ជំងឺឆ្លង

កម្ពុជាបន្ត​រក​ឃើញ​​ករណី​វិជ្ជមានកូវីដ ១៩ ចំនួន ៥៨៩នាក់ ជាសះស្បើយ ៩៤៥នាក់ និងស្លាប់ ៣នាក់ នៅ​​ថ្ងៃទី​០៦ មិថុនា ២០២១។ ក្នុង​សេចក្តី​​ប្រកាស​​ព័ត៌មា​ន​ខ្លី​​របស់​​ក្រសួង​​សុខាភិបាល​​នៅ​ថ្ងៃនេះ​បញ្ជាក់ថា ក្នុង​​ចំណោម​អ្នក​​ឆ្លង​ទាំង ៥៨៩នាក់ មានករណី​នាំ​ចូល​ពី​ក្រៅ​ប្រទេស ២៧នាក់។ – សរុបតួលេខឆ្លងកូវីដ ១៩ ទូទាំងប្រទេស៖ ៣៤ ៨៣៣នាក់ – ជាសះស្បើយ៖ ២៨ ០៩២នាក់ – ស្លាប់៖ ២៦៦នាក់

នៅថ្ងៃទី ០៥ មិថុនា​ ២០២១​ មានអ្នកស្លាប់ដោយសារជំងឺកូវីដ-១៩ ចំនួន ១១នាក់ ខណៈអ្នកឆ្លងថ្មីមាន ៦៣១នាក់​ និងអ្នកជាសះស្បើយ ១០៦៩នាក់។ – សរុបតួលេខឆ្លងកូវីដ ១៩ ទូទាំងប្រទេស៖ ៣៤ ២២៤នាក់ – ជាសះស្បើយ៖ ២៧ ១៤៧នាក់ – ស្លាប់៖ ២៦៣នាក់

វិទ្យាស្ថានប៉ាស្ទ័របាន​រកឃើញវីរុសបំប្លែងថ្មី ប្រភេទ B.1.617 លើ​អ្នកជំងឺ​ជា​ពលករ​ខ្មែរ ចំនួន ៣នាក់ ដែល​ទើប​ត្រលប់​មកពី​ប្រទេសថៃ នៅថ្ងៃទី៤ មិថុនា ២០២១នេះ។ អ្នក​ជំងឺ​ដែល​ជា​ពលករ​ខ្មែរទាំង ៣នាក់នោះ មាន​ស្ត្រី២នាក់ និង​​បុរស​ម្នាក់ ដោយ​ម្នាក់​កំពុង​សម្រាក​ព្យាបាល​នៅ​មន្ទីរពេទ្យ​ខេត្ត​ឧត្តរមានជ័យ ម្នាក់កំពុង​សម្រាក​ព្យាបាល​នៅ​មន្ទីរពេទ្យ​ឯកភ្នំ ខេត្ត​បាត់ដំបង និង​ម្នាក់​ទៀត​សម្រាក​ព្យាបាល​នៅ​មន្ទីរពេទ្យ​មោងឫស្សី ខេត្ត​បាត់ដំបង។ នៅ​ក្នុង​សេចក្តីជូនព័ត៌មាន​របស់​ក្រសួង​សុខាភិបាលចេញ​នៅ​យប់នេះ បាន​បញ្ជាប់​ថា  វីរុស​បំប្លែង​ថ្មី​ប្រភេទ B.1.617 ដែល​ពិភពលោក​មាន​ការព្រួយ​បារម្ភ​ខ្លាំងនេះ ត្រូវ​បាន​គេរក​ឃើញ​នៅ​បណ្តា​ប្រទេស​ចំនួន៧ ហើយ នៅក្នុង​តំបន់​អាស៊ាន​យើងនេះ  ក្នុងនោះ​មាន​ប្រទេស​ឥណ្ឌូនេស៊ី ម៉ាឡេស៊ី ហ្វីលីពីន សឹង្ហបុរី ថៃ វៀតណាម និងកម្ពុជា។

ស្ត្រីពពោះ​វ័យ ២៥ឆ្នាំ រួម​ទាំងស្វាមី នៅ​ឃុំ អ្នកលឿង ស្រុ​កពាមរក៍ ខេត្ត ព្រៃវែង បាន​ចូល​សម្រាល​កូន​នៅ​មន្ទីពេទ្យនាថ្ងៃទី៣ មិថុនានេះ តេស្ត​សំណាក​ឃើញ​វិជ្ជមានកូវីដ ១៩ ទាំង ២នាក់ប្តីប្រពន្ធ។ បើ​តាម​ការ​ផ្សព្វផ្សាយ​របស់​មន្ទីរ​ព័ត៌មាន​ខេត្ត​ព្រៃវែង ស្រ្តី​ខាងលើ​មាន​មុខ​របរ​ជា​កម្មការិនី​រោងចក្រ​នៅ​រាជធានី​ភ្នំពេញ មក​ស្រុក​នៅ​ខេត្ត​ព្រៃវែង ដើម្បី​សម្រាល​កូន  សង្ស័យ​ក៏​តេស្តរហ័ស រក​ឃើញវិជ្ជមានកូវីដ ១៩ ទាំង២នាក់។ បច្ចុប្បន្ន​អ្នក​ទាំង ២ ត្រូវ​បាន​ក្រុម​គ្រូពេទ្យ​ដាក់​ព្យាបាល​នៅ​មន្ទីរពេទ្យ​បង្អែក​អ្នក​លឿង។

កម្ពុជា​បន្តរកឃើញអ្នកឆ្លងជំងឺកូវីដ-១៩ថ្មី ចំនួន ៨៨៦នាក់ ជាសះស្បើយចំនួន ៧៨១នាក់ និងមានករណីស្លាប់ថ្មីចំនួន ៦នាក់ នៅថ្ងៃទី៣ មិថុនា ២០២១។ – សរុបតួលេខឆ្លងកូវីដ ១៩ ទូទាំងប្រទេស៖ ៣៣ ០៧៥នាក់ – ជាសះស្បើយ៖ ២៥ ៥៤៤នាក់ – ស្លាប់៖ ២៤២នាក់

ខេត្តចំនួន៤ ក្នុង​នោះ​មាន​ខេត្ត​ព្រះសីហនុ កំពង់ស្ពឺ កណ្ដាល និង​បន្ទាយមានជ័យ រក​ឃើញ​អ្នក​ឆ្លង​កូវីដ ១៩ ថ្មី ច្រើន​ជាង ១០០នាក់ ក្នុង​រយៈពេល ២៤ម៉ោង នេះ​បើ​តាម​ការ​ប្រកាស​របស់​អនុគណៈកម្មការ​ស្រាវជ្រាវ​ជំងឺ​កូវីដ ១៩។ ដោយឡែក​នៅ​រាជធានី​ភ្នំពេញ​វិញ អនុ​គណៈកម្មការ​ខាងលើ​អះអាង​ថា ចំនួន​អ្នក​ឆ្លង​​ថ្មីនៅ​ថ្ងៃទី ០២ មិថុនា ២០២១ មាន​ការ​ថយចុះ តែ​មិន​បានបញ្ជាក់​ចំនួន​ប៉ុន្មាន​នោះ​ទេ ស្រប​ពេល​ដែល​រដ្ឋបាល​រាជធានី​ភ្នំពេញ​ខាន​ចេញ​ផ្សាយ​តួលេខ និង​អត្ត​សញ្ញាណ​អ្នក​ឆ្លង​កូវីដ ១៩ ថ្មី ជា​ច្រើន​ថ្ងៃ​មកហើយ។ នៅ​ថ្ងៃទី២ មិថុនា ២០២១ តួលេខ​​ឆ្លង​​កូវីដ ១៩ ថ្មី នៅ​​ទូទាំង​ប្រទេស មាន​​ចំនួន ៧២៩នាក់ (​ព្រឹត្តិការណ៍​សហគមន៍ ៧០០ករណី និង​នាំ​ចូល​ពី​ក្រៅប្រទេស ២៩ករណី) និង​​មាន​​ករណី​​ជា​សះស្បើយ​​ពី​​កូវីដ ១៩ ចំនួន ៧២១នាក់ ស្លាប់ ៦នាក់។

តួលេខ​ឆ្លង​កូវីដ ១៩ ថ្មី នៅ​ទូទាំង​ប្រទេស មាន​ចំនួន ៧២៩នាក់ ក្នុង​នោះ​មាន​អ្នក​ឆ្លង​ក្នុង​ព្រឹត្តិការណ៍​សហគមន៍ ៧០០ករណី និង​នាំ​ចូល​ពី​ក្រៅប្រទេស ២៩ករណី។ បើ​តាម​សេចក្តី​ជូនព័ត៌មាន​សង្ខេប​ខ្លីរបស់​ក្រសួង​សុខាភិបាល​នៅ​ថ្ងៃទី២ មិថុនា ២០២១ ក៏​មាន​ករណី​ជា​សះស្បើយ​ពី​កូវីដ ១៩ ចំនួន ៧២១នាក់ និងស្លាប់ ៦នាក់។ – សរុបតួលេខឆ្លងកូវីដ ១៩ ទូទាំងប្រទេស៖ ៣២ ១៨៩នាក់ – ជាសះស្បើយ៖ ២៤ ៧៦៣នាក់ – ស្លាប់៖ ២៣៦នាក់

អង្គការសុខភាពពិភពលោក (WHO) បាន​ទទួល​ស្គាល់​ការ​ប្រើ​ប្រាស់​ជា​បន្ទាន់ ​នៃ​វ៉ាក់សាំង​កូវីដ-១៩ Sinovac កាល​ពី​ថ្ងៃ​អង្គារ ទី​០១ ខែ​មិថុនា ឆ្នាំ​២០២១​នេះ។ ការ​ទទួល​ស្គាល់​នេះ បើក​ផ្លូវ​ឲ្យ​វ៉ាក់សាំង​ទី​២ ដែល​ផលិត​នៅ​ប្រទេស​ចិន ត្រូវ​បាន​ចែក​ចាយ​នៅ​ក្នុង​ចំណោម​ប្រទេស​កំពុង​អភិវឌ្ឍន៍។ បូករួមទាំងវ៉ាក់សាំង Sinovac នេះ មានវ៉ាក់សាំង​កូវីដ-១៩ ចំនួន ៦ប្រភេទហើយ ដែលទទួលស្គាល់ដោយអង្គការសុខភាពពិភពលោក។ ទីភ្នាក់ងារ​ផ្នែក​សុខភាព​របស់​អង្គការ​សហប្រជាជាតិ (The UN Health Agency) បាន​ផ្ដល់​ភ្លើង​ខៀវ​ដល់​វ៉ាក់សាំង ​Sinovac​ ក្រោយ​ទទួល​ស្គាល់​ថា វ៉ាក់សាំង ​Sinovac បំពេញ​តាម​ស្តង់ដារ​អន្តរជាតិ​សម្រាប់​សុវត្ថិភាព ផលិតភាព និង​ផលិតកម្ម។ គួរ​ឲ្យ​ដឹង​ផង​ដែរ​ថា កន្លងមក​អង្គការ​សុខភាព​ពិភពលោក (WHO) បាន​ផ្ដល់​ការ​ចុះ​បញ្ជី​ការ​ប្រើ​ប្រាស់​បន្ទាន់​ដល់​វ៉ាក់សាំង​កូវីដ-១៩​ចំនួន ​៥ ​ប្រភេទ​ទៀត រួម​មាន Pfizer-BioNTech, Moderna, Jonhson&Jonhson, Astrezeneca (ទាំង​ផលិត​នៅ​ឥណ្ឌា និង​កូរ៉េ​ខាងត្បូង) និង Sinopharm ​ជា​វ៉ាក់សាំង​ដំបូង​ផលិត​ដោយ​ប្រទេស​ចិន ដែល​ទទួល​ស្គាល់​ដោយ ​WHO។ យោង​តាម​ការ​ផ្សព្វផ្សាយ​របស់​ AFP វ៉ាក់សាំង​ Sinovac កំពុង​ចរាចរណ៍​ឲ្យ​ចាក់​ការពារ​ជំងឺ​កូវីដ-១៩​ នៅ​ក្នុង​ប្រទេស​ចំនួន ២២ […]

ស្ថានភាព​ជំងឺកូវីដ ១៩ នៅថ្ងៃទី១ មិថុនា ២០២១ នេះ មាន​អ្នក​​ថ្មី ចំនួន ៧៥០នាក់ និង​ជា​សះស្បើយ ៦៥៣នាក់ ខណៈអ្នកស្លាប់មានដល់ទៅ ១០នាក់។ – សរុបតួលេខឆ្លងកូវីដ ១៩ ទូទាំងប្រទេស៖ ៣១ ៤៦០នាក់ – ជាសះស្បើយ៖ ២៤ ០៤២នាក់ – ស្លាប់៖ ២៣០នាក់

ស្ថានភាពជំងឺ​កូវីដ ១៩ នៅថ្ងៃទី៣១ ខែឧសភា ឆ្នាំ២០២១ មាន​ករណី​ឆ្លង​ថ្មីចំនួន ៦១៦នាក់ ដែលនៅតែជាតួលេខខ្ពស់ គួរឲ្យបារម្ភដដែល។ ក្រៅ​ពី​ករណីវិជ្ជមានខាង​លើ ក៏មានអ្នកជាសះស្បើយពីកូវីដ ១៩ ចំនួន ៧៥៣នាក់ និងស្លាប់ ៦នាក់។ – សរុបតួលេខឆ្លងកូវីដ ១៩ ទូទាំងប្រទេស៖ ៣០ ៧១០នាក់ – ជាសះស្បើយ៖ ២៣ ៣៨៩នាក់ – ស្លាប់៖ ២២០នាក់