home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

បញ្ហា ៥ យ៉ាង ឧស្សាហ៍កើតមានបំផុតនៅពេលស្រីៗពពោះខ្វះជាតិទឹក

បញ្ហា ៥ យ៉ាង ឧស្សាហ៍កើតមានបំផុតនៅពេលស្រីៗពពោះខ្វះជាតិទឹក

ខ្វះជាតិទឹក ជាបញ្ហាធ្ងន់ធ្ងរមួយប៉ះពាល់សុខភាព​អាចកើតមានលើគ្នាយើងទាំងអស់ មិនប្រកាន់ភេទប្រុស ស្រី ក្មេង ឬចាស់នោះទេ។ ចំពោះស្រីៗកំពុងពពោះខ្វះជាតិទឹកវិញ ច្បាស់ជាកាន់តែវីវរមិនខាន​អាចប្រឈមគ្រោះថ្នាក់ធ្ងន់ធ្ងរទាំងម៉ាក់ៗ និងគភ៌ក្នុងផ្ទៃ។

១- ឡើងកម្តៅរាងកាយ

អំឡុងពេលពពោះ ស្រីៗគ្នាយើងងាយប្រឈមឡើងកម្តៅរាងកាយខ្លាំងណាស់ ដោយសារការឡើងទម្ងន់ និងរាងកាយយើងផ្ទាល់ ដែលកើតចេញពីសកម្មភាពផ្សេងៗ​របស់​យើង។ កត្តានេះ ក៏ដោយសាររាងកាយយើងបញ្ចេញ​ញើសច្រើនជាងពេលធម្មតា នាំឲ្យកាន់តែខ្វះជាតិទឹក។ អ្នកជំនាញណែនាំថា គ្នាយើងគួរផឹកទឹកយ៉ាងហោចណាស់ ១០កែវ ក្នុងមួយថ្ងៃ។

២- ឈឺក្បាលប្រកាំង

ឈឺក្បាលប្រកាំង​ជាអាការៈឈឺក្បាលធ្ងន់ធ្ងរជាងឈឺក្បាលធម្មតា ពិសេសនៅពេលយើងកំពុងមានផ្ទៃពោះ និងមិនអាចប្រើប្រាស់​ថ្នាំដូចធម្មតាបាន។ ការភ្លេចរក្សាជាតិទឹកក្នុងខ្លួនឲ្យបានត្រឹមត្រូវ​អាចធ្វើឲ្យយើងវិលមុខ ធ្លាក់ចុះសម្ពាធឈាម ឈឺក្បាល ឬ​ឈឺក្បាលប្រកាំងតែម្តង។ ហេតុនេះដើម្បីការពារអាការៈឈឺក្បាល​ប្រកាំង​ពេលពពោះ យើង​ត្រូវតែរក្សាជាតិទឹកក្នុងខ្លួនឲ្យបានត្រឹមត្រូវ។

អត្ថបទពាក់ព័ន្ធ៖

៣- មានឆ្លងរោគនៅតម្រងនោម

បើយើងផឹកទឹកមិនបានគ្រប់គ្រាន់ យើងក៏មិនអាចនោមបានច្រើននោះដែរ មានន័យថាការនោមតិចតួច​អាចនឹងធ្វើឲ្យយើង​កាន់តែប្រឈមឆ្លងរោគនៅតម្រងនោម។ អ្វីគ្នាយើងត្រូវធ្វើ ត្រូវរក្សាជាតិទឹកក្នុងខ្លួនឲ្យបានត្រឹមត្រូវ ដើម្បីបញ្ចេញជាតិ​ពុល​អស់ពីរាងកាយ។

៤- ធ្លាក់ចុះកម្រិតទឹកភ្លោះ

នៅពេលរាងកាយគ្មានជាតិទឹកគ្រប់គ្រាន់ទឹកភ្លោះ​ក៏ចុះទាបដូចគ្នា នាំឲ្យទារកក្នុងផ្ទៃប្រឈមបញ្ហាពិការពីកំណើត។ ដំណាក់កាល​ដំបូង​នៃការពពោះ ទឹកភ្លោះ ក្នុងរាងកាយយើង​អាស្រ័យទៅលើទឹកយើងផឹកប្រចាំថ្ងៃ ហើយបើទឹកភ្លោះធ្លាក់ចុះ កូនយើងក៏មិន​អាចលូតលាស់បានល្អនោះដែរ និងប្រឈមបញ្ហាសុខភាពពីកំណើតជាច្រើន រាប់បញ្ចូលទាំងខ្សោយតម្រងនោម និងបំពង់​ទឹកនោម​តែ​ម្តង។

៥- កើតមិនគ្រប់ខែ

ស្រីៗគ្នាយើងគ្មាននរណាម្នាក់ចង់ជួបបញ្ហានេះឡើយ ប៉ុន្តែបើក្នុងរាងកាយគ្មានជាតិទឹកគ្រប់គ្រាន់ គ្នាយើងប្រហែលប្រឈមកាន់​តែខ្ពស់ ពិសេសអំឡុងត្រីមាសទី ២ និងទី៣ នៃការពពោះ ព្រោះខ្វះជាតិទឹក​នឹងធ្វើឲ្យមានការកន្ត្រាក់ស្បូនមុនពេលកំណត់ ឬកើតមុខខែទៀតផង។ មូលហេតុចម្បង​នៅពេលយើងខ្វះជាតិទឹក​កម្រិត​ឈាម​នឹង​កើន​ឡើង​​នាំឲ្យកម្រិតអុកស៊ីតូស៊ីន​កើនខ្ពស់​ដូច​គ្នា ជា​ហេតុនាំឲ្យអាច​មានការ​សម្រាលមុនកំណត់នេះឯង។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ សន សុភា
កែ 20/07/2020
x