ប៉េងប៉ោះ បន្លែរួមចំណែកបង្ការ​ជំងឺ​មហារីក​ក្រពះ

    ប៉េងប៉ោះ បន្លែរួមចំណែកបង្ការ​ជំងឺ​មហារីក​ក្រពះ

    ផ្លែ​ប៉េងប៉ោះ​​សម្បូរទៅ​ដោយ​​សារធាតុ​Lycopene ​ជា​សារធាតុ​ប្រឆាំង​នឹង​អុកស៊ីតកម្ម​ដែល​ផ្ដល់​អត្ថប្រយោជន៍​ជា​ច្រើន​ដល់​សុខភាព​ ដូចជា​កាត់បន្ថយ​ហានិភ័យ​នៃ​ជំងឺ​បេះដូង​ និង​ជំងឺ​មហារីក​។ យោង​តាម​ការ​សិក្សា​ថ្មី​មួយ​បាន​បង្ហាញ​ថា​ សារធាតុ​នៅ​ក្នុង​ផ្លែ​ប៉េងប៉ោះ​ អាច​ជួយ​ទប់ស្កាត់​ការវិវដ្ដ​ និង​ការ​បង្កើន​ក្លូន​​ដ៏​សាហាវ​នៃ​​កោសិកា​មហារីក​ក្រពះ​​បាន​យ៉ាង​មាន​ប្រសិទ្ធភាព​។

    ផ្លែ​ប៉េងប៉ោះ​អាច​ការពារ ​ជំងឺ​មហារីក​ក្រពះ​

    បន្ទាប់​ពី​ធ្វើការ​វិភាគ​លើ​ផ្លែ​ប៉េងប៉ោះ ក្រុម​អ្នក​វិទ្យាសាស្ត្រ​បាន​រក​ឃើញ​ថា ​​ផ្លែ​ប៉េងប៉ោះ​មាន​សមត្ថភាព​ក្នុង​ការ​ព្យាបាល​ដោយ​​រារាំង​កោសិកា​មហារីក​ក្នុង​ការ​​ផ្លាស់ទី​ និង​​បាន​បញ្ឈប់​វដ្ដ​កោសិកា​តាមរយៈ​ការ​បញ្ជា​ប្រូតេអ៊ីន​គ្រួសារ និង​សម្លាប់​កោសិកា​មហារីក​​ដោយ​Apoptosis​យ៉ាង​ស័ក្ដិសិទ្ធិ។

    អ្វី​ទៅ​ជា​ជំងឺ​មហារីក​ក្រពះ​?

    ជំងឺ​មហារីក​ក្រពះ​ ជា​ប្រភេទ​ជំងឺ​មហារីក​ក្នុង​ក្រពះ​ ហើយ​វា​រាលដាល​ពាសពេញ​រាងកាយ​ ព្រម​ទាំង​អាច​កើត​នៅ​តំបន់​ណាមួយ​នៃ​ក្រពះ។​ យោង​តាម​របាយការណ៍​បាន​បញ្ជាក់​ថា ជំងឺ​មហារីក​នេះ​ពាក់ព័ន្ធ​នឹង​កត្តា​ហ្សែន​ ការ​ឆ្លង​មេរោគ​ Helicobacter pylori និង​ទម្លាប់​ញ៉ាំ​អាហារ​ប្រៃ​ពេក​ ឬ​ការ​​ជក់​បារី​ជា​ដើម​​។

    មហារីកក្រពះ

    រោគសញ្ញា​នៃ​ជំងឺ​មហារីក​ក្រពះ​

    រោគសញ្ញា​ទូទៅ​មួយ​ចំនួន​នៃ​ជំងឺ​មហារីក​ក្រពះ​ រួម​មាន​៖

    • ពិបាក​លេប​អាហារ​
    • ហើម​ពោះ​ បន្ទាប់​ពី​ញ៉ាំ​អាហារ​រួច
    • ​មាន​អារម្មណ៍​ឆ្អែត​ បន្ទាប់​ពី​ញ៉ាំ​អាហារ​តិចតួច​
    • ពិបាក​រំលាយ​អាហារ​
    • ចុក​ពោះ​
    • ស្រក​ទម្ងន់​
    • ក្រហាយ​ទ្រូង​
    • ចង្អោរ​
    • ក្អួត​។​

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព
    រូបថត​របស់​អ្នក​និពន្ធbadge
    ដោយ នូ សោភ័ណ្ឌ កែសម្រួល​ចុងក្រោយ 16/08/2021
    ត្រួតពិនិត្យដោយ វេជ្ជ. ចាន់ ស៊ីណេត