បញ្ហាផ្ទៃពោះ Archives - Page 45 of 55

បញ្ហាទ្វារមាសកើតឡើងទូទៅ អំឡុងពេលពពោះ ម៉ាក់ៗគួរយកចិត្តទុកដាក់

អំឡុងពេលពពោះ ម៉ាក់ៗតែងប្រឈមនឹងការប្រែប្រួលជាច្រើនចំពោះរាងកាយ ហើយកង្វះអនាម័យ អាចធ្វើឲ្យយើងជួបប្រទះបញ្ហាទ្វារមាសមួយចំនួន ដែលយើងគួរយកចិត្តទុកដាក់ឲ្យដិតដល់។ បញ្ហាទ្វារមាសទាំង៥ ដែលកើតឡើងជាទូទៅអំឡុងពេលពពោះ និងវិធីដោះស្រាយ ១. ការធ្លាក់ទឹករម្អិលទ្វារមាសកើនឡើង ការធ្លាក់ទឹករម្អិលទ្វារមាសនេះ មានសភាពស្តើង ពណ៌ស ខាប់ និងមានក្លិនតិចតួច។ បញ្ហាមួយនេះ កើតឡើងដោយសារតែការប្រែប្រួលអ័រម៉ូន និងការកើនឡើងលំហូរឈាមទៅកាន់តំបន់អាងត្រគាក។ យ៉ាងណាមិញ ម៉ាក់ៗអាចដោះស្រាយបញ្ហាមួយនេះ ដោយការពាក់ខោទ្រនាប់ធ្វើពីកប្បាស ដែលអាចឲ្យខ្យល់ចេញចូលបាន។ ជៀសវាងប្រើផលិតផលសម្អាតទ្វារមាសដែលមានជាតិកាត់ខ្លាំង និងចាំបាច់ត្រូវពិគ្រោះជាមួយនឹងគ្រូពេទ្យជំនាញ ក្នុងករណីដែលការធ្លាក់ទឹករម្អិលមានពណ៌មិនប្រក្រតី មានក្លិនឆួល (Foul-smelling) ឬអមជាមួយនឹងអាការៈរមាស់។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ២. ការឆ្លងមេរោគផ្សិត អ័រម៉ូនពពោះ និងបញ្ហាប្រព័ន្ធភាពស៊ាំចុះខ្សោយ អាចបង្កឲ្យមានការលូតលាស់នូវពពួកផ្សិត និងបណ្តាលឲ្យកើតមានការឆ្លងមេរោគផ្សិត។ រោគសញ្ញាអាចរួមមាន៖ រមាស់ ក្រហាយ និងមានធ្លាក់ទឹករម្អិលខាប់ និងមានពណ៌ស។ ដើម្បីបញ្ចៀស និងគ្រប់គ្រងការឆ្លងមេរោគផ្សិតប្រកបដោយប្រសិទ្ធភាព ម៉ាក់ៗគួរថែទាំអនាម័យឲ្យបានល្អ ដោយរក្សាតំបន់ពិសេសឲ្យស្ងួត និងស្អាត។ បន្ថែមពីនេះ យើងក៏ចាំបាច់ត្រូវញ៉ាំរបបអាហារតុល្យភាព និងពិគ្រោះជាមួយនឹងអ្នកជំនាញដើម្បីទទួលការព្យាបាលពពួកផ្សិត ក្នុងករណីចាំបាច់។ ៣. ការបង្ករោគលើផ្លូវទឹកនោម បញ្ហាមួយនេះ ក៏ឧស្សាហ៍កើតឡើងចំពោះស្ត្រីពពោះដូចគ្នា ដែលអាចបណ្តាលមកពីសម្ពាធនៃស្បូនកំពុងលូតលាស់លើប្លោកនោម ដែលពន្យឺតលំហូរទឹកនោម និងរារាំងការបញ្ចេញចោលទាំងស្រុងនៃទឹកនោម។ រោគសញ្ញានៃជំងឺមួយនេះ រួមមាន នោមញឹកញាប់ ក្រហាយ និងឈឺចាប់នៅផ្នែកខាងក្រោមពោះ។ វិធីសាស្ត្រនៃការបង្ការ គឺយើងចាំបាច់ត្រូវញ៉ាំទឹកឲ្យបានច្រើន […]

បញ្ហាផ្ទៃពោះ

កូនក្រៅស្បូន បើទុកយូរអាចនាំទុក្ខដល់ម៉ាក់ៗកាត់ដៃស្បូនម្ខាងចោល

នៅពេលលទ្ធផលពិនិត្យទឹកនោមបង្ហាញថា មានផ្ទៃពោះ ម៉ាក់ៗប្រាកដជាមានអារម្មណ៍រំភើបជាមិនខាន ព្រោះបានសមាជិកគ្រួសារបន្ថែម។ ពេលដឹងខ្លួនថាមានកូន ស្រីៗគ្នាយើងត្រូវប្រញាប់ទៅជួបគ្រូពេទ្យជំនាញភ្លាមៗ ដើម្បីពិនិត្យអេកូឲ្យដឹងពីទីតាំងកូន ថានៅក្នុង ឬក្រៅស្បូន ហើយបើដឹងថាកូនក្រៅស្បូន ត្រូវយកចេញជាបន្ទាន់ ចៀសវាងគ្រោះថ្នាក់ពេលវិវត្តធំ។ លោកសាស្ត្រាចារ្យវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត បានឲ្យដឹងថាបច្ចុប្បន្នមានបច្ចេកទេសទំនើប ដូចនេះបើយើងពិនិត្យដឹងទាន់ពេលវេលាគ្រូពេទ្យអាចជួយសង្គ្រោះម៉ាក់ៗដោយមិនបាច់កាត់ដៃស្បូន គ្រាន់តែចោះ ហើយបកយកតែកូនចេញ និងរក្សាដៃស្បូននៅធម្មតាដោយគ្មានការឈឺចាប់។ គ្រូពេទ្យឯកទេសរោគស្ត្រីរូបនេះក៏បានបន្តទៀតថា ក្រោយចោះយកកូនក្រៅស្បូនហើយ អត្រាមានកូនរបស់ស្រីនៅធម្មតា មិនដូចអ្នកកាត់ដៃស្បូនឡើយ។ អត្ថបទពាក់ព័ន្ធ៖ កូនក្រៅស្បូនមកពីបញ្ហាច្រើន ម៉ាក់ៗប្រហែសតែបន្តិចគ្រោះថ្នាក់ដល់ជីវិត ម៉ាក់ៗត្រូវដឹង បើគភ៌ស្ថិតក្នុងករណីទាំងនេះ ពេទ្យមិនឲ្យទុកទៀតទេ វេជ្ជបណ្ឌិតដដែលក៏បន្តពន្យល់ទៀតថា បើកាលណាទុកកូនយូររហូតទាល់បែកគ្រាប់ឈាមពេញដៃស្បូន នោះគ្រូពេទ្យមិនអាចជួយដោយការចោះទៀតនោះទេ គឺប្រើវិធីកាត់ដៃស្បូនចោល ដើម្បីជួយសង្គ្រោះម៉ាក់ៗ។ ក្នុងករណីនេះបើនៅដៃស្បូនម្ខាងល្អ ម៉ាក់ៗនៅតែអាចមានកូនបាន ប៉ុន្តែអត្រាដែលមានកូនលើកក្រោយនេះអាចថយចុះរហូតដល់ ៥០%ឯណោះ តែបើមិនល្អអាចសង្ឃឹមតិចជាងនេះ។ ស្រីៗដែលមានកូនក្រៅស្បូនតម្រូវឲ្យយកចេញជាបន្ទាន់ ព្រោះគភ៌មិនអាចលូតលាស់បានឡើយ ហើយបើគភ៌វិវត្តធំទៅៗអាចបណ្ដាលឲ្យបែកហូរឈាមពេញពោះ ហើយម៉ាក់ៗអាចនឹងស្លាប់ប្រសិនបើទុករហូតដល់ដំណាក់កាលធ្ងន់ធ្ងរខ្លាំង។ រោគសញ្ញាដែលបញ្ជាក់ថាកូនក្រៅស្បូនមានដូចជា ការធ្លាក់ឈាម ឈឺចាប់ត្រង់អាងត្រគាក ឬពោះឡើងរឹងជាដើម។ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕