើ​ទីផ្សារ​ម៉ាក់ប៉ា​អាច​បញ្ចុក​កូន​ញ៉ាំ​ដោយ​គ្មាន​វេជ្ជបញ្ជា​បាន ប៉ុន្តែ​បើ​នៅ​តែ​មិន​បាច់ យើង​គួរតែ​ងាក​មក​មើល​ប៉ុន្មាន​ចំណុច​ខាងក្រោម​នេះ​វិញ៖ - ការ​ឲ្យ​កូន​លេប​ថ្នាំ​នោះ​គ្រប់​ដូស​ដែរឬ​ទេ ព្រោះ​ពេល​ខ្លះ​យើង​មិន​បាន​ផ្ដល់​ថ្នាំ​គ្រប់គ្រាន់​តាម​អាយុ និង​ទម្ងន់​កូន។ - ប៉ុន្តែ​បើ​គ្រប់​ដូស​អស់​ហើយ​នៅតែ​ក្ដៅ តើ​គួរ​សុល​អត់? ចម្លើយ​គឺ​ត្រូវ​រង់ចាំ​យ៉ាងហោចណាស់ ៤ ម៉ោង ព្រោះ​ទាំង​ថ្នាំ​សុល និង​ថ្នាំ​ញ៉ាំ​សុទ្ធតែ​ជា​ប៉ារ៉ា​ដូច​គ្នា ហើយ​អ្វី​ដែល​ខុស​គ្នា​ជា​ផ្លូវ​ដែល​ចូល​ទៅ​តែ​ប៉ុណ្ណោះ។ - ថ្នាំ​ដែល​គេ​បង្កើត​ឡើង​ប្រើ​ក្នុង​លក្ខខណ្ឌ​ជាក់ស្ដែង ឧទាហរណ៍៖ បើ​កូន​សុខភាព​ល្អ ស្រួល​ក្នុង​ការ​បញ្ចុក​ថ្នាំ គឺ​យើង​ឲ្យ​គាត់​ញ៉ាំ ប៉ុន្តែ​បើ​ក្មេង​កំពុង​ក្អួត​ផង ក្ដៅ​ខ្លួន​ផង ស្រែក​យំ​ផង ដូចនេះ​ហើយ​ពិបាក​ក្នុង​ការ​បញ្ចុក​ថ្នាំ​ខ្លាំង​ណាស់ ជម្រើស​មានតែ​សុល​ប៉ុណ្ណោះ។ ដូចនេះ​ម៉ាក់ប៉ា​ត្រូវ​ចងចាំ​ថាទោះជាមានកូនជំងឺអ្វីក៏ដោយ ទាំង​ថ្នាំ​សុល និង​ថ្នាំ​ញ៉ាំ​របស់កូនមិន​សូវ​ខុស​គ្នា​ទេ ប៉ុន្តែ​ត្រូវ​ធ្វើ​យ៉ាង​ណា​ឲ្យ​ប្រាកដ​ថា​បើ​ដាក់​ថ្នាំ​លេប​ហើយ​មិន​ទាន់​ត្រជាក់ ត្រូវ​រង់ចាំ ៤ ម៉ោង​ក្រោយ​ទើប​អាច​សុល​បន្ថែម​បាន ហើយ​មិន​អាច​ដាក់​ថ្នាំ​ផ្ទួនៗគ្នា​បាន​ឡើយ ព្រោះ​អាច​នាំឲ្យកូន​មាន​គ្រោះថ្នាក់​បាន។

ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស
មាតិកា
ឧបករណ៍សុខភាព
សុខភាពរបស់ខ្ញុំ