ពិតណាស់ របបអាហារដើរតួនាទីយ៉ាងសំខាន់ក្នុងការជួយលើកកម្ពស់សុខុមាលភាពទូទៅរបស់យើង ហើយការជ្រើសរើសរបបអាហារដែលមានសារធាតុចិញ្ចឹមល្អៗ មិនត្រឹមតែជួយឲ្យយើងមានសុខភាពល្អ ប្រព័ន្ធភាពស៊ាំរឹងមាំប៉ុណ្ណោះទេ តែវាក៏ជះឥទ្ធិពលវិជ្ជមានដល់លទ្ធភាពមានកូនដូចគ្នា។
មាតិកា
ចង់ឆាប់មានកូន ស្រីៗមិនគួររំលងរបបអាហារទាំង៥ប្រភេទនេះឡើយ
តើរបបអាហារអ្វីខ្លះដែលជួយឲ្យស្រីៗយើងឆាប់មានកូនដូចបំណង?
១. បន្លែពណ៌បៃតង និងផ្លែឈើ
ការញ៉ាំពពួកបន្លែបៃតង ដូចជាស្ពៃពួយឡេង ស្ពៃខៀវ ដែលសម្បូរទៅដោយសារធាតុហ្វូឡេត គឺស័ក្ដិសមបំផុតសម្រាប់ស្រីៗដែលកំពុងចង់បានកូន។ ទន្ទឹមនឹងនេះ កម្រិតនៃការមានផ្ទៃពោះនឹងកើនឡើង នៅពេលដែលយើងបន្ថែមខ្ទឹមស ប៉េងប៉ោះ ផ្លែប៊ឺរ និងផ្លែទទឹមចូលទៅក្នុងរបបអាហារ។
២. គ្រាប់ធញ្ញជាតិ
កាបូអ៊ីដ្រាតComplex ដែលមាននៅក្នុងគ្រាប់ធញ្ញជាតិ ដូចជាអង្ករសម្រូប និងស្រូវសាឡី (Oats) អាចជួយគ្រប់គ្រងកម្រិតជាតិស្ករក្នុងឈាម ដែលប៉ះពាល់ដោយផ្ទាល់ដល់ការមានកូន។ ពពួកអាហារប្រភេទនេះ អាចជួយឲ្យរាងកាយបញ្ចេញថាមពលយឺតៗ ធានាដល់ការរំលាយអាហារ និងកាត់បន្ថយការឡើងជាតិស្ករក្នុងឈាមភ្លាមៗ។
៣. ខ្លាញ់សុខភាព
អាស៊ីដខ្លាញ់អូមេហ្គា៣ ដែលមាននៅក្នុងផ្លែអាល់ម៉ុន គ្រាប់ល្ពៅ ឬត្រីសាល់ម៉ុន មានសារៈសំខាន់ណាស់ ដល់សុខភាពបន្តពូជ ពីព្រោះអាហារទាំងនេះ អាចជួយកាត់បន្ថយការរលាក និងជួយការពារគុណភាពស៊ុត។
៤. ទឹកដោះគោ
ជាមួយគ្នានេះដែរ ពពួកទឹកដោះគោ ទឹកដោះគោជូរ ឬទឹកសណ្តែក សម្បូរទៅដោយជាតិកាល់ស្យូម និងវីតាមីនD ដែលមានគុណប្រយោជន៍ដល់ល្អសម្រាប់សុខភាពបន្តពូជ។ អ៊ីចឹងហើយ ស្រីៗយើងគួរញ៉ាំទឹកដោះគោឲ្យបាន២កែវជារៀងរាល់ព្រឹក ដើម្បីសម្រួលដល់ដំណើរការធ្លាក់មេជីវិតញី ក៏ដូចជាផ្តល់នូវពពួកប្រូបាយអូទិកដល់រាងកាយ ដើម្បីជួយឲ្យពោះវៀនមានសុខភាពល្អ។
៥. អាហារសម្បូរជាតិដែក
ពពួកធញ្ញជាតិ និងសណ្តែក ជាប្រភពនៃជាតិដែក ដែលអាចជួយផ្ទេរអុកស៊ីហ្សែនទៅកាន់សរីរាង្គបន្តពូជ។ មួយវិញទៀត គ្នាយើងដែលកំពុងត្រៀមយកកូន ក៏មិនគួររំលងឆៃថាវក្រហម បន្លែជ្រក់ ឬនំប៉័ងដែលចម្រាញ់ចេញពីគ្រាប់ធញ្ញជាតិ ផងដែរ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Nutrition for fertility
https://www.epworth.org.au/our-services/maternity/planning-for-your-pregnancy/nutrition-for-fertility
Tips for a healthy pre-pregnancy diet
https://www.tommys.org/pregnancy-information/planning-a-pregnancy/are-you-ready-to-conceive/tips-healthy-pre-pregnancy-diet
Preconception Nutrition
https://americanpregnancy.org/getting-pregnant/preconception-nutrition/
កំណែប្រែបច្ចុប្បន្ន
18/10/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម