សុខភាពកុមារ Archives - Page 70 of 75

ចូលដល់រដូវក្តៅ ប៉ាម៉ាក់គួរថែទាំអាអូនបែបណាល្អ?

នៅពេលអាកាសធាតុក្តៅខ្លាំង ទារក និងកុមារតូចៗពិបាកក្នុងការរក្សាតុល្យភាពរាងកាយណាស់ ដូចនេះ តើប៉ាម៉ាក់គួរថែទាំកូនបែបណាល្អ? ពិតណាស់ ទារក និងកុមារតូចៗ មិនងាយបែកញើសខ្លាំងដូចមនុស្សពេញវ័យទេ ដែលកត្តានេះអាចធ្វើឲ្យក្មេងប្រឈមហានិភ័យក្នុងការឡើងកម្តៅខ្លាំង។ ប៉ាម៉ាក់គួរថែទាំកូនយ៉ាងម៉េចពេលស្ថិតក្នុងអាកាសធាតុក្តៅ? ប៉ាម៉ាក់គួរឱ្យកូនញ៉ាំទឹកឱ្យបានច្រើន។ សម្រាប់ទារកអាយុក្រោម៦ខែ ម៉ាក់គួរបំបៅដោះ ឬទឹកដោះគោ ប៉ុន្តែបើអូនអាយុចាប់ពី៦ខែឡើងទៅ យើងអាចបន្ថែមទឹកឆ្អិននៅចន្លោះពេលបំបៅដោះកូន។ បន្ថែមពីនេះ គួរស្លៀកសំលៀកបំពាក់ស្តើង និងរលុងឱ្យកូន ក៏ដូចជាជៀសវាងចេញទៅខាងក្រៅផ្ទះ។ ធ្វើម៉េចដឹងថាទារកក្តៅខ្លាំង? ដើម្បីដឹងថារាងកាយអាអូនក្តៅឬអត់ ប៉ាម៉ាក់គួរដាក់ដៃនៅលើទ្រូង ឬខ្នងរបស់កូន ពីព្រោះថាបរិវេណនេះ ធ្វើឱ្យយើងងាយដឹងថាកូនក្តៅ ជាងដៃ ឬជើងអាអូន ពីព្រោះជាទូទៅ ដៃ ឬជើងមានសីតុណ្ហភាពត្រជាក់ជាងរាងកាយរបស់ពួកគេ។ [embed-health-tool-baby-poop-tool] ធ្វើម៉េចដឹងថា កូនទទួលបានជាតិទឹកគ្រប់គ្រាន់? សញ្ញាមួយដែលបញ្ជាក់ថា កូនទទួលបានជាតិទឹកគ្រប់គ្រាន់ គឺនៅពេលដែលប៉ាម៉ាក់ផ្លាស់ប្តូរខោទឹកនោមឱ្យកូនចន្លោះពី៦ ទៅ៨ខោ នៅក្នុងរយៈពេល២៤ម៉ោង ដែលមានន័យថា កូនមានជាតិទឹកគ្រប់គ្រាន់សម្រាប់បញ្ចេញចោល។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! សញ្ញាបញ្ជាក់ថាកូនមានបញ្ហាស្រ្តេសដោយសារកម្តៅ អស់កម្លាំង ឬរញ៉ាំរញ៉ូវ ស្បែកស្ងួត និងក្តៅ បែកញើសច្រើន បរិមាណនៃការបែកញើសថយចុះ នៅពេលដែលស្រ្តេសដោយសារកម្តៅវិវត្តន៍ទៅជាការសន្លប់ដោយសារកម្តៅ។ ហេតុនេះហើយ ប៉ាម៉ាក់គួរបន្ថយកម្តៅកូន ដោយឱ្យកូនងូតទឹកក្តៅឥណ្ហៗឱ្យបានញឹកញាប់ ប៉ុន្តែកុំប្រើទឹកត្រជាក់ឱ្យសោះ! ចំណុចសំខាន់ នៅពេលអាកាសធាតុក្តៅខ្លាំង ទារក និងកុមារតូចៗពិបាកក្នុងការរក្សាតុល្យភាពរាងកាយណាស់ ដូចនេះ តើប៉ាម៉ាក់គួរថែទាំកូនបែបណាល្អ? ពិតណាស់ […]

បញ្ហាសុខភាពកុមារផ្សេងទៀត

ក្មេងញ៉ាំពពួកថ្នាំបញ្ចុះកម្តៅលើសកម្រិត ទៅជាខូចគ្រឿងក្នុង

អាងតែជាប្រភេទថ្នាំដែលយើងអាចរកទិញបានដោយគ្មានវេជ្ជបញ្ជា ម៉ាក់ប៉ាមួយចំនួនបានឲ្យកូនតូចញ៉ាំថ្នាំបញ្ចុះកម្តៅលើសកំណត់។ ការធ្វើបែបនេះប៉ះពាល់ដល់សុខភាពក្មេងខ្លាំង ដែលយូរៗទៅអាចប្រឈមនឹងការខូចថ្លើម។ នាយកមន្ទីរពេទ្យកុមារជាតិ លោកវេជ្ជបណ្ឌិត ញឹប អង្គាបុស្ស ពន្យល់ថា ប្រភេទថ្នាំបញ្ចុះកម្តៅក្មេងៗបើយើងប្រើបានត្រឹមត្រូវតាមការកំណត់ឲ្យប្រើដែលមានលើប្រអប់ថ្នាំ ឬកំណត់សម្គាល់ និងកាលបរិច្ឆេទ ដែលភ្ជាប់ក្នុងប្រអប់ថ្នាំ ទៅតាមអាយុ និងគីឡូ នោះមិនប៉ះពាល់សុខភាពក្មេងទេ តែភាគច្រើនប្រើខុស។ លោកបន្ត “ជាធម្មតាពពួកថ្នាំប៉ារ៉ាសេតាមុលអីហ្នឹងពេញនិយមណាស់ ទិញទុកសឹងតែគ្រប់ផ្ទះ ហើយឲ្យកូនក្តៅខ្លួនឪពុកម្តាយដឹងតែឲ្យកូនញ៉ាំ តែពួកគាត់អត់ដឹងពីផលប៉ះពាល់ ឬអត់ដឹងពីកម្រិតគេប្រើ ជួនកាលកូនតូចគេតម្រូវឲ្យញ៉ាំតែពាក់កណ្តាលគ្រាប់ គាត់ឲ្យញ៉ាំ១គ្រាប់ ឯពេលខ្លះគេកំណត់ឲ្យញ៉ាំ ៤-៦ ម៉ោង/ម្តង គាត់ដាក់ ២ម៉ោង/ម្តង អ៊ីចឹងទៅជាខូចថ្លើម”។ អត្ថបទពាក់ព័ន្ធ៖ តិចនិកបញ្ចុះកម្តៅកូនតូចៗពេលក្តៅខ្លួនខ្លាំង មិនឲ្យគ្រោះថ្នាក់ដល់ជីវិត វេជ្ជបណ្ឌិត ញឹប អង្គាបុស្ស ប្រធានមន្ទីរពេទ្យកុមារជាតិ ហេតុអីញ៉ាំថ្នាំបញ្ចុះកម្តៅលើសកម្រិតធ្វើឲ្យខូចថ្លើម? ថ្លើមជាសរីរាង្គធ្វើមេតាបូលីស នៅពេលយើងលេបថ្នាំចូលទៅ ថ្លើមនឹងព្យាយាមបំបែក ដែលធ្វើឲ្យកោសិកាថ្លើមរងការខូចខាត ប៉ុន្តែរាងកាយយើងអាចជួសជុលការខូចខាតនេះបាន ប្រសិនបើកម្រិតដែលចូលមកក្នុងបរិមាណត្រឹមត្រូវ។ ក្នុងករណីបរិមាណដែលយើងញ៉ាំចូលមកក្នុងច្រើនហួសហេតុ សរីរាង្គថ្លើមនឹងព្យាយាមធ្វើមេតាបូលីសបំបែកទ្វេដង ជាហេតុនាំឲ្យរាងកាយមិនអាចជួសជុលឲ្យមកសភាពធម្មតាវិញបានទេ ដូច្នេះកោសិកាថ្លើមក្រិនឈានទៅខូចថ្លើម។ ទោះជាថ្នាំបញ្ចុះកម្តៅអាចប្រើបានដោយគ្មានវេជ្ជបញ្ជាក្តី លោកនាយកមន្ទីរពេទ្យកុមារជាតិ សំណូមពរឲ្យម្តាយឪពុកត្រូវដឹង ឬសាកសួរគ្រូពេទ្យពីកម្រិតថ្នាំដែលត្រូវប្រើ និងចន្លោះពេលប្រើ មុនឲ្យកូនញ៉ាំ នោះទើបមិនមានបញ្ហាសុខភាពទៅថ្ងៃមុខ។