ម៉ាក់ៗពពោះមួយចំនួនអាចមានអាការៈឈឺចាប់ឆ្អឹងត្រគាក ឬឆ្អឹងថ្ងាសត្រគាក (នៅខាងក្រោមថ្ងាសទ្វារមាស) នៅត្រីមាសទី ៣។ ហេតុអ្វីបានជាម៉ាក់ៗមួយចំនួនមានអាការៈឈឺចាប់ឆ្អឹងថ្ងាសត្រគាកនៅត្រីមាសទី ៣ ហើយគួរកាត់បន្ថយអាការៈបែបណា?
វិធីសាស្រ្តកាត់បន្ថយការឈឺចាប់ឆ្អឹងថ្ងាសត្រគាកនៅត្រីមាសទី ៣ នៃការពពោះ
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
នៅត្រីមាសទី ៣ រាងកាយម៉ាក់ៗនឹងបញ្ចេញអ័រម៉ូន relaxin ដើម្បីបន្ទន់សរសៃចំណងនៅក្នុងសន្លាក់ឆ្អឹងថ្ងាសត្រគាក ដែលធ្វើឱ្យសន្លាក់ឆ្អឹងថ្ងាសត្រគាករលុង ដើម្បីជួយឱ្យកូនក្នុងផ្ទៃអាចសម្រាលចេញបាន។
ប៉ុន្តែពេលខ្លះសន្លាក់ឆ្អឹងថ្ងាសត្រគាកអាចរលុងខ្លាំងពេកដែលបណ្តាលឱ្យឆ្អឹងថ្ងាសត្រគាករង្គើ បូករួមនឹងទម្ងន់ទារកកក្នុងផ្ទៃ និងការឡើងទម្ងន់របស់ម៉ាក់ៗ ដែលបន្ថែមសម្ពាធលើឆ្អឹងអាងត្រគាក ហើយបង្កឱ្យម៉ាក់ៗមានការឈឺចាប់ឆ្អឹងថ្ងាសត្រគាក។
ប្រសិនឆ្អឹងថ្ងាសត្រគាកម៉ាក់ៗរលុងខ្លាំង ម៉ាក់ៗអាចមានការឈឺចាប់ ហើយមានអាការៈដូចជា៖
- ឈឺចាប់ពេលដើរយូរ ឡើងជណ្តើរ ឬពេលយួរ ឬលើកធ្ងន់ៗ
- ឈឺចាប់ពេលប្រែខ្លួនលើគ្រែ ស្លៀកពាក់ ឬចុះពីលើរថយន្ត
- ហើមនៅតំបន់ឆ្អឹងថ្ងាសត្រគាក
- អាចឮសំឡេងកកិតនៅក្នុងឆ្អឹងអាងត្រគាក
- ឈឺចាប់នៅឆ្អឹងអាងត្រគាកផ្នែកខាងមុខ ត្រគាក តំបន់ចន្លោះរន្ធគូទ និងទ្វារមាស ខ្នងផ្នែកខាងក្រោម ហើយអាចសាយភាយដល់ភ្លៅរហូតដល់ជង្គង់។
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ប្រសិនបើម៉ាក់ៗមានអាការៈឈឺចាប់ឆ្អឹងថ្ងាសត្រគាកនៅត្រីមាសទី ៣ ម៉ាក់ៗគួរ៖
- ចៀសវាងការដើរយូរ ហើយពេលដើរ ម៉ាក់ៗត្រូវដើរយឺតៗ
- ចៀសវាងការឈរយូរ ហើយពេលឈរ ម៉ាក់ៗត្រូវរក្សាទម្ងន់ជើងទាំងពីរឱ្យស្មើគ្នា ចៀសវាងប្រឹងជើងតែម្ខាងទប់ទម្ងន់ខ្លួន និងត្រូវពាក់ស្បែកជើងរាបដែលអាចជួយរក្សាលំនឹងខ្លួនបានល្អ។
- ចៀសវាងការអង្គុយមួយកន្លែងលើសពី ៣០ នាទី និងត្រូវផ្លាស់ប្តូរឥរិយាបថអង្គុយឱ្យបានញឹកញាប់ ហើយត្រូវអង្គុយលើកៅអីដែលមានបង្អែក ហើយមានទម្រជើង និងចៀសវាងអង្គុយគងអន្ទាក់ខ្លា។
- គេងផ្អៀង រួចដាក់ខ្នើយទ្រាប់ពោះ និងចន្លោះជើង ហើយពេលប្រែខ្លួនម៉ាក់ៗត្រូវដាក់ជង្គង់ចូលគ្នា
- ពេលស្លៀកពាក់ ម៉ាក់ៗត្រូវអង្គុយដើម្បីចៀសវាងឈរជើងមួយពេលស្លៀកខោ ឬរ៉ូប
- ពេលឡើងចុះជណ្តើរ ម៉ាក់ៗត្រូវបោះជំហានម្តងមួយៗដោយចាប់ផ្តើមពីជើងដែលមិនសូវឈឺ និងចៀសវាងឡើងចុះជណ្តើរញឹកញាប់។
- ពេលចុះពីលើឡាន ម៉ាក់ៗត្រូវទប់ជង្គង់ទាំងពីរចូលគ្នា
- ចៀសវាងលើក ឬរុញរបស់ធ្ងន់ៗ
- ចៀសវាងពក្មេង
- ពាក់ខ្សែក្រវាត់ទ្រពោះដើម្បីជួយទ្រទ្រង់ឆ្អឹងថ្ងាសត្រគាក ខ្នងផ្នែកខាងក្រោម និងកាត់បន្ថយការឈឺចាប់ឆ្អឹងថ្ងាសត្រគាកក្នុងអំឡុងពេលធ្វើចលនា
ម៉ាក់ៗដែលមានការឈឺចាប់ឆ្អឹងថ្ងាសត្រគាកនៅត្រីមាសទី ៣ អាចធ្វើការពិគ្រោះជាមួយគ្រូពេទ្យដើម្បីរកវិធីព្យាបាល និងកាត់បន្ថយការឈឺចាប់។ ភាគច្រើនការឈឺចាប់នឹងបាត់ទៅវិញ នៅពេលម៉ាក់ៗសម្រាលរួច។
គួរអាន៖
- ក្រហាយទ្រូងអំឡុងពេលពពោះ សាកដោះស្រាយតាមវិធីនេះ
- កំពុងពពោះ ចេះតែរមាស់អាចបណ្ដាលមកពីជំងឺមួយប្រភេទនេះ
- ពពោះស្បែកប្រែជាខ្មៅស្រអាប់ ឡើងស្នាមអុចៗ ដោយសារអី? គួរធ្វើម៉េច?
- ហេតុអីស្រីៗមានផ្ទៃពោះ ចេះតែថប់ៗដង្ហើម បេះដូងលោតញាប់?
- ពពោះ កូនថ្លោសពេកមិនល្អអាចប្រឈមបញ្ហាច្រើនយ៉ាង អ៊ីចឹងម៉ាក់ៗគួរធ្វើបែបណា?
- ពេលពពោះចេះតែឈឺខ្នង អាចសាកតិចនិកទាំងនេះអាចជួយបាន
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម