មានផ្ទៃពោះ

បើស្រ្តីពពោះមិនបញ្ឈប់ទង្វើទាំងនេះទេ អាចនឹងប៉ះពាល់ដល់កូនមិនខាន

ការពពោះ គឺជារយៈពេលដ៏សំខាន់ និងមានអត្ថន័យបំផុតសម្រាប់ម៉ាក់ៗ។ អំឡុងពេលនេះដែរ យើងចាំបាច់ត្រូវមានការប្រុងប្រយ័ត្នចំពោះទម្លាប់ខុសឆ្គងមួយចំនួន ដែលអាចប៉ះពាល់ដល់សុខភាពអាអូនក្នុងផ្ទៃ។ តើរឿងអ្វីខ្លះ ដែលម៉ាក់ៗមិនគួរធ្វើអំឡុងពេលពពោះ? ១. ខ្ជិលច្រអូស និងមិនធ្វើអ្វីទាំងអស់ ម៉ាក់ៗគួរធ្វើសកម្មភាពប្រចាំថ្ងៃស្រាលៗ រួមបញ្ចូលការហាត់យូហ្គា ដើរជារៀងរាល់ថ្ងៃ ឬចំណាយពេលខ្លះ ធ្វើរឿងដែលខ្លួនឯងចូលចិត្ត។ ទង្វើទាំងនេះ អាចជួយគ្រប់គ្រងអារម្មណ៍ កាត់បន្ថយអាការៈចាញ់កូន ជួយឲ្យគេងលក់ស្កប់ស្កល់ និងបញ្ចៀសបញ្ហាសុខភាពផ្សេងៗ។ ម្យ៉ាងវិញទៀត បើយើងអង្គុយច្រើនពេក នោះនឹងអាចបណ្តាលឲ្យមានបញ្ហាសុខភាពមួយចំនួន ដូចជាឡើងទម្ងន់ ឬជំងឺទឹកនោមផ្អែមពេលពពោះ។ល។ ២. ជក់បារី ញ៉ាំគ្រឿងស្រវឹង និងជាតិកាហ្វេអ៊ីន នៅពេលដែលយើងជក់បារី ញ៉ាំគ្រឿងស្រវឹង ឬជាតិកាហ្វេអ៊ីន សារធាតុទាំងនោះនឹងចូលទៅកាន់សុករបស់ម៉ាក់ៗ ហើយប៉ះពាល់ដល់ទារកក្នុងផ្ទៃដោយផ្ទាល់។ ហានិភ័យនៃកូនស្លាប់ក្នុងផ្ទៃ សម្រាលមិនគ្រប់ខែ ការរលូតកូន កូនកើតមិនគ្រប់គីឡូ និងបញ្ហាទារកស្លាប់ភ្លាមៗ អាចនឹងកើនឡើងខ្ពស់។ គ្រឿងស្រវឹង ក៏រួមចំណែកដល់បញ្ហាមិនប្រក្រតីខាងរាងកាយ និងបញ្ញាស្មារតី ហើយការជក់បារីទៀតសោត អាចប៉ះពាល់ដល់សមត្ថភាពក្នុងការមានផ្ទៃពោះម្តងទៀត និងបង្កជាបញ្ហាផ្លូវដង្ហើម។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣. ញ៉ាំអាហារជាក់លាក់ ទន្ទឹមនឹងនេះដែរ សាច់ បន្លែ ត្រី ឬស៊ុតឆៅ ទឹកផ្លែឈើ ឈីស និងអាហារកែច្នៃមួយចំនួន អាចបណ្តាលឲ្យមានផលវិបាកក្នុងពេលសម្រាល។ អ៊ីចឹងហើយ […]

ការថែទាំផ្ទៃពោះមុនសម្រាល

អូមេហ្គា៣ ល្អសម្រាប់ស្ត្រីពពោះ ចុះបើញ៉ាំជ្រុលអាចប៉ះពាល់អត់?

អំឡុងពេលពពោះ ម៉ាក់ៗតែងតែយកចិត្តទុកដាក់ចំពោះរបបអាហារ ក៏ដូចជាប្រភេទវីតាមីនល្អៗ ដើម្បីធានាទារកក្នុងផ្ទៃមានសុខភាពល្អជាក់ជាមិនខាន។ យោងតាមការស្រាវជ្រាវមួយបានបង្ហាញថា អាស៊ីដខ្លាញ់អូមេហ្គា៣មានអត្ថប្រយោជន៍ច្រើនក្នុងការទ្រទ្រង់ខួរក្បាល និងប្រព័ន្ធប្រសាទ របស់ទារក។ ប៉ុន្តែ ប្រសិនបើយើងស្រូបយកអូមេហ្គា៣ច្រើនជ្រុល តើវាអាចផ្ដល់ផលប៉ះពាល់ដល់សុខភាពម្ដាយ និងទារកក្នុងផ្ទៃដែរឬយ៉ាងណា? អត្ថប្រយោជន៍អូមេហ្គា៣ អាស៊ីដខ្លាញ់អូមេហ្គា៣ មានសារសំខាន់ណាស់ចំពោះសុខភាព និងការអភិវឌ្ឍរបស់មនុស្សយើង។ ប៉ុន្តែដោយសារតែរាងកាយរបស់យើងមិនអាចផលិតអាស៊ីដខ្លាញ់ប្រភេទនេះបាន យើងចាំបាច់ត្រូវស្រូបយកពីចំណីអាហារ ឬអាហារបំប៉ន។ ជាទូទៅ ពពួកអូមេហ្គា៣មាននៅក្នុងត្រីដែលមានខ្លាញ់ដូចជាត្រីសាល់ម៉ុន ត្រីធូណា ឬផ្លែប័រជាដើម ដែលអាចជួយទ្រទ្រង់ប្រព័ន្ធខួរក្បាល និងប្រព័ន្ធប្រសាទ ព្រមទាំងភ្នែក។ បន្ថែមពីនេះ វាក៏មានគុណប្រយោជន៍ដ៏អស្ចារ្យចំពោះប្រព័ន្ធភាពស៊ាំ និងបេះដូង ព្រមទាំងជួយកាត់បន្ថយការរលាកថែមទៀតផង។ ហេតុអ្វីបានជាស្ត្រីមានផ្ទៃពោះចាំបាច់ត្រូវញ៉ាំអូមេហ្គា៣? ពិតណាស់ អូមេហ្គា៣មានសារសំខាន់ណាស់សម្រាប់ការអភិវឌ្ឍប្រព័ន្ធប្រសាទរបស់ទារក និងអាចកាត់បន្ថយលទ្ធភាពនៃអាលែកហ្ស៊ី។ នៅអំឡុងត្រីមាសចុងក្រោយនៃការមានគភ៌ អូមេហ្គា៣កាន់តែមានអត្ថប្រយោជន៍ខ្លាំងឡើង ពីព្រោះវាជួយដល់ការអភិវឌ្ឍខួរក្បាលទារក និងឆ្អឹងខ្នង។ ជាមួយគ្នានេះដែរ អូមេហ្គា៣មិនត្រឹមតែរួមចំណែកជួយដល់សុខភាពរបស់ទារកក្នុងផ្ទៃប៉ុណ្ណោះទេ ប៉ុន្តែវាក៏ផ្ដល់ផលល្អចំពោះម៉ាក់ៗដូចគ្នា។ យោងតាមការសិក្សាមួយបានបង្ហាញថា អាហារបំប៉នអូមេហ្គា៣អាចជួយឲ្យស្ត្រីពពោះជៀសផុតពីជំងឺបាក់ទឹកចិត្ត ការពារជំងឺបាក់ទឹកចិត្តក្រោយសម្រាលកូន ក៏ដូចជាកាត់បន្ថយហានិភ័យនៃជំងឺបម្រុងក្រឡាភ្លើង។ ផលប៉ះពាល់អវិជ្ជមាននៃអូមេហ្គា៣ ទោះបីជាអាស៊ីដខ្លាញ់អូមេហ្គា៣មានប្រយោជន៍ខ្លាំងចំពោះស្ត្រីពពោះយ៉ាងណាក្ដី ប៉ុន្តែវាមិនមែនជារឿងងាយស្រួលសម្រាប់ស្ត្រីពពោះក្នុងការទទួលបានអូមេហ្គា៣គ្រប់គ្រាន់ពីក្នុងចំណីអាហារឡើយហើយម៉ាក់ៗក៏មិនអាចញ៉ាំត្រីដែលមានខ្លាញ់អូមេហ្គា៣ច្រើន ក្នុងអំឡុងពេលមានគភ៌ដែរ ពីព្រោះតែកម្រិតជាតិបារតខ្ពស់នៅក្នុងត្រីទាំងនោះ។ ដូច្នេះហើយ ទើបស្ត្រីមានគភ៌ត្រូវបានណែនាំឲ្យប្រើប្រាស់អាហារបំប៉នអូមេហ្គា៣ដែលមានគុណភាពខ្ពស់។ ស្ត្រីមានគភ៌អាចទទួលយកអូមេហ្គា៣ច្រើនជ្រុលបានដែរឬទេ? ចំពោះស្ត្រីពពោះ គឺមិនអាចញ៉ាំត្រីដែលមានខ្លាញ់លើសពី៣៤០ក្រាមក្នុងមួយសប្ដាហ៍បានឡើយ នេះបើយោងតាមសមាគមសុខភាពបេះដូងអាមេរិក (American Heart Association)។ រីឯម៉ាក់ៗដែលញ៉ាំអាហារបំប៉នអូមេហ្គា៣ ក៏មិនគួរប្រើប្រាស់លើសពីការណែនាំរបស់គ្រូពេទ្យដែរ។ ប្រសិនបើកើតមានអាការៈឈឺទ្រូង ឬក្ដៅខ្លួន និងគ្រុនរងារ ជាដើម […]