មានផ្ទៃពោះ

បើស្រ្តីពពោះមិនបញ្ឈប់ទង្វើទាំងនេះទេ អាចនឹងប៉ះពាល់ដល់កូនមិនខាន

ការពពោះ គឺជារយៈពេលដ៏សំខាន់ និងមានអត្ថន័យបំផុតសម្រាប់ម៉ាក់ៗ។ អំឡុងពេលនេះដែរ យើងចាំបាច់ត្រូវមានការប្រុងប្រយ័ត្នចំពោះទម្លាប់ខុសឆ្គងមួយចំនួន ដែលអាចប៉ះពាល់ដល់សុខភាពអាអូនក្នុងផ្ទៃ។ តើរឿងអ្វីខ្លះ ដែលម៉ាក់ៗមិនគួរធ្វើអំឡុងពេលពពោះ? ១. ខ្ជិលច្រអូស និងមិនធ្វើអ្វីទាំងអស់ ម៉ាក់ៗគួរធ្វើសកម្មភាពប្រចាំថ្ងៃស្រាលៗ រួមបញ្ចូលការហាត់យូហ្គា ដើរជារៀងរាល់ថ្ងៃ ឬចំណាយពេលខ្លះ ធ្វើរឿងដែលខ្លួនឯងចូលចិត្ត។ ទង្វើទាំងនេះ អាចជួយគ្រប់គ្រងអារម្មណ៍ កាត់បន្ថយអាការៈចាញ់កូន ជួយឲ្យគេងលក់ស្កប់ស្កល់ និងបញ្ចៀសបញ្ហាសុខភាពផ្សេងៗ។ ម្យ៉ាងវិញទៀត បើយើងអង្គុយច្រើនពេក នោះនឹងអាចបណ្តាលឲ្យមានបញ្ហាសុខភាពមួយចំនួន ដូចជាឡើងទម្ងន់ ឬជំងឺទឹកនោមផ្អែមពេលពពោះ។ល។ ២. ជក់បារី ញ៉ាំគ្រឿងស្រវឹង និងជាតិកាហ្វេអ៊ីន នៅពេលដែលយើងជក់បារី ញ៉ាំគ្រឿងស្រវឹង ឬជាតិកាហ្វេអ៊ីន សារធាតុទាំងនោះនឹងចូលទៅកាន់សុករបស់ម៉ាក់ៗ ហើយប៉ះពាល់ដល់ទារកក្នុងផ្ទៃដោយផ្ទាល់។ ហានិភ័យនៃកូនស្លាប់ក្នុងផ្ទៃ សម្រាលមិនគ្រប់ខែ ការរលូតកូន កូនកើតមិនគ្រប់គីឡូ និងបញ្ហាទារកស្លាប់ភ្លាមៗ អាចនឹងកើនឡើងខ្ពស់។ គ្រឿងស្រវឹង ក៏រួមចំណែកដល់បញ្ហាមិនប្រក្រតីខាងរាងកាយ និងបញ្ញាស្មារតី ហើយការជក់បារីទៀតសោត អាចប៉ះពាល់ដល់សមត្ថភាពក្នុងការមានផ្ទៃពោះម្តងទៀត និងបង្កជាបញ្ហាផ្លូវដង្ហើម។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣. ញ៉ាំអាហារជាក់លាក់ ទន្ទឹមនឹងនេះដែរ សាច់ បន្លែ ត្រី ឬស៊ុតឆៅ ទឹកផ្លែឈើ ឈីស និងអាហារកែច្នៃមួយចំនួន អាចបណ្តាលឲ្យមានផលវិបាកក្នុងពេលសម្រាល។ អ៊ីចឹងហើយ […]

មានផ្ទៃពោះ

ស្រីៗមានជំងឺ២មុខនេះ ត្រូវព្យាបាលឲ្យមានលំនឹងសិន បានអាចមានកូនបាន

ស្រីៗដែលមានបំណងយកកូន តែមានជំងឺទឹកនោមផ្អែម និងជំងឺហឺត ចាំបាច់ត្រូវទៅជួបគ្រូពេទ្យ និងព្យាបាលឲ្យស្ថានភាពជំងឺទាំង២នេះថេរ ឬមានលំនឹងសិន ចាំយកកូន នោះទើបមិនប៉ះពាល់ដល់គភ៌ និងសុខភាពម្តាយ។ នេះបើតាមបញ្ជាក់របស់លោកស្រីវេជ្ជបណ្ឌិត ទី សុវណ្ណរដ្ឋ ឯកទេសផ្នែកសម្ភព និងរោគស្ត្រី នៃមន្ទីរសម្រាកព្យាបាល និងសម្ភពមាតា។ ១- ជំងឺទឹកនោមផ្អែម ស្រីៗដែលមានជំងឺទឹកនោមផ្អែម មានបំណងយកកូន ចាំបាច់ត្រូវពិគ្រោះជាមួយគ្រូពេទ្យជំនាញ ដើម្បីព្យាបាលជំងឺទឹកនោមផ្អែមឲ្យមានស្ថេរភាព អាចការពារកត្តាប្រឈមដោយសារជំងឺ និងផលវិបាកផ្សេងទៀតអំឡុងពេលពពោះ។ ក្នុងនោះការគ្រប់គ្រងកម្រិតជាតិស្ករក្នុងឈាមឲ្យបានល្អ ជាវិធីបង្ការល្អបំផុត ដើម្បីបញ្ចៀសផលរំខានរបស់ជំងឺទឹកនោមផ្អែមអំឡុងពេលពពោះ។ សរីរាង្គសំខាន់ៗរបស់កូនក្នុងផ្ទៃ គឺទទួលឥទ្ធិពលយ៉ាងខ្លាំងពីកម្រិតជាតិស្កររបស់ម្តាយ។ ដើម្បីបន្ថយហានិភ័យកូនលូតលាស់មិនប្រក្រតី ស្រីៗត្រូវរក្សាកម្រិតជាតិស្ករក្នុងឈាមឲ្យបានល្អតាំងពីពេលពពោះដំបូងៗ។ ដើម្បីការពារការឡើងជាតិស្ករឲ្យបានទាន់ពេល គ្រូពេទ្យនឹងពិនិត្យមើលកម្រិតអេម៉ូក្លូប៊ីន A1C ដែលអាចបញ្ជាក់កម្រិតជាតិស្ករក្នុងឈាមរយៈ ២-៣ ខែមុនពពោះ។ អត្ថបទពាក់ព័ន្ធ៖ កើតទឹកនោមផ្អែម ក៏អាចពពោះដោយសុវត្ថិភាព ហើយនេះជាវិធីសាស្ត្រ! ២- ជំងឺហឺត ហឺតបណ្តាលឲ្យការស្រូបអុកស៊ីសែនដើម្បីទៅចិញ្ចឹមកោសិកា ថយចុះ ជាហេតុនាំឲ្យប៉ះពាល់ការបញ្ជូនអុកស៊ីសែនទៅអាអូនក្នុងផ្ទៃ ដូច្នេះគ្រូពេទ្យណែនាំឲ្យព្យាបាលជំងឺនោះល្អប្រសើរសិន ចាំយកកូន។ កាលណាយើងអាចគ្រប់គ្រងអាការៈជំងឺបានល្អ កូនក៏លូតលាស់បានល្អដូចគ្នា មិនមានផលប៉ះពាល់អ្វីឡើយ។ អត្ថបទពាក់ព័ន្ធ៖ ស្រីៗមានជំងឺហឺត ចង់មានកូន អានអត្ថបទនេះមុនសិន ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group […]