មានផ្ទៃពោះ

បើស្រ្តីពពោះមិនបញ្ឈប់ទង្វើទាំងនេះទេ អាចនឹងប៉ះពាល់ដល់កូនមិនខាន

ការពពោះ គឺជារយៈពេលដ៏សំខាន់ និងមានអត្ថន័យបំផុតសម្រាប់ម៉ាក់ៗ។ អំឡុងពេលនេះដែរ យើងចាំបាច់ត្រូវមានការប្រុងប្រយ័ត្នចំពោះទម្លាប់ខុសឆ្គងមួយចំនួន ដែលអាចប៉ះពាល់ដល់សុខភាពអាអូនក្នុងផ្ទៃ។ តើរឿងអ្វីខ្លះ ដែលម៉ាក់ៗមិនគួរធ្វើអំឡុងពេលពពោះ? ១. ខ្ជិលច្រអូស និងមិនធ្វើអ្វីទាំងអស់ ម៉ាក់ៗគួរធ្វើសកម្មភាពប្រចាំថ្ងៃស្រាលៗ រួមបញ្ចូលការហាត់យូហ្គា ដើរជារៀងរាល់ថ្ងៃ ឬចំណាយពេលខ្លះ ធ្វើរឿងដែលខ្លួនឯងចូលចិត្ត។ ទង្វើទាំងនេះ អាចជួយគ្រប់គ្រងអារម្មណ៍ កាត់បន្ថយអាការៈចាញ់កូន ជួយឲ្យគេងលក់ស្កប់ស្កល់ និងបញ្ចៀសបញ្ហាសុខភាពផ្សេងៗ។ ម្យ៉ាងវិញទៀត បើយើងអង្គុយច្រើនពេក នោះនឹងអាចបណ្តាលឲ្យមានបញ្ហាសុខភាពមួយចំនួន ដូចជាឡើងទម្ងន់ ឬជំងឺទឹកនោមផ្អែមពេលពពោះ។ល។ ២. ជក់បារី ញ៉ាំគ្រឿងស្រវឹង និងជាតិកាហ្វេអ៊ីន នៅពេលដែលយើងជក់បារី ញ៉ាំគ្រឿងស្រវឹង ឬជាតិកាហ្វេអ៊ីន សារធាតុទាំងនោះនឹងចូលទៅកាន់សុករបស់ម៉ាក់ៗ ហើយប៉ះពាល់ដល់ទារកក្នុងផ្ទៃដោយផ្ទាល់។ ហានិភ័យនៃកូនស្លាប់ក្នុងផ្ទៃ សម្រាលមិនគ្រប់ខែ ការរលូតកូន កូនកើតមិនគ្រប់គីឡូ និងបញ្ហាទារកស្លាប់ភ្លាមៗ អាចនឹងកើនឡើងខ្ពស់។ គ្រឿងស្រវឹង ក៏រួមចំណែកដល់បញ្ហាមិនប្រក្រតីខាងរាងកាយ និងបញ្ញាស្មារតី ហើយការជក់បារីទៀតសោត អាចប៉ះពាល់ដល់សមត្ថភាពក្នុងការមានផ្ទៃពោះម្តងទៀត និងបង្កជាបញ្ហាផ្លូវដង្ហើម។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣. ញ៉ាំអាហារជាក់លាក់ ទន្ទឹមនឹងនេះដែរ សាច់ បន្លែ ត្រី ឬស៊ុតឆៅ ទឹកផ្លែឈើ ឈីស និងអាហារកែច្នៃមួយចំនួន អាចបណ្តាលឲ្យមានផលវិបាកក្នុងពេលសម្រាល។ អ៊ីចឹងហើយ […]

បញ្ហាផ្ទៃពោះ

ធ្ងាប់ឆ្ងល់អត់ម៉េចបានស្រីៗក្រោយសម្រាល អារម្មណ៍ឆាប់ប្រែប្រួល នៅសុខៗយំក៏មាន?

បន្ទាប់ពីឆ្លងទន្លេរួច ស្រីៗយើងត្រូវឆ្លងកាត់រយៈពេលមួយទៀត ដែលចាស់ៗតែហៅថាសសៃខ្ចី។ នៅក្នុងរយៈពេលនោះរាងកាយនឹងចាប់ផ្ដើមផ្លាស់ប្តូរទៅរកសភាពដើមវិញ ចំណែកឯកសុខភាពផ្លូវចិត្តវិញក៏អាចមានការប្រែប្រួលផងដែរ។ ទោះជាយ៉ាងណាក៏ដោយការផ្លាស់ប្តូរទាំងនេះគឺមានលក្ខណៈខុសគ្នាទៅតាមស្ត្រីម្នាក់ៗផងដែរ។ អាការៈហត់អត់ងងុយដោយសារកូនតូច និងជំងឺបាក់ទឹកចិត្តក្រោយឆ្លងទន្លេ បន្ទាប់ពីការឆ្លងទន្លេរួចស្រីៗយើងមួយចំនួននឹងប្រឈមជាមួយនឹងអាការៈហត់អត់ងងុយដោយសារកូនតូច។ រឿងនេះគឺជារឿងធម្មតាទៅហើយ។ អារម្មណ៍នេះអាចកើតឡើងក្នុងរយៈពេលពីរទៅបីថ្ងៃ ឬអាចមានរយៈពេលរហូតដល់២សប្តាហ៍។ យោងតាមការស្រាវជ្រាវថ្មីមួយបានឱ្យដឹងថា ជិត៨០%នៃអ្នកម្តាយថ្មោងថ្មីមានអារម្មណ៍ធុញថប់តប់ប្រម៉ល់ ឬអារម្មណ៍អវិជ្ជមាន។ នេះក៏ដោយសារតែការផ្លាស់ប្តូរនៃអ័រម៉ូននៅក្នុងខ្លួន។ រោគសញ្ញាទាំងនេះរួមមានការយំដោយមិនមានមូលហេតុ ការគេងមិនលក់ ភាពក្រៀមក្រំ ឆាប់ខឹង ភាពតានតឹង និងការប្រែប្រួលអារម្មណ៍ឆាប់រហ័ស។ ទោះជាយ៉ាងណាក៏ដោយ ប្រសិនបើស្រីៗយើងកើតមានអាការៈទាំងនេះក្នុងរយៈពេលច្រើនជាង២សប្តាហ៍នោះយើងអាចមានជំងឺបាក់ទឹកចិត្តក្រោយពេលឆ្លងទន្លេហើយ។ ស្ត្រីមួយចំនួនអាចនឹងមានអារម្មណ៍ថាខ្លួនមានកំហុស ឬមិនមានតម្លៃ។ ស្រីយើងខ្លះទៀតបានបាត់បង់ចំណាប់អារម្មណ៍លើកូនទើបកើត ឬអ្នកខ្លះទៀតអាចថែមទាំងធ្វើបាបកូនតូចខ្លួនឯងទៀតក៏មានដែរ។ ចំពោះអាការៈនេះគឺតម្រូវឱ្យមានការព្យាបាលពីគ្រូពេទ្យជំនាញឱ្យបានឆាប់បំផុតតាមដែលអាចធ្វើទៅបាន។ សូមទៅពិគ្រោះជាមួយនឹងគ្រូពេទ្យ ប្រសិនបើម៉ាក់ៗមានអារម្មណ៍ថា ខ្លួនបានកើតមានអាការៈទាំងនេះអស់រយៈពេលយូរមកហើយ ឬមានគំនិតចង់ធ្វើបាបកូនតូចជាដើម។ ការបាក់ទឹកចិត្តក្រោយពេលឆ្លងទន្លេរួចអាចលេចឡើងគ្រប់ពេលគឺអាចរហូតដល់មួយឆ្នាំក្រោយពេលសម្រាលកូនរួចក៏មានដែរ។ អត្ថបទពាក់ព័ន្ធ៖ ហេតុផលធំៗបញ្ជាក់ថា ថ្នាំវីតាមីនសំខាន់ខ្លាំងប៉ុនណាសម្រាប់ស្រីៗបំបៅដោះកូន ហេតុអីស្ត្រីពពោះប្រឈមខ្លាំងនឹងការខ្វះជាតិដែក? ជាតិដែកជួយអីខ្លះ? ស្រីៗពពោះ ញ៉ាំថ្នាំជាតិដែកចេះតែធ្វើទុក្ខ នេះជាវិធីដោះស្រាយ តើធ្វើដូចម្តេច ដើម្បីដោះស្រាយបញ្ហាសុខភាពផ្លូវចិត្ត ស្ទើរតែគ្រប់ស្ត្រីទាំងអស់ ក្រោយពេលឆ្លងទន្លេរួចពិតជាត្រូវការការថែទាំផ្លូវចិត្តពីសំណាក់ស្វាមី សមាជិកក្នុងក្រុមគ្រួសារ ឬមិត្តភក្តិ។ ចំណុចទាំងអស់ខាងក្រោមនេះអាចជួយស្រីៗយើងការដោះស្រាយបញ្ហាដែលកំពុងជួបបាន។ សម្រាកឱ្យបានច្រើន ព្យាយាមគេង និងសម្រាកឱ្យបានច្រើនតាមតែអាចធ្វើទៅបាន។ ក្នុងរយៈពេលប៉ុន្មានខែដំបូងនេះទារកតូចអាចនឹងត្រូវការបៅដោះញឹកញាប់។ ដូច្នេះ ម៉ាក់ៗត្រូវប្រាកដថា ខ្លួនទទួលបានការសម្រាកគ្រប់គ្រាន់ ហើយត្រូវគេងនៅពេលដែលកូនគេង។ ការគេងលក់ស្កប់ស្កល់គឺជាការព្យាបាលដ៏ល្អបំផុតនៃជំងឺបាក់ទឹកចិត្តក្រោយពេលឆ្លងទន្លេ។ ស្វែងរកជំនួយ ប្រសិនបើអាចមាននរណាម្នាក់ជួយយើងបានខ្លះក្នុងការមើលថែកូន នោះម៉ាក់ក៏មិនសូវបារម្ភច្រើន ។ នៅពេលដែលយើងកំពុងស្ថិតនៅក្នុងដំណាក់កាលដ៏លំបាកនេះ ហើយមានជំនួយពីនរណាម្នាក់នោះយើងត្រូវសម្រាកឱ្យបានច្រើន។ ពិភាក្សាជាមួយអ្នកដទៃ នេះគឺជាវិធីដ៏ល្អសម្រាប់ម៉ាក់ៗក្នុងការកាត់បន្ថយភាពតានតឹងនៃការធ្វើជាម្តាយថ្មោងថ្មីដោយការចែករំលែកអារម្មណ៍ជាមួយនឹងអ្នកដទៃ។ យើងអាចនិយាយរឿងរាវទាំងនេះជាមួយស្វាមី ឬគ្រួសារ ឬមិត្តភក្តិក៏បាន។ បំបាត់អារម្មណ៍ហត់អត់ងងុយដោយសារកូនតូច ម៉ាក់ៗអាចស្វែងរកការកម្សាន្ដចិត្តមួយចំនួនដូចជា ស្តាប់តន្ត្រី មើលភាពយន្តកំប្លែង […]