ខណៈការឆ្លងនៃវីរុសអូមីក្រុង ចាប់ផ្ដើមស្រកចុះនៅក្នុងតំបន់ខ្លះនៃសហរដ្ឋអាមេរិក អ្នកវិទ្យាសាស្ត្រសង្កេតឃើញថាមានការប្រែប្រួលនៃមេរោគឆ្លងផ្សេងទៀតដែលកំពុងរីករាលដាលយ៉ាងឆាប់រហ័សនៅតំបន់អាស៊ី និងអឺរ៉ុប។ វីរុសបំប្លែងនេះ ត្រូវបានគេហៅថាជាផ្លូវការថា វីរុសអូមីក្រុងបំប្លែង BA.2។

តើវីរុសអូមីក្រុង BA.2 ជាអ្វី?

វេជ្ជបណ្ឌិតសាស្ត្រាចារ្យ Emma Hodcroft ឯកទេសខាងរោគរាតត្បាតនៅសាកលវិទ្យាល័យ Bern នៃប្រទេសស្វីស បានឲ្យដឹងថា៖ «យើងអាចគិតថាវីរុសអូមីក្រុងបំប្លែង BA.2 ជាបងប្អូនបង្កើនរបស់ BA.1។ វីរុសទាំង២ នេះមានការបម្រែបម្រួលស្រដៀងគ្នាច្រើនប្រហែល ៣០ប្រភេទ ឬច្រើនជាងនេះ ប៉ុន្តែវីរុសទាំងនេះក៏មានភាពបម្រែបម្រួលពិសេសជាច្រើនទៀតផងដែរ»។

កាលពីខែវិច្ឆិកាឆ្នាំទៅនេះ នៅពេលអ្នកវិទ្យាសាស្ត្រនៅអាហ្វ្រិកខាងត្បូង និងបូតស្វាណាបានរកឃើញវីរុសអូមីក្រុង ពួកគេមិនបានរកឃើញតែមួយប្រភេទនោះទេ គឺសរុប ៣ប្រភេទ (BA.1, BA.2, និង BA.3) ដោយក្រុមអ្នកស្រាវជ្រាវនៃសាកលវិទ្យាល័យ Edingburgh។ តាំងពីដើមមកវីរុស BA.1 មានភាពរាលដាលលឿនជាងប្រភេទ BA.2 និង BA.3។

គណនា BMI

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

កម្មវិធីពិនិត្យបញ្ហាលិង្គមិនឡើងរឹងអនឡាញ

តើវីរុសអូមីក្រុងបំប្លែង BA.2 អាចឆ្លងបានដូច BA.1 ដែរឬទេ?

ច្រើនសប្ដាហ៍កន្លងទៅនេះ វីរុសអូមីក្រុង BA.2 បានចាប់ផ្ដើមធ្វើឲ្យអ្នកវិទ្យាសាស្ត្រភ្ញាក់ផ្អើល ដោយសារនៅក្នុងប្រទេសមួយចំនួនមានករណីវិជ្ជមានវីរុសអូមីក្រុង BA.2 កើនឡើងច្រើន។ បច្ចុប្បន្ន ស្របពេលដែលករណីវិជ្ជមានជំងឺកូវីដចាប់ផ្ដើមធ្លាក់ចុះ ប្រទេសដាណឺម៉ាកកំពុងរីករាលដាលយ៉ាងឆាប់រហ័សនៃវីរុសអូមីក្រុងបំប្លែង BA.2 ម្ដង។

ចាប់តាំងពីសប្ដាហ៍ទី២ ខែមករា នេះមក វីរុសអូមីក្រុងបំប្លែង BA.2 បានបណ្ដាលឲ្យមានករណីវិជ្ជមានច្រើនជាង ៥០% នេះបើតាមការឲ្យដឹងពីវិទ្យាស្ថាន Statens Serum Institut នៅទីក្រុង Copenhagen ប្រទេសដាណឺម៉ាក។ យ៉ាងណាមិញ វីរុសអូមីក្រុងបំប្លែង BA.2 ក៏កំពុងរីករាលដាលក្នុងល្បឿនយ៉ាងលឿននៅក្នុងប្រទេសអង់គ្លេស និងអាល្លឺម៉ង់ ដែលបង្កឲ្យមានករណីវិជ្ជមានយ៉ាងហោចណាស់ ៥% នៃករណីសរុបក្នុងប្រទេសទាំងពីរ។

តើវីរុសអូមីក្រុងបំប្លែង BA.2 គ្រោះថ្នាក់ជាង BA.1?

ការសិក្សាជាច្រើនបានបង្ហាញថា វីរុសប្រភេទ BA.1 គ្មានហានិភ័យខ្ពស់បង្កឲ្យយើងធ្លាក់ខ្លួនឈឺធ្ងន់ទេ បើប្រៀបធៀបនឹងវីរុសបំប្លែង Delta នៃជំងឺកូវីដ-១៩។ អ្នកវិទ្យាសាស្ត្របានរកឃើញថា អ្នកជំងឺមិនប្រឈមនឹងការចូលព្យាបាលនៅមន្ទីរពេទ្យទេ ប្រសិនបើឆ្លងវីរុសប្រភេទ BA.2 ប៉ុន្តែទៅថ្ងៃខាងមុខទៀត វាអាចផ្លាស់ប្ដូរយ៉ាងណាទៀតនៅមិនទាន់ដឹងច្បាស់នៅឡើយ។

ទោះជាយ៉ាងណាក៏ដោយ យើងទាំងអស់គ្នានៅតែអាចការពារសុខភាពពីការធ្លាក់ខ្លួនឈឺធ្ងន់បានប្រសិនបើឆ្លងវីរុសកូរ៉ូណាគ្រប់ប្រភេទដោយការចាក់វ៉ាក់សាំងការពារឲ្យបានគ្រប់ដូស រាប់ទាំងដូសជំរុញផងដែរ ដើម្បីសុវត្ថិភាពសុខភាពផ្ទាល់ខ្លួន និងចៀសវាងការចម្លងទៅមនុស្សជាទីស្រលាញ់ជុំវិញខ្លួន។

វីរុសអូមីក្រុងបម្លែង BA.2

អាន៖

អ្នកវិទ្យាសាស្ត្របង្កើនការប្រុងប្រយ័ត្ន ខណៈវីរុសអូមីក្រុងបំប្លែង BA.2 រាលដាល

តើ​វីរុស​អូមីក្រុង BA.2 ជាអ្វី?

តើ​វីរុស​អូមីក្រុង​បំប្លែង BA.2 អាច​ឆ្លង​បាន​ដូច BA.1 ដែរ​ឬ​ទេ?

តើ​វីរុស​អូមីក្រុង​បំប្លែង BA.2 គ្រោះ​ថ្នាក់​ជាង BA.1?

តើវីរុសអូមីក្រុង BA.2 ជាអ្វី?

តើវីរុសអូមីក្រុងបំប្លែង BA.2 អាចឆ្លងបានដូច BA.1 ដែរឬទេ?

តើវីរុសអូមីក្រុងបំប្លែង BA.2 គ្រោះថ្នាក់ជាង BA.1?