ស្ត្រីពពោះត្រូវការជាតិដែកទ្វេដង ដើម្បីជួយដល់ទារកក្នុងការផលិតគ្រាប់ឈាមក្រហម ដូច្នេះតាមគោលការណ៍ក្រសួងសុខាភិបាល តម្រូវឲ្យស្រីៗពពោះញ៉ាំថ្នាំជាតិដែក ១ គ្រាប់ រៀងរាល់ថ្ងៃ ឲ្យបានយ៉ាងហោចណាស់ ៩០ គ្រាប់អំឡុងពេលពពោះ៣ដំបូង និងក្រោយពេលសម្រាល ចំនួន៤២ គ្រាប់។
ស្រីៗពពោះ ញ៉ាំថ្នាំជាតិដែកចេះតែធ្វើទុក្ខ នេះជាវិធីដោះស្រាយ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មានស្រ្តីមួយចំនួនមិនបានលេបថ្នាំជាតិដែកគ្រប់ចំនួនតាមការកំណត់ឡើយ ដោយហេតុថា ពេលញ៉ាំទៅចេះធ្វើទុក្ខ ដូចជា ធេងធោង ឈឺក្បាល វិលមុខ ក្អួតចង្អោរ ទល់លាមក លាមកប្រែទៅជាពណ៌ខ្មៅជាដើម។ អ្នកខ្លះបោះបង់ការលេបថ្នាំជាតិដែកតាំងពីដំបូង ឯខ្លះញ៉ាំបានពាក់កណ្តាលទី ក៏ឈប់លេបតែម្តង។
លោកជំទាវវេជ្ជបណ្ឌិត ប្រាក់ សោភណ្ឌនារី អនុរដ្ឋលេខាធិការ ក្រសួងសុខាភិបាល បានបញ្ជាក់ថា ថ្នាំជាតិដែក មានទាំងជាតិដែក និងអាស៊ីដហ្វូលិក ដែលផ្តល់អត្ថប្រយោជន៍ក្នុងការជួយគាំពារគភ៌ឲ្យមានសុខភាពល្អ មិនឆែបមាត់ ពកឆ្អឹងខ្នង កាត់បន្ថយភាពស្លេកស្លាំងរបស់ម្តាយអំឡុងពពោះ កាត់បន្ថយគ្រោះថ្នាក់ពេលសម្រាលកូន។
ចំពោះមូលហេតុដែលស្ត្រីមានផ្ទៃពោះញ៉ាំថ្នាំជាតិដែកទៅចេះតែធ្វើទុក្ខនោះ ដោយសារថ្នាំនេះមានកម្រិតជាតិដែកច្រើន។ គ្រូពេទ្យបានណែនាំឲ្យស្រីៗមានផ្ទៃពោះញ៉ាំនៅពេលបាយល្ងាច ដើម្បីបញ្ចៀសការធ្វើទុក្ខ ក្រោយពេលលេបថ្នាំរួច។
អត្ថបទពាក់ព័ន្ធ៖
ក្រៅពីញ៉ាំថ្នាំជាតិដែក ស្រីៗមានផ្ទៃពោះក៏អាចបន្ថែមជាតិដែកនៅក្នុងរបបអាហារប្រចាំថ្ងៃបានផងដែរ ដូចជា ពពួកសាច់ក្រហមគ្មានខ្លាញ់ ថ្លើម គ្រប់ធញ្ញជាតិ សណ្តែក និងបន្លែបៃតង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម