ទារកកើតពីម្ដាយមានផ្ទុកវីរុសថ្លើមប្រភេទB មានឱកាសជាង៩០ភាគរយវិវត្តទៅជាជំងឺថ្លើមប្រភេទB រ៉ាំរ៉ៃ ប្រសិនជាក្មេងទាំងនោះមិនទទួលបានការថែទាំងត្រឹមត្រូវនៅពេលឆ្លងទន្លេ។ ដូចនេះហើយ ជាការសំខាន់ណាស់ដែលស្រ្តីមានផ្ទៃពោះ ត្រូវដឹងពីស្ថានភពខ្លួនឯងទាក់ទងនឹងជំងឺថ្លើមប្រភេទB ដើម្បីអាចបង្ការការចម្លងវីរុសទៅកូនពេលសម្រាល។
ស្រ្តីពពោះមានផ្ទុកវីរុសថ្លើមប្រភេទB ធ្វើម៉េចឲ្យកូនសុវត្ថិភាព?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បើសិនជាគ្រូពេទ្យបានដឹងថាម៉ាក់ៗមានផ្ទុកវីរុសថ្លើមប្រភេទB ក្រុមគ្រូពេទ្យអាចមានវិធានការត្រឹមត្រូវ ដើម្បីការពារការចម្លងវីរុសពីម្ដាយទៅកូនក្នុងដំណាក់កាលឆ្លងទន្លេ។ ការធ្វើតេស្តឈាមដឹងថាម្ដាយមានផ្ទុកវីរុសថ្លើម គ្រូពេទ្យអាចរៀបចំសម្ភារៈវេជ្ជសាស្ត្របានត្រឹមត្រូវក្នុងបន្ទប់សម្រាល ដើម្បីការពារកូនកុំឲ្យឆ្លងវីរុសពីម្ដាយ។
១. គួរដឹងអ្វីខ្លះ?
ស្រ្តីមានផ្ទៃពោះគ្រប់រូបគួរធ្វើតេស្តឈាមរកវីរុសថ្លើមប្រភេទB។ ការធ្វើតេស្តនេះកាន់តែចាំបាច់ថែមទៀតបើម៉ាក់ជាមនុស្សស្ថិតក្នុងក្រុមងាយប្រឈមវីរុសថ្លើមប្រភេទB ដូចជាបុគ្គលិកសុខាភិបាល មានសមាជិកគ្រួសារកើតជំងឺថ្លើមប្រភេទB ឬក្នុងសហគមន៍ប្រឈមនឹងវីរុសថ្លើមប្រភេទB។
ដូចនេះ ជាការចាំបាច់ណាស់នៅពេលមានផ្ទៃពោះ ត្រូវតែបានធ្វើតេស្តរកវីរុសថ្លើមប្រភេទB ឲ្យបានមុនពេលសម្រាល ឬបើអាចគួរធ្វើក្នុងរង្វង់ត្រីមាសទីមួយ។ ម៉ាក់ៗគួរដឹងថាការឆ្លងវីរុសថ្លើមប្រភេទB ពេលខ្លះមិនចេញរោគសញ្ញាទេ ដែលជាការពិបាកដឹងថាយើងមានផ្ទុកឬក៏អត់ បើយើងមិនបានធ្វើតេស្តឈាមនោះ។
បើសិនជាម៉ាក់ៗមានផ្ទុកវីរុសថ្លើមប្រភេទB នោះពេលកូនកើតភ្លាមនឹងទទួលវ៉ាក់សាំងបង្ការវីរុសថ្លើមប្រភេទB ភ្លាមៗដែរ ក្នុងរង្វង់១២ម៉ោងក្រោយកើត ខណៈក្មេងធម្មតាអាចត្រូវចាក់វ៉ាក់សាំងនេះក្នុងរង្វង់២៤ម៉ោងក្រោយកើត។ បន្ទាប់ពីបានចាក់ដូសទី១ កូននឹងត្រូវចាក់ដូសទៅពីរ និងទីបី នៅក្នុងរង្វង់៦ខែបន្ទាប់។ ក្រោយពីបានចាក់វ៉ាក់សាំងគ្រប់ចំនួន កូនដែលកើតពីម៉ាក់មានផ្ទុកវីរុសថ្លើមប្រភេទB ក៏អាចតម្រូវឲ្យធ្វើតេស្តរកអង់ទីករ ដើម្បីប្រាកដថាក្រោយពីបានចាក់វ៉ាក់សាំង មានដុះអង់ទីករ។
២. ឆ្លងទន្លេតាមវិធីណា?
ថ្វីបើម៉ាក់ៗមានផ្ទុកវីរុសថ្លើមប្រភេទB ក៏ពិតមែន ប៉ុន្តែម៉ាក់ៗ នៅតែអាចឆ្លងទន្លេតាមធម្មតាជាតិបាន ក្នុងករណីលក្ខខណ្ឌសុខភាពត្រូវគ្រូពេទ្យវាយតម្លៃថាអាចសម្រាលបាន។
ដូចគ្នាដែរ ម៉ាក់មានផ្ទុកវីរុសថ្លើមប្រភេទB ក៏នៅអាចបំបៅដោះកូនបានធម្មតា។ អង្គការសុខភាពពិភពលោក បានណែនាំឲ្យម៉ាក់បំបៅដោះកូន ទោះបីខ្លួនមានផ្ទុកវីរុសនេះ ដោយថាអត្ថប្រយោជន៍នៃ ការបំបៅដោះចំពោះកូនមានខ្ពស់ជាងហានិភ័យឆ្លងវីរុស។ ការបំបៅដោះមិនអាចចម្លងវីរុសថ្លើមដល់កូននោះទេ លើកលែងចុងដោះម៉ាក់ៗមានប្រេះបែកចេញឈាម ពេលបំបៅដោះកូន។
ម៉ាក់ៗគួរសុំការណែនាំពីគ្រូពេទ្យ ដើម្បីបានដឹងពីវិធីបំបៅដោះកូនដោយសុវត្ថិភាព ខណៈខ្លួនកំពុងមានផ្ទុកវីរុសថ្លើមប្រភេទB។
កាលពីឆ្នាំ២០១៥ អង្គការសុខភាពពិភពលោកបានប៉ាន់ប្រមាណថា មនុស្សប្រហែល២៥៧លាននាក់ មានផ្ទុកជំងឺថ្លើមប្រភេទB រ៉ាំរ៉ៃទូទាំងពិភពលោក និងថាមានមនុស្សប្រហែល៩សែននាក់បានស្លាប់ដោយសារការឆ្លងវីរុសនេះ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម