ដំណេកស្កប់ស្កល់

ដណ្ដប់ភួយពេលគេងមិនត្រឹមតែជាទម្លាប់ តែនៅមានហេតុផលច្រើនទៀត

នៅពេលយប់យើងអាចនឹងគេងរើទៅរើមក ហើយភួយគឺរបស់តែមួយដែលអាចជួយឲ្យយើងគេងលក់។ នៅពេលដណ្ដប់ភួយ យើងអាចនឹងគេងលក់លឿនជាងមុនទោះបីស្ថិតក្នុងអាកាសធាតុក្ដៅក៏ដោយ។ នេះអាចមកពីមូលហេតុមួយចំនួនដែលធ្វើឲ្យយើងត្រូវគេងដណ្ដប់ភួយទោះបីអាកាសធាតុក្ដៅប៉ុនណាក៏ដោយ។ ១. ភួយជួយរក្សាសីតុណ្ហភាពរាងកាយ មនុស្សយើងគឺមានឈាមក្ដៅដែលនេះមានន័យថារាងកាយរក្សាសីតុណ្ហភាពខាងក្នុង និងជួយឲ្យរាងកាយមានភាពកក់ក្ដៅ។ ប៉ុន្តែនៅពេលគេងលក់ស្ងប់ ការគ្រប់គ្រងរបស់រាងកាយនឹងមានការចុះខ្សោយ។ ដូចនេះហើយទើបយើងព្យាយាមរករបស់នៅជុំវិញខ្លួនជាជំនួយ ហើយភួយគឺជារបស់មួយដែលអាចជួយរក្សាសីតុណ្ហភាព និងជួយរាងកាយឲ្យស៊ាំទៅនឹងសីតុណ្ហភាពដែលយើងត្រូវការ។ ២. ភួយជារបស់មួយក្នុងទម្លាប់នៃការគេងរបស់យើង ទម្លាប់អាចជាមូលហេតុមួយដែលយើងត្រូវការភួយពេលគេង។ នេះមកពីយើងទម្លាប់ដណ្ដប់ភួយតាំងពីក្មេងមក ហើយក៏ក្លាយជាទម្លាប់រហូតដល់ពេលធំឡើង។ ហេតុនេះហើយពេលយើងចូលគេងហើយដណ្ដប់ភួយ រាងកាយអាចនឹងទទួលសញ្ញាថាដល់ម៉ោងគេងហើយ។ ៣. ភួយជួយបន្ថយភាពតានតឹង និងអាការៈថប់បារម្ភ អ័រម៉ូន serotonin គឺមានតួនាទីសំខាន់ក្នុងការជួយឲ្យយើងមានអារម្មណ៍សប្បាយរីករាយ និងស្ងប់។ នៅពេលយើងមានភាពតានតឹង និងអាការៈថប់បារម្ភ យើងនឹងមានការលំបាកក្នុងការគេងលក់។ ប៉ុន្តែនៅពេលដែលយើងដណ្ដប់ភួយ បរិមាណនៃអ័រម៉ូននេះនឹងកើនឡើង ហើយភាពតានតឹង និងធុញថប់ក៏បាត់ទៅដែរ។ ៤.ភួយជួយឲ្យគេងលក់ ភួយជួយបង្កើតបរិយាកាសមួយធ្វើឲ្យសីតុណ្ហភាពមិនមានការប្រែប្រួលខ្លាំង។ នេះអាចជួយឲ្យយើងមានអារម្មណ៍កក់ក្ដៅ ហើយកត្តាជំរុញឲ្យសីតុណ្ហភាពរាងកាយចុះត្រជាក់ក៏មិនជះឥទ្ធិពលខ្លាំងដល់រាងកាយដែរ។ ដូចនេះយើងនឹងគេងលក់លឿនហើយស្ងប់ដោយមិនមានការរំខានអ្វី។ ៥. ភួយជួយឲ្យយើងមានអារម្មណ៍ថាមានសុវត្ថិភាព ភួយជំរុញឲ្យយើងមានអារម្មណ៍ថាមានសុវត្ថិភាពព្រោះពេលនៅក្មេងយើងតែងខ្លាចភាពងងឹត។ ដូចនេះពេលមានអារម្មណ៍ភ័យខ្លាច យើងនឹងដណ្ដប់ភួយដោយជឿថាការធ្វើបែបនេះអាចជួយការពារយើងបាន។ អារម្មណ៍ដែលត្រូវបានការពារនេះក៏នៅរហូតដល់សព្វថ្ងៃនៅពេលយើងដណ្ដប់ភួយ។ អត្ថបទពាក់ព័ន្ធ៖ ក្រោកពីគេងមានអារម្មណ៍ថាខ្សោះៗខ្លួន មកពីបែបនេះសោះ! ចូលគេងមិនទៀងទាត់ ប្រយ័ត្នកើតជំងឺបេះដូង មិនមែនតែគេងតិចទេប៉ះពាល់សុខភាព គេងច្រើនក៏ប៉ះពាល់ដែរ ដឹងម៉ោងពេលចូលគេងបានត្រឹមត្រូវ ជួយកុំឲ្យថ្ងៃឡើងងងុយរកធ្វើអ្វីមិនកើត ភេសជ្ជៈទាំង៥មុខនេះ ជួយសម្រាលបញ្ហារឿងគេងមិនលក់ស្កប់ស្កល់ តើយើងត្រូវគេងប៉ុន្មានម៉ោងទើបគ្រប់គ្រាន់? ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

សូមស្វាគមន៍ !

មានអ្វីថ្មី?

មាតិកា

ហានិភ័យសុខភាព

លំហាត់ប្រាណ

ការពពោះ & ការចិញ្ចឹមកូន

ចំណេះដឹងទូទៅ

គិតច្រើនពិបាកគេង សាកល្បងសម្រួលខួរក្បាលតាមវិធីងាយៗប៉ុន្មាននេះ

ផឹកទឹកដោះគោមួយកែវមុនចូលគេង ផ្ដល់អត្ថប្រយោជន៍ច្រើនដល់សុខភាព(វីដេអូ)

ភ្ញាក់ពីគេងពេលព្រឹកផឹកទឹកមួយកែវ ផ្ដល់ប្រយោជន៍ច្រើនយ៉ាងដល់រាងកាយ(វីដេអូ)

គុណសម្បត្តិ និងគុណវិបត្តិទម្លាប់ក្រោកពីដំណេកព្រឹកពេក គ្នាយើងគួរដឹង

គេងពាក់ស្រោមជើងមានផលល្អសម្រាប់សុខភាព ពិសេសអ្នកមានបញ្ហាប្រេះកែងជើង

រឿង ៥ យ៉ាងគួរធ្វើមុនពេលចូលគេង ជួយឲ្យពោះវៀនមានសុខភាពល្អ

វិធី ៨ យ៉ាង ជួយសម្រួលដល់អ្នកមានបញ្ហាគេងមិនលក់

គេងផ្អៀងខ្លួនទៅខាងឆ្វេង មានទាំងគុណសម្បត្តិ និងគុណវិបត្តិ

ទម្លាប់ត្រាំជើងមុនចូលគេង ផ្ដល់គុណប្រយោជន៍ដល់សុខភាពច្រើនយ៉ាង

ដណ្ដប់ភួយពេលគេងមិនត្រឹមតែជាទម្លាប់ តែនៅមានហេតុផលច្រើនទៀត

វីតាមីន និងរ៉ែសំខាន់ៗទាំងនេះ ជួយដោះស្រាយបញ្ហាដំណេក

ក្រោយបាយថ្ងៃត្រង់ចេះតែងងុយគេងពិបាកធ្វើការ សាកតិចនិកនេះជួយដោះស្រាយបាន

ដឹងម៉ោងពេលចូលគេងបានត្រឹមត្រូវ ជួយកុំឲ្យថ្ងៃឡើងងងុយរកធ្វើអ្វីមិនកើត

ចេះរបៀបក្រោកពីគេងត្រឹមត្រូវនេះ ដឹងតែបានផលល្អច្រើនដល់សុខភាព

ឆ្លៀតគេងថ្ងៃតិចៗ បានប្រយោជន៍ដល់បេះដូង ខួរក្បាល និងបន្ថយស្រ្តេស

គ្រូពេទ្យឯកទេសផ្នែក ដំណេកស្កប់ស្កល់ របស់យើង

មើលបន្ថែមពីគ្រូពេទ្យឯកទេស

វេជ្ជ. ចាន់ ស៊ីណេត

ចង់ចាកចេញពី Hellokrupet?