រោគសញ្ញាទូទៅ Archives - Page 5 of 12

ចូលដល់រដូវក្តៅ ប៉ាម៉ាក់គួរថែទាំអាអូនបែបណាល្អ?

នៅពេលអាកាសធាតុក្តៅខ្លាំង ទារក និងកុមារតូចៗពិបាកក្នុងការរក្សាតុល្យភាពរាងកាយណាស់ ដូចនេះ តើប៉ាម៉ាក់គួរថែទាំកូនបែបណាល្អ? ពិតណាស់ ទារក និងកុមារតូចៗ មិនងាយបែកញើសខ្លាំងដូចមនុស្សពេញវ័យទេ ដែលកត្តានេះអាចធ្វើឲ្យក្មេងប្រឈមហានិភ័យក្នុងការឡើងកម្តៅខ្លាំង។ ប៉ាម៉ាក់គួរថែទាំកូនយ៉ាងម៉េចពេលស្ថិតក្នុងអាកាសធាតុក្តៅ? ប៉ាម៉ាក់គួរឱ្យកូនញ៉ាំទឹកឱ្យបានច្រើន។ សម្រាប់ទារកអាយុក្រោម៦ខែ ម៉ាក់គួរបំបៅដោះ ឬទឹកដោះគោ ប៉ុន្តែបើអូនអាយុចាប់ពី៦ខែឡើងទៅ យើងអាចបន្ថែមទឹកឆ្អិននៅចន្លោះពេលបំបៅដោះកូន។ បន្ថែមពីនេះ គួរស្លៀកសំលៀកបំពាក់ស្តើង និងរលុងឱ្យកូន ក៏ដូចជាជៀសវាងចេញទៅខាងក្រៅផ្ទះ។ ធ្វើម៉េចដឹងថាទារកក្តៅខ្លាំង? ដើម្បីដឹងថារាងកាយអាអូនក្តៅឬអត់ ប៉ាម៉ាក់គួរដាក់ដៃនៅលើទ្រូង ឬខ្នងរបស់កូន ពីព្រោះថាបរិវេណនេះ ធ្វើឱ្យយើងងាយដឹងថាកូនក្តៅ ជាងដៃ ឬជើងអាអូន ពីព្រោះជាទូទៅ ដៃ ឬជើងមានសីតុណ្ហភាពត្រជាក់ជាងរាងកាយរបស់ពួកគេ។ [embed-health-tool-baby-poop-tool] ធ្វើម៉េចដឹងថា កូនទទួលបានជាតិទឹកគ្រប់គ្រាន់? សញ្ញាមួយដែលបញ្ជាក់ថា កូនទទួលបានជាតិទឹកគ្រប់គ្រាន់ គឺនៅពេលដែលប៉ាម៉ាក់ផ្លាស់ប្តូរខោទឹកនោមឱ្យកូនចន្លោះពី៦ ទៅ៨ខោ នៅក្នុងរយៈពេល២៤ម៉ោង ដែលមានន័យថា កូនមានជាតិទឹកគ្រប់គ្រាន់សម្រាប់បញ្ចេញចោល។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! សញ្ញាបញ្ជាក់ថាកូនមានបញ្ហាស្រ្តេសដោយសារកម្តៅ អស់កម្លាំង ឬរញ៉ាំរញ៉ូវ ស្បែកស្ងួត និងក្តៅ បែកញើសច្រើន បរិមាណនៃការបែកញើសថយចុះ នៅពេលដែលស្រ្តេសដោយសារកម្តៅវិវត្តន៍ទៅជាការសន្លប់ដោយសារកម្តៅ។ ហេតុនេះហើយ ប៉ាម៉ាក់គួរបន្ថយកម្តៅកូន ដោយឱ្យកូនងូតទឹកក្តៅឥណ្ហៗឱ្យបានញឹកញាប់ ប៉ុន្តែកុំប្រើទឹកត្រជាក់ឱ្យសោះ! ចំណុចសំខាន់ នៅពេលអាកាសធាតុក្តៅខ្លាំង ទារក និងកុមារតូចៗពិបាកក្នុងការរក្សាតុល្យភាពរាងកាយណាស់ ដូចនេះ តើប៉ាម៉ាក់គួរថែទាំកូនបែបណាល្អ? ពិតណាស់ […]

រោគសញ្ញាទូទៅ

ពេលកូនមានអាការៈប្រកាច់ប៉ាម៉ាក់ដឹងតែភ័យហើយ តែត្រូវចេះធ្វើរឿងទាំងនេះដែរ

គ្នាយើងមានកូនបើឃើញកូនយើង ឬកូនអ្នកផ្សេងមានអាការៈប្រកាច់ តើគួរជួយដោយរបៀបណា? មានការលើកឡើងថាក្មេងម្នាក់ក្នុងចំណោម ១០ នាក់អាចមានអាការៈប្រកាច់នេះម្ដងក្នុងមួយជីវិតរបស់ពួកគេ។ អាការៈប្រកាច់អាចថាជាសញ្ញាគ្រោះថ្នាក់មួយដែរ។ អាការៈនេះកើតឡើងនៅពេលចរន្តអគ្គិសនីនៅក្នុងខួរក្បាលមានសកម្មភាពកើនឡើង( surges in the brain’s electrical activity) ហើយពេលខ្លះអាចធ្វើឲ្យកុមារដួល និងញ័រខ្លួនខ្លាំងជាដើម ឬក៏ក្មេងអាចមានអាការៈបាត់មាត់បាត់កភ្លាមៗ ដោយមានទាំងការបញ្ឈរភ្នែកទៀតផង។ បើស្ដាប់ទៅដូចជាគួរឲ្យខ្លាចណាស់ហើយ ប៉ុន្តែសមាគមជំងឺកុមាររបស់ហរដ្ឋអាមេរិកបានលើកឡើងថាការប្រកាច់លើកុមារមិនមានសុទ្ធជារឿងធ្ងន់ធ្ងរត្រូវការការសង្គ្រោះបន្ទាន់នោះដែរ ហើយថាកុមារអាចនឹងបាត់ប្រកាច់វិញនៅរយៈពេល៥នាទីក្រោយ។ អត្ថបទពាក់ព័ន្ធ៖ កូនក្អួតក្រោយលេបថ្នាំ ត្រូវបញ្ចុកម្តងទៀតទេ? កុំស្លន់ស្លោ! ពេលកូនក្អួតត្រូវដឹងរបៀបដោះស្រាយ កូនក្អួតក្នុងស្ថានភាពបែបណាត្រូវយកទៅពេទ្យជាបន្ទាន់? ក្មេងក្អួតមកពីមូលហេតុអីខ្លះ? ត្រូវធ្វើម៉េច? ខាងក្រោមនេះជាអ្វីដែលប៉ាម៉ាក់ត្រូវដឹងពេលកូនមានអាការៈប្រកាច់៖ កុំជ្រួលច្របល់ និងត្រូវផ្ដល់ការសង្គ្រោះបឋមដល់កូន ការពារកុំឲ្យកូនមានរងរបួសអំឡុងពេលប្រកាច់។ ត្រូវមើលថាពេលណាគួរតែបញ្ជូនកូនទៅមន្ទីរពេទ្យ ត្រូវតាមដានអាការៈប្រកាច់របស់កូនជាមួយគ្រូពេទ្យក្រោយពីប្រកាច់។ ទាំងនេះជាដំណាក់កាលប៉ាម៉ាក់ត្រូវធ្វើបើឃើញកូនប្រកាច់ បើយើងមិនច្បាស់ថាកូនយើងប្រកាច់ឬអត់នោះ យើងសាកបញ្ចាំងពិលដាក់កូន និងស្រែកហៅឈ្មោះកូនក្នុងសំឡេងឮៗដើម្បីដឹងថាកូនមានប្រតិកម្មតបនឹងយើងឬអត់។ នៅជិតកូនជានិច្ច កុំទុកកូនឲ្យនៅម្នាក់ឯង ដាក់កូនដេកផ្ទាល់នឹងដី និងបែរខ្លួនកូនទៅចំហៀង ដើម្បីការពារកុំឲ្យកូនឈ្លក់ ឬក្អួត ត្រូវប្រាកដថាគ្មានរបស់មុតស្រួចនៅជិតកូនទេពេលកូនកំពុងប្រកាច់ និងកុំព្យាយាមចាប់កូនឲ្យនៅស្ងៀមពេលកូនប្រកាច់។ កុំព្យាយាមដាក់របស់អ្វីមួយចូលក្នុងមាត់កូន ក្មេងប្រកាច់ច្រើនតែខាំធ្មេញ បើយើងព្យាយាមដាក់អ្វីមួយចូលក្នុងមាត់ក្មេងៗអាចខាំដៃយើង ឬធ្វើឲ្យក្មេងរបួស។ ផ្ទៀងម៉ោងមើលថាកូនប្រកាច់យូរប៉ុនណា។ ពេលណាត្រូវបញ្ជូនកូនទៅមន្ទីរពេទ្យ? បើនេះជាករណីទី១ដែលកូនយើងប្រកាច់ បើការប្រកាច់នេះយូរជាង៥នាទី បើកូនប្រកាច់បែបកោងខ្នង ហើយមិនវិលមករកភាពប្រក្រតីវិញ កូនមិនដឹងខ្លួនក្រោយប្រកាច់ កូនមានរបួសអំឡុងពេលប្រកាច់ កូនពិបាកដកដង្ហើម ករណីកូនប្រកាច់ក្នុងទឹក បើកូនមានជំងឺទឹកនោមផ្អែម ឬជំងឺប្រចាំកាយផ្សេងៗទៀត ពិគ្រោះជាមួយគ្រូពេទ្យពីអាការៈកូន គ្រូពេទ្យអាចពិនិត្យដឹងថាក្មេងប្រកាច់ដោយសាររឿងអ្វីមួយបាន ជួនកាលក្មេងប្រកាច់ដោយសារតែក្ដៅខ្លួនខ្លាំង បញ្ហាថ្នាំ ឬមកពីបញ្ហាប្រព័ន្ធប្រសាទ។ គ្រូពេទ្យអាចជួយយើងព្យាបាលអាការៈទាំងនេះបាន ហើយក៏អាចជួយយើងក្នុងការរៀបចំផែនការសង្គ្រោះពេលកូនយើងប្រកាច់លើកក្រោយៗបានទៀតផង។