ជំងឺទឹកនោមផ្អែម អាចបំផ្លាញសរសៃពួរបាន តើហេតុអ្វី?

បើមានអាការៈឈឺចាប់នៅពេលធ្វើចលនា វាអាចបណ្ដាលមកពីសរសៃពួរ ដែលភ្ជាប់សាច់ដុំទៅកាន់ឆ្អឹង។ កម្រិតជាតិស្ករក្នុងឈាមខ្ពស់ ក៏អាចជំរុញឲ្យមានបញ្ហាសរសៃពួរផងដែរ។ ពិតណាស់ សរសៃពួរពាសពេញរាងកាយ រួមទាំងស្មា ដើមដៃ កដៃ ត្រគាក ជង្គង់ និងកជើង ហើយសរសៃពួរទាំងនេះផ្ទេរកម្លាំងពីសាច់ដុំ ទៅកាន់ឆ្អឹងរបស់យើង ដើម្បីឲ្យយើងអាចធ្វើចលនាបាន។

យ៉ាងណាមិញ បើយើងមិនអាចគ្រប់គ្រងជំងឺទឹកនោមផ្អែមបានល្អទេនោះ សរសៃពួរអាចឡើងក្រាស់ និងងាយដាច់រហែកថែមទៀតផង។

ជំងឺទឹកនោមផ្អែមធ្វើឲ្យសរសៃពួរឈឺចាប់យ៉ាងដូចម្ដេច?

ការខូចសរសៃពួរដោយជំងឺទឹកនោមផ្អែមប្រភេទ១ និងប្រភេទ២ កើតឡើង ពីព្រោះតែសារធាតុ advanced glycation end products (AGEs) ដែលកើតឡើងនៅពេលដែលប្រូតេអ៊ីន ឬជាតិខ្លាញ់លាយបញ្ចូលគ្នាជាមួយនឹងជាតិស្ករនៅក្នុងចរន្តឈាម។

ជាធម្មតា រាងកាយយើងបង្កើតសារធាតុ AGEs ក្នុងល្បឿនយឺត និងថេរ។ ប៉ុន្តែនៅពេលដែលយើងមានជំងឺទឹកនោមផ្អែម ជាតិស្ករបន្ថែមនៅក្នុងឈាមនឹងបង្កើនល្បឿន ដែលធ្វើឲ្យប៉ះពាល់ដល់សរសៃពួរ។ ជាក់ស្ដែងសារធាតុAGEsអាចធ្វើឲ្យរចនាសម្ព័ន្ធរបស់សរសៃពួរមានការផ្លាស់ប្ដូរ និងអាចប៉ះពាល់ដល់មុខងាររបស់វាថែមទៀតផង។ នៅពេលដែលសរសៃពួរក្រាស់ជាងធម្មតា វានឹងមិនអាចទប់ទល់នឹងទម្ងន់ច្រើនដូចពីមុនបានឡើយ។

បញ្ហាសរសៃពួរមួយចំនួនដែលកើតឡើង ប្រសិនបើយើងមិនអាចគ្រប់គ្រងជំងឺទឹកនោមផ្អែមបានល្អមានដូចជា៖

គាំងស្មា
រហែកសាច់ដុំត្រង់ស្មា
បត់ម្រាមដៃមិនកើត ឬគាំង
ជំងឺCarpal Tunnel Syndrome
ជំងឺDupuytren’s contracture

ជាទូទៅការខូចសរសៃពួរនឹងធ្វើឲ្យយើងមានការឈឺចាប់ និងអាចរារាំងដល់ការធ្វើចលនាសន្លាក់របស់យើងផងដែរ។ ទោះបីជាយើងព្យាបាលរួចដោយការវះកាត់យ៉ាងណាក្ដី ក៏សរសៃពួរអាចដាច់រហែកម្ដងទៀតដូចគ្នា។

តើការខូចសរសៃពួរអាចប៉ះពាល់ដល់ជំងឺទឹកនោមផ្អែមដែរឬទេ?

លំហាត់ប្រាណមានសារសំខាន់ណាស់ ដើម្បីជួយយើងក្នុងការគ្រប់គ្រងជំងឺទឹកនោមផ្អែមបានល្អ ប៉ុន្តែយើងអាចនឹងពិបាកក្នុងការធ្វើលំហាត់ប្រាណនៅពេលដែលសរសៃពួររបស់យើងឈឺចាប់ និងចុករួយ។

ការខូចសរសៃពួរAchilles នៅខាងក្រោយកែងជើង អាចរឹតត្បិតដល់ចលនានៃកជើង ដែលអាចដាក់សម្ពាធបន្ថែមនៅកណ្ដាលប្រអប់ជើងរបស់យើង ដែលបង្កើនឱកាសនៃការឈឺចាប់ប្រអប់ជើង។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

ឈឺសរសៃពួរ២

យើងអាចការពារ និងព្យាបាលការខូចសរសៃពួរដោយរបៀបណា?

វិធីសាស្ត្រដ៏ល្អបំផុតដើម្បីជៀសឆ្ងាយពីបញ្ហាសរសៃពួរគឺគ្រប់គ្រងជំងឺទឹកនោមផ្អែមឲ្យបានល្អ ដោយធ្វើឲ្យជាតិស្ករក្នុងឈាមថយចុះ តាមរយៈរបបអាហារ ការធ្វើលំហាត់ប្រាណ និងការញ៉ាំថ្នាំជាប្រចាំ។ ប្រសិនបើយើងលើសទម្ងន់ ចូរព្យាយាមសម្រកទម្ងន់បន្ថែម ដើម្បីជួយពង្រឹងសុខភាព ក៏ដូចជាបន្ថយសម្ពាធសរសៃពួរក្នុងពេលតែមួយ។

អត្ថបទគួរអាន៖

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នូ សោភ័ណ្ឌ · កែ 24/05/2022

ជំងឺ​ទឹក​នោម​ផ្អែម​ អាច​បំផ្លាញ​​សរសៃ​ពួរបាន តើហេតុអ្វី?

​​​ជំងឺ​ទឹក​នោម​ផ្អែម​ធ្វើ​ឲ្យ​សរសៃ​ពួរ​ឈឺចាប់​យ៉ាង​ដូច​ម្ដេច​?

តើ​ការ​ខូច​សរសៃ​ពួរ​អាច​ប៉ះពាល់​ដល់​ជំងឺ​ទឹក​នោម​ផ្អែម​ដែរ​ឬ​ទេ​?

យើង​អាច​ការពារ​ និង​ព្យាបាល​ការ​ខូច​សរសៃ​ពួរ​ដោយ​របៀប​ណា​?​​​​

ជំងឺទឹកនោមផ្អែម អាចបំផ្លាញសរសៃពួរបាន តើហេតុអ្វី?

ជំងឺទឹកនោមផ្អែមធ្វើឲ្យសរសៃពួរឈឺចាប់យ៉ាងដូចម្ដេច?

តើការខូចសរសៃពួរអាចប៉ះពាល់ដល់ជំងឺទឹកនោមផ្អែមដែរឬទេ?

យើងអាចការពារ និងព្យាបាលការខូចសរសៃពួរដោយរបៀបណា?