ត្រួតពិនិត្យដោយ គ្រូពេទ្យឯកទេស. សាស្ត្រាចារ្យវេជ្ជបណ្ឌិត គាន់ អូន · សម្ភពនិងរោគស្រ្តី · មន្ទីរពេទ្យកាល់ម៉ែត
មហារីកស្រទាប់ក្នុងស្បូន គឺជាមហារីកដែលកើតដំបូងនៅក្នុងស្បូន។ ស្បូនជាសរីរាង្គប្រហោងរាងដូចផ្លែសណ្ដែកបាយស្ថិតក្នុងអាងត្រគាករបស់ស្ដ្រីដែលជាកន្លែងគភ៌លូតលាស់។ ជំងឺនេះចាប់ផ្ដើមដំបូងនៅក្នុងស្រទាប់កោសិការបស់ស្រទាប់ក្នុងស្បូន (endometrium) ពេលខ្លះគេក៏អាចហៅវាថាមហារីកស្បូនផងដែរ។ លើសពីនេះទៀតនៅក្នុងស្បូនក៏អាចមានមហារីកផ្សេងទៀតផងដែរដូចជាមហារីកសាច់ដុំស្បូន (uterine sarcoma) ប៉ុន្ដែវាមិនសូវកើតមានដូចមហារីកស្រទាប់ក្នុងស្បូននោះទេ។ គេតែងរកឃើញជំងឺមហារីកស្រទាប់ក្នុងស្បូនបានលឿនព្រោះវាតែងធ្វើឲ្យហូរឈាមតាមទ្វារមាសខុសធម្មតាដែលធ្វើឲ្យស្ដ្រីឆាប់ទៅជួបគ្រូពេទ្យ។ ករណីដែលឆាប់រកឃើញមហារីកបាន នោះគេនឹងធ្វើការវះកាត់ស្បូនចេញហើយអ្នកជំងឺនឹងបានជាសះស្បើយ។
មហារីកស្រទាប់ក្នុងស្បូនតែងកើតទៅលើតស្ដ្រីក្រោយអស់រដូវជាពិសេសស្ដ្រីស្ថិតក្នុងអាយុ ៦០ឆ្នាំ ហើយវាមិនសូវកើតចំពោះស្ដ្រីអាយុក្រោម ៤៥ឆ្នាំទេ។ លើសពីនេះទៀតគេប្រទះឃើញមហារីកនេះច្រើនចំពោះស្រ្ដីជនជាតិស្បែកស ប៉ុន្ដែបើកើតទៅស្ដ្រីជនជាតិស្បែកខ្មៅ គឺច្រើនតែស្លាប់។ មានស្ដ្រីច្រើនជាង ៦០ម៉ឺននាក់បានរួចផុតពីជំងឺមហារីកនេះ ហេតុនេះសូមទៅពិគ្រោះជាមួយគ្រូពេទ្យសម្រាប់ព៌ត៍មានបន្ថែម។
រោគសញ្ញាទូទៅរបស់មហារីកស្រទាប់ស្បូនមាន៖
អាចមានរោគសញ្ញាដ៏ទៃទៀតដែលមិនបានរៀបរាប់ដូចខាងលើ ហេតុនេះបើស្រីៗយើងមានក្ដីបារម្មណ៍ទាក់ទងនឹងរោគសញ្ញាសូមទៅពិគ្រោះជាមួយវេជ្ជបណ្ឌិត។
បើឃើញមានសញ្ញា ឬអាការៈដូចដែលបានរៀបរាប់ខាងលើ ឬមានចម្ងល់ផ្សេងៗសូមទៅពិគ្រោះយោបល់ជាមួយគ្រូពេទ្យ។ រាងកាយរបស់យើងម្នាក់ៗដំណើរការខុសៗគ្នា ដូច្នេះវាជារឿងដែលល្អក្នុងការទៅពិគ្រោះជាមួយគ្រពេទ្យពីអ្វីដែលល្អសម្រាប់ខ្លួនយើង។
គ្រូពេទ្យមិនដឹងពីមូលហេតុជាក់ច្បាស់ដែលបណ្ដាលឲ្យកើតមហារីកនេះទេ ប៉ុន្ដែគេគ្រាន់ដឹងវាបានតាមរយៈកោសិកាដែលចែកខ្លួនក្នុងស្រទាប់ក្នុងស្បូន endometrium ដោយកោសិកាចែកខ្លួនប្រែទៅជាកោសិកាធម្មតាហើយកោសិកាធម្មតាប្រែទៅជាកោសិកាមិនប្រក្រតីវិញ។ កោសិកាធម្មតាលូតលាស់ និងចែកខ្លួនក្នុងកម្រិតមួយហើយក៏ស្លាប់ទៅវិញក្នុងរយៈពេលមួយផងដែរ រីឯកោសិកាមិនធម្មតាធំធាត់និងចែកខ្លួនខ្លាំងលើសកម្រិត ហើយវាក៏មិនស្លាប់នោះទេ។ កោសិកាដែលខុសប្រក្រតីនោះទៅផ្ដុំគ្នាបង្កើតបានជាដុំសាច់ (tumor) ហើយវារាលដាលទៅកាន់ជាលិកាដែលនៅក្បែរវាហើយអាចចែកខ្លួនចេញទៅកន្លែងផ្សេងទៀតក្នុងខ្លួនយើង (metastasize)។
កត្ដាប្រឈមធ្វើឲ្យកើតជំងឺមហារីកស្រទាប់ក្នុងស្បូនមានដូចជា៖
ធ្លាប់ព្យាបាលដោយកាំរស្មីអ៉ិចទៅលើអាងត្រគាកដើម្បីព្យាបាលមហារីកផ្សេងទៀតដោយឡែកអ្នកមានផ្ទៃពោះ ប្រើថ្នាំពន្យាកំណើត និងប្រើកងដាក់ក្នុងស្បូនអាចប្រឈមមុខទាបទៅនឹងមហារីកស្រទាប់ស្បូនខណៈពេលដែលកត្តាផ្សេងទៀតធ្វើឲ្យប្រឈមមុខខ្ពស់ទៅវិញ។ ខាងក្រោមនេះគេនឹងពិភាក្សាពីកត្តានិងឥទ្ធិពលរបស់មហារីកនេះ។
ព័ត៌មាននេះមិនអាចយកទៅប្រើប្រាស់គ្រប់ជំងឺនោះទេ។ គ្នាយើងគួរតែពិភាក្សា ជាមួយគ្រូពេទ្យ ឬឱសថការី មុនពេលប្រើប្រាស់ថ្នាំនេះ។
តេស្ដនិងវិធីធ្វើរោគវិនិច្ឆ័យមហារីកស្រទាប់ក្នុងស្បូនមានដូចជា៖
ធ្វើការវះកាត់យកជាលិកាទៅពិនិត្យ។ គេធ្វើវិធីនេះលុះត្រាតែការច្រឹបសាច់ជាលិកាមិនបានគ្រប់គ្រាន់ឬលទ្ធផលវាមិនទាន់ច្បាស់លាស់ហើយគេហៅវិធីនេះថា dilation និង curettage (D&C) ។ គេធ្វើការកោសយកជាលិកាពីស្រទាប់ក្នុងរបស់ស្បូនហើយពិនិត្យតាមមីក្រូស្កូបដើម្បីរកកោសិកាមហារីក។
ស្ដ្រីដែលកើតជំងឺមហារីកស្រទាប់ក្នុងស្បូនជាទូទៅគេព្យាបាលដោយការវះកាត់ដើម្បីកាត់ស្បូនចេញ (ការកាត់ស្បូន) ក៏ដូចជាដៃស្បូន និងអូវែ (ការកាត់ដៃស្បូននិងអូវែ)។ ស្រីៗយើងមិនអាចមានកូនបានទេក្រោយពេលធ្វើការកាត់យកស្បូនចេញហើយនឹងលេងមានរដូវបន្ទាប់ពីកាត់អូវែចេញ។ កំឡុងពេលធ្វើការវះកាត់គ្រូពេទ្យនឹងសង្កេតមើលតំបន់ជុំវិញស្បូនរបស់យើងដើម្បីរកមើលសញ្ញានៃការរីករាលដាលរបស់មហារីក ហើយគ្រូពេទ្យក៏អាចកាត់យកកូនកណ្ដុលទៅធ្វើតេស្ដដែលវាអាចជួយឲ្យដឹងពីដំណាក់កាលរបស់មហារីក។
ព្យាបាលដោយកាំរស្មីក្នុងកម្រិតថាមពលខ្ពស់ដូចជាកាំរស្មីអ៉ិចនិងប្រូតុងដើម្បីសម្លាប់កោសិកាមហារីក។ ជាក់ស្ដែងគ្រូពេទ្យនឹងស្នើសុំឲ្យអ្នកជំងឺបាញ់កាំរស្មីដើម្បីកាត់បន្ថយហានិភ័យប្រឈមទៅនឹងការរើឡើងវិញនៃមហារីកក្រោយវះកាត់។ ប៉ុន្ដែក្នុងករណីខ្លះគេក៏អាចប្រើកាំរស្មីមុនពេលវះកាត់ផងដែរដើម្បីបង្រួមដុំសាច់និងងាយស្រួលកាត់ចេញ។ តែបើអ្នកជំងឺមានសុខភាពមិនល្អក្នុងការវះកាត់ទេនោះ គេនឹងព្យាបាលត្រឹមតែកាំរស្មីប៉ុណ្ណោះ។ ចំពោះស្ដ្រីដែលស្ថិតក្នុងដំណាក់កាលចុងក្រោយវិញគេព្យាបាលដោយប្រើកាំរស្មីអាចជួយបំបាត់ការឈឺចាប់។
ការព្យាបាលដោយកាំរស្មីអាចទាក់ទងនឹង៖
ការព្យាបាលដោយប្រើអ័រម៉ូនដោយប្រើថ្នាំដែលមានឥទ្ធិពលដល់កម្រិតអ័រម៉ូនក្នុងខ្លួន។ វាអាចជាជំរើសល្អសម្រាប់អ្នកមានមហារីកស្ថិតក្នុងដំណាក់កាលចុងក្រោយហើយវារាលដាលចេញក្រៅស្បូន។
ការប្រើប្រាស់សារធាតុគីមីដើម្បីសម្លាប់កោសិកាមហារីកដោយលេបថ្នាំ ឬចាក់តាមសរសៃឈម។ គេប្រើវិធីនេះចំពោះស្ដ្រីដែលមហារីកស្ថិតក្នុងដំណាក់កាលចុងក្រោយ ឬរើឡើងវិញហើយវារាលដាលទៅក្រៅស្បូន។ ថ្នាំទាំងនេះចូលក្នុងសរសៃឈាមហើយធ្វើដំណើរឆ្លងកាត់ខ្លួនអ្នកជំងឺដោយសម្លាប់កោសិកាមហារីក។
ការថែទាំគឺជាវិធីពិសេសដែលផ្ដោតលើការឲ្យថ្នាំបំបាត់ការឈឺចាប់ និងបំបាត់រោគសញ្ញាធ្ងន់ធ្ងរដទៃទៀត។ លើសពីនេះទៀតអ្នកជំនាញខាងថែទាំនឹងសហការណ៍ជាមួយអ្នកជំងឺ គ្រួសារអ្នកជំងឺ និងគ្រូពេទ្យផ្នែកផ្សេងទៀតដើម្បីផ្ដល់នូវការព្យាបាលបន្ថែម។ ការថែទាំបន្ថែមនេះក៏អាចប្រើក្នុងការព្យាបាលផ្សេងៗទៀតដូចជាការវះកាត់ ព្យាបាលដោយសារធាតុគីមី ឬកាំរស្មី។ ពេលគេប្រើការថែទាំបន្ថែមជាមួយការព្យាបាលដទៃទៀតវានឹងជួយដល់អ្នកជំងឺមហារីកបានធូរស្រាលនិងរស់នៅបានយូរ។ ក្រុមគ្រូពេទ្យ គិលានុបដ្ឋាយិកា និងអ្នកជំនាញផ្នែកផ្សេងទៀតជាអ្នកផ្ដល់ការថែទាំបន្ថែមក្នុងគោលបំណងជួយឲ្យអ្នកជំងឺមហារីករស់នៅបានយូរ។
បំលាប់ប្ដូររបៀបរស់នៅនិងវិធីព្យាបាលនៅផ្ទះជួយពេលមានមហារីកស្រទាប់ស្បូន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ គ្រូពេទ្យឯកទេស.
សាស្ត្រាចារ្យវេជ្ជបណ្ឌិត គាន់ អូន
សម្ភពនិងរោគស្រ្តី · មន្ទីរពេទ្យកាល់ម៉ែត