តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ពពោះ កូនថ្លោសពេកមិនល្អអាចប្រឈមបញ្ហាច្រើនយ៉ាង អ៊ីចឹងម៉ាក់ៗគួរធ្វើបែបណា?

    ពពោះ កូនថ្លោសពេកមិនល្អអាចប្រឈមបញ្ហាច្រើនយ៉ាង អ៊ីចឹងម៉ាក់ៗគួរធ្វើបែបណា?

    បញ្ហាពពោះម៉ាក់ៗឃ្លានខ្លាំង ហើយញ៉ាំច្រើននាំឲ្យលើសទម្ងន់ ជួបច្រើនណាស់មកហើយ។ ចម្ងល់នេះលោកជំទាវវេជ្ជបណ្ឌិត គ្រុយ លាងស៊ីម ទីប្រឹក្សាផ្នែកសម្ភព នៃមន្ទីរពេទ្យកាល់ម៉ែត ធ្លាប់បានមានប្រសាសន៍ថា ការញ៉ាំមិនចេះគិត មិនមែនជារឿងល្អចំពោះខ្លួនឯង និងកូនឡើយ។

    ទីប្រឹក្សាផ្នែកសម្ភពនៃមន្ទីរពេទ្យកាល់ម៉ែត រូបនោះបានបន្តទៀតថា ការញ៉ាំច្រើនពេលពពោះបង្កើនបញ្ហាសុខភាពច្រើនយ៉ាងដល់កូន អាចរលូតកូន ឬទារកស្លាប់ក្នុងផ្ទៃ កើតមិនគ្រប់ខែ ពិការភាពពីកំណើត និងកូនថ្លោសជ្រុល។ ចំណែកយើងខ្លួនឯងផ្ទាល់តែម្ដងមានបញ្ហាដូចជា ជំងឺបេះដូង សម្ពាធឈាមឡើងខ្ពស់ ជំងឺក្រឡាភ្លើង វិបត្តិកំណកឈាម ទឹកនោមផ្អែមប្រភេទ ២ ធ្លាក់ឈាមពេលសម្រាល និងគ្រោះថ្នាក់សរសៃឈាមខួរក្បាលជាដើម។

    ដូចនេះដើម្បីគ្រប់គ្រងទម្ងន់លោកជំទាវវេជ្ជបណ្ឌិតបានណែនាំឲ្យស្ត្រីពពោះញ៉ាំអាហារដូចរៀបរាប់ខាងក្រោម ទើបជួយឲ្យទម្ងន់ឡើងមិនលើស ១៤ គីឡូ៖

    • ញ៉ាំតិចៗ តែច្រើនដង
    • ញ៉ាំត្រី និងស៊ុត
    • ញ៉ាំបន្លែបៃតងឲ្យបានច្រើន
    • ញ៉ាំផ្លែឈើ
    • មិនគួរញ៉ាំសាច់ច្រើន
    • អាហារមិនចាំបាច់ មិនបាច់ញ៉ាំ
    • កុំញ៉ាំអាហារយប់
    • កុំញ៉ាំអាហារ ឬចំណីផ្អែមៗពេក
    • ចៀសវាងភេសជ្ជៈកំប៉ុង
    • ហាត់ប្រាណឲ្យបានច្រើន
    • ផឹកទឹកឲ្យបានច្រើន

    មួយវិញទៀតពពួកបន្លែផ្លែឈើ គ្រាប់ធញ្ញជាតិ ទឹកដោះគោម្សៅសម្រាប់ស្ត្រីមានផ្ទៃពោះ គឺជាជម្រើសល្អជាងសាច់ និងខ្លាញ់ ហើយបើនៅតែឃ្លានអាចញ៉ាំអាហារផ្សេងពីបាយដូចជា ពោត ដំឡូង ចេកស្ងោរជំនួសវិញ វាជួយឲ្យនឹងពោះ ហើយសម្បូរវីតាមីន និងផ្ដល់ជីវជាតិចិញ្ចឹមទៅឲ្យកូនក្នុងផ្ទៃឲ្យលូតលាស់ល្អ។

    អត្ថបទពាក់ព័ន្ធ

    health-tool-icon

    ការឡើងទម្ងន់ស្ត្រីអំឡុងពពោះ

    រង្វាស់សុខភាពមួយនេះអាចប្រើប្រាស់ក្នុងករណីស្ត្រីពពោះថាតើស្ថិតក្នុងចន្លោះណាមានសុខភាពល្អទាំងខ្លួនឯងនិងកូនក្នុងផ្ទៃ ផ្អែកទៅលើទម្ងន់មុនពេលដឹងខ្លួនមានផ្ទៃពោះ។

    28

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ Try Ravi កែសម្រួល​ចុងក្រោយ 17/06/2020
    ត្រួតពិនិត្យដោយ វេជ្ជ. ចាន់ ស៊ីណេត
    Next article: