មុនមានផ្ទៃពោះ

ប្ដីប្រពន្ធខ្លះប្រឹងប្រែងរាប់ឆ្នាំ នៅតែគ្មានបេប៊ីគួរឲ្យស្រលាញ់ទៀត។ គ្នាយើងខ្លះព្យាយាមគ្រប់វិធី តាមបែបវិទ្យាសាស្ត្រ និងអប្បិយជំនឿ សុំឲ្យមានបេប៊ីម្នាក់ពីរ នៅតែអត់ទៀត។ បើអ៊ីចឹង “Hello គ្រូពេទ្យ” មានវិធីសាស្ត្រងាយៗ អាចមានកូនលឿន ប្រហែលជួយគ្នាយើងបាន។ ១- សុខភាពនិងផែនការយកបេប៊ី  ដើម្បីមានបេប៊ីម្នាក់គួរឲ្យស្រលាញ់សុខភាពល្អ អាចថាមិនមែនជារឿងងាយទេ ហើយត្រូវមានផែនការ និងថែរក្សាសុខភាពជាមួយគ្រួពេទ្យ ដើម្បីទទួលបានដំបូន្មានល្អៗទាក់ទងនឹងអាហារ ការរក្សាទម្ងន់ (កុំបណ្ដោយឲ្យស្រក ឬឡើងគីឡូច្រើន) គេងឲ្យបានគ្រប់គ្រាន់ ហាត់ប្រាណ និងត្រូវដឹងអ្វីគួរធ្វើ អ្វីមិនគួរធ្វើ។ គណនា BMI គណនា BMR គណនាថ្ងៃមេជីវិតញីទុំធ្លាក់ គណនាថ្ងៃសម្រាលកូន   ២- ហាត់ប្រាណលក្ខណៈដៃគូ ប្តីប្រពន្ធនៅជាមួយគ្នា ប៉ុន្តែចំណូលចិត្តអាចនឹងខុសគ្នា គ្នាយើងខ្លះមិនចូលចិត្តហាត់ប្រាណ ឬបញ្ចេញកម្លាំង និយាយរួមទៅ គឺខ្ជិលតែម្ដង។ តែបើអាច ត្រូវប្ដូរចរិតទាំងនេះ ងាកមកហាត់ប្រាណដើម្បីសុខភាព ឬក៏ធ្វើការងារប្រចាំថ្ងៃជាមួយគ្នា ទៅរៀនរាំ ឬហាត់យូហ្គា ជាមួយគ្នា។ ធ្វើបែបនេះ មិនត្រឹមតែអាចជួយឲ្យសុខភាពម៉ាក់ៗ និងបេប៊ីល្អប៉ុណ្ណោះទេ ថែមទាំងជួយបង្កើនមនោសញ្ចេតនាប្តីប្រពន្ធឲ្យផ្អែមល្ហែមទៀតផង។ ៣- ពេលវេលាល្អសម្រាប់រួមភេទ ស្រីៗគ្នាយើងត្រូវដឹង តើរាងកាយយើងត្រៀមរួចជាស្រេចដើម្បីពពោះហើយ ឬនៅ? ត្រូវដឹងថា មេជីវិតញីចេញមករង់ចាំមេជីវិតឈ្មោលដើម្បីបង្កកំណើតពេលណា? ព្រោះថាមេជីវិតឈ្មោលអាចរស់នៅក្នុងរាងកាយមនុស្សស្រីបានដល់ ៦ ថ្ងៃប៉ុណ្ណោះ (អាស្រ័យលើគុណភាពមេជីវិតរបស់ប្រុស និងសុខភាពស្រីៗ)។ អ៊ីចឹងហើយ […]

បាត់រដូវភ្លាម គ្នាយើងច្បាស់ជាសង្ស័យនេះសង្ស័យនោះ។ អ្នកមានគ្រួសាររួច អាចភ័យអរ តែស្រីៗនៅលីវ អាច​ភ័យ​បុក​ពោះ​តែ​ម្ដង។ បើ​ចង់ដឹងមានផ្ទៃពោះ ឬគ្មាន មិនចាំបាច់ទៅដល់ពេទ្យនោះទេ ស្រីៗយើងអាចតេស្តទឹកនោមនៅផ្ទះក៏បាន ងាយស្រួល និងរក្សាការសម្ងាត់ទៀត។ “Hello គ្រូពេទ្យ” នឹងណែនាំគ្នាយើងវិធីងាយៗធ្វើតេស្តផ្ទៃពោះ។ ១- គួរធ្វើតេស្តពេលណា? ចង់បានលទ្ធផលច្បាស់ គួរចាំយ៉ាងតិចណាស់ឲ្យបាន ១ សប្តាហ៍ បន្ទាប់ពីថ្ងៃបាត់រដូវ។ ធ្វើតេស្តលឿនពេក លទ្ធផលអាចខុស ពេលខ្លះមានផ្ទៃពោះ តែលទ្ធផលបែរជាអវិជ្ជមាន។ មួយទៀត គួរធ្វើតេស្តនៅពេលព្រឹក ព្រោះជាពេលកំហាប់អ័រម៉ូនក្នុងទឹកនោមឡើងខ្ពស់។ ២- លទ្ធផលតេស្ត អាចជឿបានអត់? តេស្តផ្ទៃពោះអាចធ្វើបាន ២ របៀប គឺតេស្តទឹកនោមនៅផ្ទះ និងតេស្តឈាមនៅមណ្ឌលសុខភាព។ លទ្ធផលធ្វើតេស្តទឹកនោម អាចទុកចិត្តបាន ៩៩% ខណៈលទ្ធផលធ្វើតេស្តឈាម គឺច្បាស់តែម្ដង។ យ៉ាងណា លទ្ធផលតេស្ត អាស្រ័យទៅលើ៖ - ធ្វើត្រឹមត្រូវតាមការណែនាំ - រយៈពេលអំប្រ៊ីយ៉ុងតោងជាប់ជញ្ជាំងស្បូនឆាប់រហ័ស - រយៈពេលធ្វើតេស្ត (តេស្តក្នុងសប្តាហ៍ទីប៉ុន្មាននៃគភ៌) - គុណភាពផលិតផលតេស្ត។ ករណីកម្រមួយចំនួន លទ្ធផលតេស្តនឹងខុស បើមានវត្តមានរបស់ប្រូតេអ៊ីន ឬក៏ឈាមនៅក្នុងទឹកនោម។ លទ្ធផលអាចខុសដូចគ្នា បើស្ត្រីកំពុងតែប្រើថ្នាំណាមួយ។ ៣- របៀបធ្វើតេស្តដោយខ្លួនឯង ធ្វើតេស្តផ្ទៃពោះខ្លួនឯង មានភាពងាយស្រួល មិនចំណាយពេលយូរ គ្រាន់តែធ្វើតាមការណែនាំឲ្យបានត្រឹមត្រូវប៉ុណ្ណោះ ខណៈវិធីសាស្ត្រប្រើឧបករណ៍តេស្ត មាន៖ - […]