ចំណាយពេលយូរក្នុងការសម្រាលកូន ជំងឺមហារីក និងការវះកាត់អាងត្រគាក សុទ្ធតែអាចបង្កទៅជាការធ្លាយរន្ធទ្វារមាស ដែលកើតឡើងនៅពេលជាលិកាទ្វារមាសជាប់ និងបង្កើតបានជារន្ធចន្លោះទ្វារមាស និងសរីរាង្គនៅប្រព័ន្ធទឹកនោម ឬប្រព័ន្ធរំលាយអាហារ។ ការធ្លាយរន្ធទ្វារមាសដែលកើតមានជាទូទៅ គឺនៅចន្លោះទ្វារមាស និងប្លោកនោម ហើយដើម្បីកែខៃបញ្ហានេះ យើងចាំបាច់ត្រូវធ្វើការវះកាត់។

បញ្ហាធ្លាយរន្ធទ្វារមាសកើតឡើងញឹកញាប់ប៉ុនណា?

យោងទៅតាមអង្គការសុខភាពពិភពលោកបានប៉ាន់ប្រមាណថា ស្ត្រីទូទាំងពិភពលោកចំនួន៥០ ០០០នាក់ ទៅ១០០ ០០០នាក់បានជួបបញ្ហាធ្លាយរន្ធទ្វារមាសជារៀងរាល់ឆ្នាំ។ ពិតណាស់ បញ្ហាទ្វារមាសមួយនេះ ច្រើនតែកើតឡើងក្នុងចំណោមស្ត្រីដែលរស់នៅក្នុងប្រទេសដែលមានបច្ចេកទេសសុខាភិបាលនៅមានកម្រិត។ សម្ពាធនៅពេលទារករុញច្រានប្រឆាំងនឹងជញ្ជាំងទ្វារមាស អាចកាត់ផ្ដាច់ការផ្គត់ផ្គង់ឈាមទៅជាលិកាទ្វារមាស ដែលបង្កជាការធ្លាយរន្ធទ្វារមាស។

គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

កត្តាបង្កឲ្យធ្លាយរន្ធទ្វារមាស

ជាទូទៅ កង្វះការផ្គត់ផ្គង់ឈាមទៅជាលិកាទ្វារមាស អាចបណ្ដាលឲ្យជាលិកាទ្វារមាសងាប់ និងនាំឲ្យធ្លាយរន្ធទ្វារមាស។ ការធ្លាយនេះអាចវិវត្តក្នុងរយៈពេលពីរបីថ្ងៃ ឬច្រើនឆ្នាំ។ យ៉ាងណាមិញ កម្រមានស្ត្រីដែលកើតមកមានបញ្ហាធ្លាយរន្ធទ្វារមាសពីកំណើតណាស់។

មូលហេតុបង្កឲ្យធ្លាយរន្ធទ្វារមាស រួមមាន៖

ការប្រើពេលសម្រាលកូនក្នុងរយៈពេលយូរ
ការដាច់រលាតទ្វារមាសអំឡុងពេលសម្រាលកូន
ការវះកាត់ពោះ ឬអាងត្រគាក រួមទាំងការវះកាត់សម្រាលកូន
ជំងឺមហារីកនៅបរិវេណអាងត្រគាក ដូចជាមហារីកមាត់ស្បូន ឬពោះវៀនធំ។
ជំងឺរលាកពោះវៀន
ការឆ្លងមេរោគពោះវៀន
ការព្យាបាលដោយកាំរស្មីនៅតំបន់អាងត្រគាក។

ធ្លាយទ្វារមាស២

រោគសញ្ញានៃការធ្លាយរន្ធទ្វារមាស

ជាមួយគ្នានេះដែរ ការធ្លាយរន្ធទ្វារមាសនៅចន្លោះទ្វារមាស និងសរីរាង្គប្រព័ន្ធទឹកនោម អាចបណ្ដាលឲ្យ៖

ការលេចធ្លាយទឹកនោមជាប់រហូត
ទឹកនោមមានក្លិនស្អុយរ៉ាំរ៉ៃ
រលាកស្បែកនៅក្នុងទ្វារមាស ឬនៅបរិវេណចន្លោះទ្វារមាស និងរន្ធគូថទ
ឈឺចាប់នៅពេលរួមភេទ
ការបង្ករោគលើផ្លូវទឹកនោម តម្រងនោម ឬទ្វារមាសជាបន្តបន្ទាប់

អត្ថបទគួរអាន៖

ចំណែកឯការធ្លាយរន្ធទ្វារមាសនៅចន្លោះទ្វារមាស និងសរីរាង្គប្រព័ន្ធរំលាយអាហារ អាចបណ្ដាលឲ្យ៖

ឈឺពោះ
ធ្លាក់ទឹករម្អិលទ្វារមាសមានក្លិនស្អុយ
ហ្គាស ខ្ទុះ ឬលាមកលេចចេញពីទ្វារមាស
ក្អួត និងចង្អោរ ឬរាករូស
ឈឺចាប់នៅពេលរួមភេទ
ការបង្ករោគលើផ្លូវទឹកនោម ឬតម្រងនោមជាបន្តបន្ទាប់
ការហូរឈាមតាមរន្ធគូទ ឬហូរឈាមតាមទ្វារមាស
ការស្រកទម្ងន់ដោយគ្មានមូលហេតុ។

ចំណុចសំខាន់

ការប្រើពេលសម្រាលកូនរយៈពេលយូរ ជំងឺមហារីក និងការវះកាត់អាងត្រគាក សុទ្ធតែអាចបង្កទៅជាការធ្លាយរន្ធទ្វារមាស ដែលកើតឡើងនៅពេលងាប់ជាលិកាទ្វារមាស និងបង្កើតបានជារន្ធចន្លោះទ្វារមាស និងសរីរាង្គនៅប្រព័ន្ធទឹកនោម ឬប្រព័ន្ធរំលាយអាហារ។ ការធ្លាយរន្ធទ្វារមាសដែលកើតមានជាទូទៅ គឺនៅចន្លោះទ្វារមាស និងប្លោកនោម ហើយដើម្បីកែខៃបញ្ហានេះ យើងចាំបាច់ត្រូវធ្វើការវះកាត់។

ម៉េចបានស្រ្តីខ្លះធ្លាយរន្ធទ្វារមាស? មានរោគសញ្ញាអ្វីខ្លះ?

បញ្ហា​ធ្លាយ​រន្ធ​ទ្វារ​មាស​កើត​ឡើង​ញឹកញាប់​ប៉ុនណា​?

​​​​កត្តា​បង្ក​ឲ្យ​ធ្លាយ​រន្ធ​ទ្វារ​មាស

​រោគសញ្ញា​នៃ​ការ​ធ្លាយ​រន្ធ​ទ្វារ​មាស​

ចំណុចសំខាន់

បញ្ហាធ្លាយរន្ធទ្វារមាសកើតឡើងញឹកញាប់ប៉ុនណា?

កត្តាបង្កឲ្យធ្លាយរន្ធទ្វារមាស

រោគសញ្ញានៃការធ្លាយរន្ធទ្វារមាស